శంకర్ కొత్త ‘రోబో’గా...?

శంకర్ కొత్త ‘రోబో’గా...?

రజనీకాంత్‌తో శంకర్ తీసిన ‘రోబో’ ఓ విజువల్ వండర్. దక్షిణాదినే కాకుండా ఉత్తరాది ప్రేక్షకులను కూడా ఈ చిత్రం అమితంగా ఆకట్టుకుంది. ఈ చిత్రానికి సీక్వెల్ చేయాలనేది శంకర్ కల. ఇప్పటికే కథను కూడా సిద్ధం చేశారని సమాచారం. ఈ రెండో భాగంలో రజనీకాంత్ ఉండరని పరిశీలకులు భావిస్తున్నారు. ఎందుకంటే, శంకర్ ఇటీవలే బాలీవుడ్ మిస్టర్ పర్‌ఫెక్షనిస్ట్ ఆమిర్ ఖాన్‌ని కలిసి ఈ కథ వినిపించారట. కథల ఎంపిక విషయంలో అమిత శ్రద్ధ కనబర్చే ఆమిర్ ఈ కథను వినగానే పచ్చజెండా ఊపేశారని సమాచారం. మరి.. ఈ చిత్రంలో రెండు రోబోలు ఉంటాయా? ఒక రోబోగా రజనీ, మరో రోబోగా ఆమిర్ నటిస్తారా? లేక ఒకే ఒక్క పాత్ర ఉంటుందా?... అసలీ సీక్వెల్ నిజంగానే తెరకెక్కుతుందా? తదితర ప్రశ్నలకు సమాధానం తెలుసుకోవాలంటే కొన్నాళ్లు ఆగాల్సిందే.