TV
పారిస్‌ : ఫ్రాన్స్‌ రాజధాని పారిస్‌లో శనివారం ఉదయం భారీ పేలుడు చోటు చేసుకుంది. వివరాలు.. సెంట్రల్‌ పారిస్‌లోని 9వ అరోన్‌డిస్‌మెంట్‌ ప్రాంతంలోని ఓ బేకరిలో గ్యాస్‌ లీకవ్వడంతో పేలుడు సంభవించింది. దాంతో ఒక్కసారిగా పెద్ద ఎత్తున మంటలు చెలరేగాయి. విషయం తెలుసుకున్న అగ్నిమాపక సిబ్బంది సంఘటనా స్థలానికి చేరుకొని మంటలను అదుపులోకి తీసుకొచ్చేందుకు ప్రయత్నిస్తున్నారు. పేలుడు కారణంగా చుట్టుపక్కల భవనాలు ధ్వంసమయ్యాయి. దాంతో ఆ పరిసర ప్రాంతాలు భయంకరంగా మారాయి.
ఈ ప్రమాదంలో పలువురు గాయపడినట్లు తెలుస్తోంది. కానీ ఎవరైనా మరణించారా లేదా అనే విషయం తెలియాల్సి ఉంది. దాంతో పాటు పేలుడుకు గల కారణాలు కూడా ఇంకా తెలియలేదు. ప్రస్తుతం పేలుడుకు సంబంధించిన ఫొటోలు సోషల్‌ మీడియాలో వైరలవుతున్నాయి.
