షిండర్స్ లిస్ట్‌తో అక్షయ్ సినిమా పోలిక...

బాలీవుడ్ బాత్

అక్షయ్‌కుమార్ ‘బేబీ’ పెద్ద హిట్ అయ్యింది. ఆ తర్వాత అదే ధోరణిలో ‘ఎయిర్ లిఫ్ట్’ జనవరి 2016లో రాబోతూ ఉంది. రాజా కృష్ణ మీనన్ దర్శకుడు. టి.. సిరీస్ నిర్మాత. 1990లో ఇరాక్ కువైట్ ఆక్రమణకు పాల్పడటంతో గల్ఫ్ యుద్ధం వచ్చింది. ఆ సందర్భంగా కువైట్‌లో చిక్కుకుపోయిన భారతీయులను మన దేశానికి తీసుకురావడం ఈ కథ. అయితే ఈ కథకు స్పీల్‌బర్గ్ ‘షిండ్లర్స్ లిస్ట్’ స్ఫూర్తి కావచ్చని కొందరు వ్యాఖ్యానిస్తున్నారు.

రెండో ప్రపంచయుద్ధంలో నాజీల ఊచకోత నుంచి కొందరు యూదులను తప్పించిన షిండ్లర్స్ అనే అధికారి కథ అది. ఆ మూడ్ ఎయిర్ లిఫ్ట్‌లో కనిపించవచ్చని కొందరు భావిస్తున్నారు. ఎయిర్ లిఫ్ట్ దర్శక నిర్మాతలు దీనిని పూర్తిగా కొట్టేయకపోయినా అంత గొప్ప సినిమా మా సినిమా, ఒకే మానవోద్వేగాన్ని చూపించడంలో సారూప్యతను కలిగి ఉన్నాయని మాత్రం అంగీకరించారు.