ప్రియురాలి కోసం పేపర్‌ యాడ్‌.. చివరకు ఏమైందంటే..

Oct 17, 2019, 16:52 IST

టెక్సాస్‌ : మాట్రినెజ్‌ మనసుమనసులో లేదు! ఆమె గుర్తుకు వచ్చినపుడల్లా ఏదో తెలియని బాధ. ఆమెతో కలిసి తిరిగిన క్షణాలు గుర్తొచ్చిన ప్రతిసారి ఓ వైపు ఆనందం మరోవైపు దుఃఖం కలుగుతోందతనికి. తనతో కలిసున్నది కొన్ని గంటలైనా అవి మర్చిపోలేని జ్ఞాపకాలుగా మిగిలిపోయాయి. ఆమెను ఎలాగైనా ఇంకోసారి కలవాలి అనుకున్నాడు. కానీ, ఎలా?.. ఆమె పేరు, ఊరు ఏదీ తెలియదు. పర్యటన కోసం హార్ట్‌ ఐలాండ్‌ వెళ్లినపుడు తను పరిచయమైంది. కొన్ని గంటల పాటు అక్కడి ప్రాంతాలను కలిసి చూశారు. ఒకరి ఫొటోలు ఒకరు తీసుకున్నారు. ఆమె ‘‘సెన్స్‌ ఆఫ్‌ హ్యూమర్‌’’ అతడని బాగా ఆకట్టుకుంది. ఆమెతో ఉన్నంత సేపు తను జోకులు వేస్తుంటే మాట్రినెజ్‌ పగలబడి నవ్వటం మామూలైపోయింది.

మాటల్లో పడి ఒకరి వివరాలు ఒకరు తెలుసుకోవటం కూడా మర్చిపోయారు. ఫోన్‌ నెంబర్లు కూడా ఇచ్చిపుచ్చుకోలేదు. అక్కడ పర్యటన ముగిసి, ఇద్దరు బస్సులోకి తిరిగి వచ్చి వేరువేరుగా కూర్చోవటంతో మాట్లాడుకునేందుకు అవకాశం రాలేదు. మాట్రినెజ్‌ మాత్రం ఆమెను అక్కడికి దగ్గరలో ఉన్న సెంట్రల్ ఐలాండ్‌లో చూడొచ్చని అనుకున్నాడు. అయితే దురదృష్టవశాత్తు తనను మళ్లీ కలుసుకునే అవకాశం అతడికి రాలేదు. ఇంటికి తిరిగొచ్చిన క్షణంనుంచి ఆమె జ్ఞాపకాలు అతడ్ని వేధించసాగాయి. అప్పుడర్థమైందతడికి.. ఆమెను తను ప్రేమిస్తున్నాడని.

పర్యటన సందర్భంగా మాట్రినెజ్‌ దిగిన ఫొటో
కొన్ని రోజులు తీవ్రంగా ఆలోచించాడు. పేరు, ఊరు, అసలు ఏమీ తెలియని అమ్మాయిని కనుక్కోవటం ఓ సవాల్‌గా మారింది. మనసుంటే మార్గముంటదన్నట్లు అప్పుడే అతడికి పేపర్‌ యాడ్‌ ఆలోచన వచ్చింది. అంతే ఆమె కోసం గత జులై 16న ఓ పేపర్‌లో చిన్న యాడ్‌ వేయించాడు. ఆ యాడ్‌ కొన్ని గంటల్లోనే అమెరికా వ్యాప్తంగా వైరల్‌గా మారిపోయింది. ఎట్టకేలకు మాట్రినెజ్‌ వెతుకుతున్న అమ్మాయి ఆ యాడ్‌ను చూసి అతన్ని సంప్రదించింది. దీంతో అతడి ఆనందానికి అవధులు లేకుండా పోయాయి. ఈ నెలలో మాట్రినెజ్‌ ఆ అమ్మాయి కలిసి మరోసారి హార్ట్‌ ఐలాండ్‌కు వెళ్లబోతున్నారు. అక్కడ కలిసి డిన్నర్‌ కూడా చేయబోతున్నారు.

లేదా worldoflove@sakshi.comకు మెయిల్‌ చేయండి

Read latest Lifestyle News and Telugu News | Follow us on FaceBook, Twitter, Telegram

Tags:

World of Love

Texas

Love

తాజా వార్తలు

ఇంకా »

ఈ వారం మీ ప్రేమ జాతకం

(తేదీ : 20 నుంచి 26 వరకు)

అనుకున్న ఇష్టులైన వారికి సందేశాలు అందించేందుకు శుక్ర, గురువారాలు అత్యంత అనుకూలమైనవిగా చెప్పవచ్చు. ఈరోజుల్లో మీ ప్రతిపాదనలు అవతలివారు వినమ్రంగా స్వీకరించే వీలుంటుంది. ఇక ఈ సమయంలో మీరు ఆరెంజ్, రెడ్‌ రంగు దుస్తులు ధరిస్తే మంచిది. అలాగే, ఇంటి నుంచి తూర్పుదిశగా బయలుదేరండి. అయితే, సోమ, మంగళవారాలు వీటికి దూరంగా ఉండడం మంచిది.

మీమనస్సులో ఉన్న వారికి ప్రేమసందేశాలు అందించేందుకు సోమ, బుధవారాలు అనుకూలమైనవిగా చెప్పొచ్చు. ఈ రోజుల్లో మీ ప్రతిపాదనలపై అవతలి వైపు నుంచి అనుకూల స్పందనలు రావచ్చు. ఈ సమయంలో మీరు ఎల్లో, పింక్‌ రంగు దుస్తులు ధరించండి. అలాగే, ఇంటి నుంచి దక్షిణదిశగా బయలుదేరండి. అయితే, శని, మంగళవారాలు ఇటువంటి ప్రయత్నాలు విరమించండి.

మీరు అత్యంత ఇష్టపడే వారికి మనస్సులోని భావాలను శుక్ర, బుధవారాలు వెల్లడిస్తే అనుకూలత ఉంటుంది. ఈ సమయంలో మీ ప్రతిపాదనలను అవతలి వారు సైతం అంగీకరించే వీలుంటుంది. ఈ సమయంలో మీరు రెడ్, వైట్‌ రంగు దుస్తులు ధరించాలి. అలాగే, ఇంటి నుంచి ఉత్తరఈశాన్యదిశగా బయలుదేరితే శుభదాయకంగా ఉంటుంది. ఇక, ఆది, మంగళవారాలు ఇటువంటి వాటికి దూరంగా ఉండండి.