సాలీళ్లను చంపబోయి...

సాలీళ్లను చంపడానికి చేసిన ప్రయత్నంలో కాలి బూడిదయిన ఇల్లు

కాలీఫోర్నియా : తానోటి తలిస్తే దైవమొకటి తలిచిందని సామెత. ఇలాంటి పరిస్థితే ఎదురయ్యింది ఓ యువకుడికి. సాలీళ్లను చంపడానికి చేసిన ప్రయత్నంలో అతని ఇల్లే కాలి బూడిదయ్యింది. ఈ సంఘటన కాలిఫోర్నియాలోని ఫ్రెస్నోలో చోటు చేసుకుంది. వివరాలు.. ఫ్రెస్నో పట్టణానికి చెందిన ఓ 23 ఏళ్ల యువకుడు ఇంట్లో కూర్చుని తల్లిదండ్రులకోసం ఎదురు చూస్తున్నాడు. ఈ సమయంలో నల్ల సాలెపురుగులో ఇంట్లోకి రావడం గమనించాడు. బ్లో టార్చ్‌ ఉపయోగించి వాటిని చంపడానికి ప్రయత్నించాడు.

కానీ అది కాస్తా బెడిసి కొట్టి ఇల్లంతా మంటలు వ్యాపించాయి. అనుకోని ఈ సంఘటనకు బెదిరిపోయిన యువకుడి తేరుకుని ఇంట్లో నుంచి బయటకు పరుగు తీయడంతో ఎటువంటి గాయాలు కాలేదు. సమాచారం అందుకున్న అగ్నిమాపక సిబ్బంది సంఘటన స్థలానికి చేరుకుని మంటలను అదుపులోకి తీసుకొచ్చారు.