ఉపముఖ్యమంత్రికి తప్పిన ప్రమాదం!

మహమూద్ అలీ

హైదరాబాద్: తెలంగాణ రాష్ట్ర ఉప ముఖ్యమంత్రి మహమూద్ అలీ, హొం మంత్రి  నాయిని నర్సింహారెడ్డిలకు తృటిలో ప్రమాదం తప్పింది. వీరు ఇద్దరూ ఎల్.బీ. నగర్లోని ఒక ఆస్పత్రి ప్రారంభోత్సవానికి వెళ్లారు. ఆ ఆస్పత్రిలో లిప్ట్ ఒక్కసారిగా ఆగిపోయింది. దాంతో వారు లిప్ట్లోనే ఉండిపోయారు. వెంటనే సిబ్బంది వచ్చి లిప్ట్కు మరమ్మతులు చేయడంతో వారు బయటకు వచ్చారు.
 
మంత్రి కారు టైరుకు పంక్చర్

ఆస్పత్రి ప్రారంభోత్సవం ముగిసిన తరువాత హొం మంత్రి నాయిని నరసింహా రెడ్డి సబ్ జైలుకు వెళుతుండగా కారు టైర్కు పంక్చర్ అయింది. దాంతో ఆయన కొద్దిసేపు నడిరోడ్డుపై నిలబడవలసి వచ్చింది. రోడ్డు పక్కన ఉన్న షాపులో టైర్కు పంక్చర్ వేయించిన తరువాత ఆయన  వెళ్లిపోయారు.