‘నరసింహనాయుడు’తో ‘నరసింహ’ దర్శకుడు

 బాలకృష్ణ, కె.ఎస్.రవికుమార్... సరైన కాంబినేషన్ కదా. శక్తిమంతమైన కథాంశాలను తెరకెక్కించడంలో కె.ఎస్.రవికుమార్ ఎంత దిట్టో.. ఒక ‘ముత్తు’, ఒక ‘నరసింహా’ సినిమాలే చెబుతాయి. అలాంటి కె.ఎస్.రవికుమార్.. ఈ నరసింహనాయుడుతో సినిమా చేస్తున్నాడంటే.. అభిమానులకు ఇంతకు మించిన శుభవార్త ఇంకోటి ఉంటుందా! ఫిలింనగర్‌లో మాత్రం ఈ వార్త కాస్త ఫోర్స్‌గానే వినిపిస్తుంది. ‘లెజెండ్’ తర్వాత బాలయ్య నటించే సినిమాకు కె.ఎస్.రవికుమారే దర్శకుడట. ఇటీవలే బాలయ్యకు కె.ఎస్.రవికుమార్ ఓ కథ వినిపించాడని, ఆ కథ బాలకృష్ణకు బాగా నచ్చడంతో... సినిమా చేయడానికి గ్రీన్ సిగ్నల్ ఇచ్చేశారని వార్త పూర్తి సారాంశం. మరి ఇందులో నిజానిజాలు తెలుసుకోవాలంటే... ఇంకొన్ని రోజులు ఆగాల్సిందే.