ట్రావెల్‌ బ్యాన్‌కు కొత్త ఆర్డర్‌: ట్రంప్‌

వాషింగ్టన్‌: ఏడు ముస్లిం దేశాలపై ట్రావెల్‌ బ్యాన్‌ కోసం తాత్కాలిక ఎగ్జిక్యూటివ్‌ ఆర్డర్‌ను వచ్చే వారంలోగా ప్రవేశపెట్టనున్నట్లు అమెరికా అధ్యక్షుడు డోనాల్డ్‌ ట్రంప్‌ పేర్కొన్నారు. ట్రంప్‌ మొదట ఇచ్చిన ఎగ్జిక్యూటివ్‌ ఆర్డర్లపై యూఎస్‌ కోర్టు స్టే విధించిన విషయం తెలిసిందే. కోర్టు ఇచ్చిన స్టేపై మాట్లాడిన ఆయన అంతిమంగా విజయం సాధిస్తామని ధీమా వ్యక్తం చేశారు. కాకపోతే కొద్దిగా సమయం పడుతుందని అన్నారు. అదీ కాకపోతే చాలా రకాల ఆప్షన్లు తన చేతిలో ఉన్నాయని చెప్పారు.  నిషేధానికి మరో ఎగ్జిక్యూటివ్‌ ఆర్డర్‌పై సంతకం పెడతానని చెప్పారు. ఫ్లోరిడాకు విమానంలో వెళ్తున్న ట్రంప్‌ను రిపోర్టర్లు ప్రశ్నించగా పైవిధంగా స్పందించారు.