ఆన్‌లైన్‌లో స్విమ్ సూట్‌ను కొనుగోలు చే యాలంటే...

షాపింగ్

 

ఇటీవల షాపులకు వెళ్లి, కొంత టైమ్ కేటాయించి నచ్చిన వాటిని ఎంచుకునే సమయం అందరికీ ఉండటం లేదు. దీంతో ఆన్‌లైన్ షాపింగ్ పట్ల ఆసక్తి పెరుగుతోంది. ఆన్‌లైన్‌లో స్విమ్ సూట్ కొనుగోలు చేయాలంటే...

 

రూల్ వన్: మీ శరీర సౌష్టవం ఏ తరహాలో ఉంటుందో చెక్ చేసుకోవాలి. ఛాతి పరిమాణం ఎక్కువ ఉన్నవారు అడ్జస్టబుల్ స్ట్రాప్స్ ఉన్న బికినీ ఎంచుకుంటే మేలు. పొట్ట దగ్గర ఎక్కువ ఫ్యాట్ ఉంటే ఆ భాగాని కవర్ చేసే చిన్న ప్రింట్లు ఉన్న స్విమ్ సూట్ ఎంపిక సరైనది. ప్రముఖ స్విమ్‌వేర్ కంపెనీలు ఆన్‌లైన్ చాటింగ్ ద్వారా కొనుగోలుదారుల సందేహాలను తీరుస్తున్నాయి. వాటిని ఫాలో అవడం మంచిది.

 

రూల్ టు: మీకు నచ్చిన సూట్స్ కనీసం 2 కొలతలలో ఆర్డర్ ఇవ్వాలి. సైజ్ చార్ట్‌లో సూచించిన సైజ్, ఆ తర్వాతి సైజ్ సూట్‌ను ఆర్డర్ చేసుకోవడం మేలు. రూల్ త్రీ: కొన్ని రకాల డిజైన్లు, ప్రింట్లు ఆన్‌లైన్‌లో చూడగానే నచ్చుతాయి. కాని ధరిస్తే అవి అంతగా నప్పవు. రంగులు, డిజైన్లు గల మరో క్లాత్‌తో మీకు ఆ తరహా ప్రింట్లు నచ్చుతాయో లేదో చెక్ చేసుకొని, ఆర్డర్ ఇవ్వడం మేలు.