అదేంటి.. ఆ నటి కనుబొమ్మపై గాటు!

బాలీవుడ్‌ మిస్టర్‌ పర్ఫెక్ట్‌ ఆమిర్‌ ఖాన్‌తో వరుస సినిమాలు చేస్తున్న భామ సనా ఫాతిమా షైక్‌. ‘దంగల్‌’ లో రెజ్లర్‌ గీతా ఫొగట్‌గా నటించి మెప్పించిన ఈ అమ్మడు తాజాగా ‘థగ్స్‌ ఆఫ్‌ హిందూస్తాన్‌’ సినిమాలో నటిస్తోంది. ఆమిర్‌, బిగ్‌ బీ అమితాబ్‌ బచ్చన్‌, కత్రినా కైఫ్‌ వంటి ప్రముఖ తారాగణంతో ఈ చిత్రం తెరకెక్కుతోంది. సనా తాజాగా ముంబై బాంద్రాలోని ఓ రెస్టారెంట్‌ వద్ద దర్శనమిచ్చింది. సీరియస్‌గా పుస్తకం చదువుతూ కనిపించిన ఈ అమ్మడిని ఫొటోగ్రాఫర్లు క్లిక్‌మనిపించారు. ఈ ఫొటోలు చూసిన నెటిజన్లు.. అదేంటి ఆమె కనుబొమ్మ ఒకటి అలా ఉంది అని ఆరా తీస్తున్నారు. ఒక కనుబొమ్మపై గాటులాగా ఉండటంతో ‘థగ్స్‌ ఆఫ్‌ హిందూస్థాన్‌’ సినిమా లుక్కు కోసం అలా అయ్‌ బ్రోను షేవ్‌ చేసుకుందా? అని కామెంట్‌ చేస్తున్నారు.