మనిషిని వెంటాడిన బుల్లి ఉడత.. చివరకు..

Baby Squirrel Chased A Man In Germany - Sakshi

బెర్లిన్‌ : ఓ మనిషిని వెంటాడిన బుల్లి ఉడత అతన్ని ముప్పతిప్పలు పెట్టింది. వెంటపడి ఓ వీధి నుంచి మరో వీధికి పరుగులు పెట్టించింది. ఆ ఉడత భారి నుంచి తప్పించుకోవటానికి ఆ వ్యక్తి ఏకంగా పోలీసులను సంప్రదించాడు. స్పందించిన పోలీసులు సంఘటనా స్థలానికి చేరుకుని ఆ ఉడతను అదుపులోకి తీసుకున్నారు. ఈ వింతైన సంఘటన జర్మీనీలో చోటుచేసుకుంది. వివరాల్లోకి వెళితే... గురువారం ఓ వ్యక్తి పోలీసులకు ఫోన్‌ చేసి తనను ఓ ఉడత వెంటాడుతోందని ఎలాగైనా రక్షించండని వారిని బతిమాలుకున్నాడు.  స్పందించిన పోలీసులు అతను చెప్పిన ప్రాంతానికి చేరుకున్నారు.

అయితే పోలీసులు అక్కడికి చేరుకునేలోపే కథ సుఖాంతమైంది. అతన్ని వెంటాడి అలసిపోయిన ఆ ఉడత రోడ్డు పక్కన నిద్రపోయింది. దాన్ని అదుపులోకి తీసుకున్న పోలీసులు దానికి కార్ల్‌ ఫ్రెండ్‌రిచ్‌ అని పేరు పెట్టి జంతునిలయానికి ఇచ్చేశారు. జంతు సంరక్షకురాలు క్రిస్టినా క్రెంజ్‌ మాట్లాడుతూ.. ఆ ఉడత తల్లినుంచి వేరుపడి ఆ వ్యక్తిని తల్లిగా ఉహించుకుని వెంటపడినట్లు తెలిపారు. ఇలా తల్లికి దూరమైన ఉడతలు తల్లి స్థానంలో వేరే వారిని ఊహించుకుంటాయని వెల్లడించారు. బుల్లి ఉడత ఒక్కసారిగా వెంటబడేసరికి ఆ వ్యక్తి భయపడిపోయి ఉంటాడని అంది. 

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top