పారిపోవాలా? చచ్చిపోవాలా?

చరణ్‌ తేజ్‌ హీరోగా నటిస్తూ, దర్శకత్వం వహించిన చిత్రం ‘ఆయుష్మాన్‌ భవ’. స్నేహా ఉల్లాల్‌ కథానాయిక. ‘నేను లోకల్‌’ చిత్రదర్శకుడు త్రినాథ్‌రావు నక్కిన కథ అందించడంతో పాటు దర్శకత్వ పర్యవేక్షణ చేశారు. దర్శకుడు మారుతి సహ నిర్మాతగా సి.టి.ఎఫ్‌ నిర్మాణంలో తెరకెక్కిన ఈ చిత్రం పోస్ట్‌ ప్రొడక్షన్‌ పనులు జరుపుకుంటోంది. ఈ నెల 21న రచయిత పరుచూరి వెంకటేశ్వరరావు 75వ జన్మదినోత్సవాన్ని పురస్కరించుకుని ఈ సినిమా టీజర్‌ను విడుదల చేయనున్నారు.

ఈ సందర్భంగా చరణ్‌ తేజ్‌ మాట్లాడుతూ– ‘‘ప్రేమించిన అమ్మాయి కులం, మతం వేరైతే మర్చిపోవాలా? పారిపోవాలా? చచ్చిపోవాలా? ప్రపంచం ఏమైతే నాకేంటి? సమాజం ప్రేమని చూసే విధానం మారాలి.. లేకపోతే చంపేస్తా.. అనుకునే హీరో క్యారెక్టరైజేషన్‌తో ఈ చిత్రం తెరకెక్కింది. ఫస్ట్‌ లుక్‌ పోస్టర్‌కు అద్భుతమైన స్పందన లభించింది. బాలీవుడ్‌ మ్యూజిక్‌ డైరెక్టర్‌ మీట్‌ అందించిన ఆడియోను యూత్‌ ఎంజాయ్‌ చేస్తున్నారు’’ అన్నారు. హుజన్, పరుచూరి వెంకటేశ్వరావు, రంగరాజన్, అశ్విన్, నిఖిత నటించిన ఈ చిత్రానికి అసోసియేట్‌ ప్రొడ్యూ సర్స్‌: బి.ఏ.శ్రీనివాసరావు, హేమరత్న, కథనం: పరుచూరి బ్రదర్స్, కెమెరా: దాశరథి శివేంద్ర.