ఆర్టీసీ బస్సు ఎక్కలేని పరిస్థితి.. | ysrcp opposes ap gogvernment RTC Fare hike | Sakshi
Sakshi News home page

ఆర్టీసీ బస్సు ఎక్కలేని పరిస్థితి..

Oct 24 2015 1:55 PM | Updated on Aug 20 2018 3:30 PM

ఆర్టీసీ బస్సు ఎక్కలేని పరిస్థితి.. - Sakshi

ఆర్టీసీ బస్సు ఎక్కలేని పరిస్థితి..

రాష్ట్రంలో సామాన్యుడు ప్రస్తుతం ఆర్టీసీ బస్సు ఎక్కలేని పరిస్థితిని ముఖ్యమంత్రి చంద్రబాబు నాయుడు కల్పించారని వైఎస్ఆర్ కాంగ్రెస్ పార్టీ...

హైదరాబాద్ : రాష్ట్రంలో సామాన్యుడు ప్రస్తుతం ఆర్టీసీ బస్సు ఎక్కలేని పరిస్థితిని ముఖ్యమంత్రి చంద్రబాబు నాయుడు కల్పించారని వైఎస్ఆర్ కాంగ్రెస్ పార్టీ అధికార ప్రతినిధి తమ్మినేని సీతారాం ధ్వజమెత్తారు.ఎన్నికల సమయంలో అయిదేళ్ల పాటు ఏ ఛార్జీలు పెంచమని హామీ ఇచ్చిన చంద్రబాబు నాయుడు అధికారంలోకి వచ్చాక ఆ హామీలను తుంగలోకి తొక్కారని ఆయన  మండిపడ్డారు.

 

తమ్మినేని శనివారం పార్టీ కార్యాలయంలో మాట్లాడుతూ  క్రూడాయిల్, డీజిల్ ధరలు తగ్గినా చంద్రబాబు మాత్రం అందుకు భిన్నంగా సామాన్యుడి నడ్డి విరిచేలా ఛార్జీలు పెంచారన్నారు. పెంచిన ఛార్జీలను వెంటనే తగ్గించాలని, ఈ చర్యను వైఎస్ఆర్ కాంగ్రెస్ పార్టీ తీవ్రంగా ఖండిస్తుందన్నారు. ఛార్జీలు పెంచి ప్రయివేట్ ఆపరేటర్లకు మార్గం సుగమం చేశారన్నారు. మద్యం రేట్లు తగ్గించి, కుళాయిల్లో మంచినీళ్లకు బదులు నారావారి సారా ఇస్తున్నారని తమ్మినేని విమర్శించారు.

Advertisement

Related News By Category

Related News By Tags

Advertisement
 
Advertisement

పోల్

Advertisement