అరకొర ఆసరా!

Coronavirus No Integrity Seen In Centre Economic Package - Sakshi

ప్రధాని నరేంద్ర మోదీ మంగళవారం ప్రకటించిన 20 లక్షల కోట్ల రూపాయల భారీ ప్యాకేజీలో ఏమేం ఉండబోతున్నాయన్న ఉత్కంఠకు కొంతవరకూ తెరపడింది. ఆ ప్రకటనకు కొనసాగింపుగా కేంద్ర ఆర్థిక మంత్రి నిర్మలా సీతారామన్‌ సూక్ష్మ, చిన్న, మధ్యతరహా(ఎంఎస్‌ఎంఈ) పరిశ్రమలకూ, రియల్‌ఎస్టేట్, నాన్‌ ఫైనాన్సింగ్, గృహ నిర్మాణం తదితర రంగాలకూ చేకూర్చే లబ్ధి గురించి బుధవారం వెల్లడించారు.  ఇతర రంగాలకు ప్రభుత్వం వైపుగా ఏమేం వెసులుబాట్లు లభిస్తాయో దశలవారీగా ఆమె రాగల రోజుల్లో ప్రకటిస్తారు. 

కరోనా వైరస్‌ మహమ్మారి విరుచుకుపడిన పర్యవసానంగా ప్రపంచ దేశాల ఆర్థిక వ్యవస్థలు తలకిందులయ్యాయి. లాక్‌డౌన్‌ విధింపులు తప్పనిసరి కావడంతో అన్నీ స్తంభించిపోయాయి. వాణిజ్యం తీవ్రంగా దెబ్బతింది. ఉపాధి కోల్పోవడం వల్ల చాలామందికి పూట గడవటం ప్రశ్నార్థకంగా మారింది. కనుక వినిమయం దారుణంగా పడిపోయింది. ఇలాంటి పరిస్థితుల్లో వృద్ధికి ఊతం ఇవ్వడమే ధ్యేయంగా, స్వావలంబన సాధించడమే లక్ష్యంగా కేంద్ర ప్రభుత్వం పనిచేస్తున్నదని తన ప్రకటనకు ముందు నిర్మలా సీతారామన్‌ చెప్పారు. కనుక ఆమె ప్రకటించిన తొలి విడత చర్యలు ఈ దిశగా వుంటాయని సహజంగానే ఆశిస్తారు. 
(చదవండి: చిన్న సంస్థలకు.. పెద్ద ఊరట!)

అయితే ఎంఎస్‌ఎంఈలకు అవసరమైన ఊతం ఇవ్వడానికి ఇప్పుడు ప్రకటించిన చర్యలు సరి పోవన్నదే ఆ రంగానికి చెందినవారి ప్రధాన విమర్శ. దేశ ఆర్థిక వ్యవస్థలో కీలక పాత్ర పోషిస్తున్న రంగాల్లో ఎంఎస్‌ఎంఈ ఒకటి. మన దేశం నుంచి జరిగే ఎగుమతుల్లో ఈ రంగం వాటా 45 శాతం. ఇందులో 12 కోట్లమందికిపైగా ఉపాధి పొందుతున్నారు. ఇంతటి ప్రాధాన్యత వున్న రంగానికి తొలి దశ ప్యాకేజీలో స్థానం ఇవ్వడం మంచిదే. కానీ ఇచ్చింది ఎంతో, అందులో ఉపయోగపడేదెంతో చూస్తే నిరాశ కలుగుతుంది. 

దేశంలో దాదాపు 70 లక్షల ఎంఎస్‌ఎంఈలున్నాయి. ఇందులో వంద కోట్ల టర్నోవర్‌ దాటిన యూనిట్లు 45 లక్షల వరకూ వుంటాయి. వీటికి ఏ హామీ చూపకుండా నేరుగా బ్యాంకుల నుంచి రుణాలు తీసుకునే సౌలభ్యం కలిగించారు. ఇందుకోసం రూ. 3 లక్షల కోట్లు కేటాయించారు. అలాగే ఎంఎస్‌ఎంఈల పరిధిలోకి రావడానికి ఉన్న పరిమితుల్ని కూడా పెంచింది. ఈ చర్య వల్ల దేశంలోని అనేక సంస్థలు లబ్ధిపొందుతాయని సర్కారు అంచనా. 

ఈ రుణాన్ని నాలుగేళ్ల వ్యవధిలో చెల్లించేందుకు, తొలి ఏడాది అసలు, వడ్డీ చెల్లింపులపై మినహా యింపు ఇచ్చేట్టు వెసులుబాటు ఇచ్చారు. ఈ ఆసరాతో వ్యాపార కార్యకలాపాలు పెరగడంతోపాటు లక్షలాదిమందికి ఉపాధి భద్రత ఏర్పడుతుందని కేంద్రం భావిస్తోంది. తన వంతుగా ఎంఎస్‌ఎంఈలకు ప్రభుత్వ రంగ సంస్థలనుంచి రావాల్సిన అన్ని రకాల బకాయిలను చెల్లిస్తామని ప్రకటించింది. బ్యాంకుల నుంచి రుణ సౌకర్యం కల్పించడం తప్ప కేంద్రం ఇందులో తనకు తాను ఇస్తున్నదేమీ లేదు.

అయితే మన బ్యాంకులు అచ్చం ప్రభుత్వం ఆశించినట్టే చేయవు. కొన్నిసార్లు రిజర్వ్‌ బ్యాంక్‌ చెప్పినా వినవు.  రిజర్వ్‌బ్యాంక్‌ 3 నెలలపాటు ఈఎంఐల చెల్లింపుపై మారటోరియం విధిస్తే అది ఆచరణకొచ్చేసరికి ఏమైందో అందరికీ అనుభవమైంది. ఎంఎస్‌ఎంఈల విషయంలోనూ అంతకంటే మెరుగ్గా ఏమీ వుండదు. ఎలాంటి హామీ లేకుండా రుణాలిస్తే తాము ఇరుక్కుంటామన్న భయం బ్యాంకులకు ఉంటుంది. వాటికి ఆర్‌బీఐ నిబంధనలు గుర్తొస్తాయి. చివరకు ఎంఎస్‌ఎంఈ యజమానులకు ప్రయాస తప్ప ఫలితం కనబడదు. 

దానికి బదులు ఒక ప్రత్యేక సంస్థను ఏర్పాటు చేసి దాని ద్వారా కేంద్రమే నేరుగా రుణ వితరణ చేయడం లేదా రాష్ట్ర ప్రభుత్వాల ప్రమేయంతో దీన్ని అమలు చేయడం వంటి ఆలోచనలు చేస్తే బాగుండేది. ఎంఎస్‌ఎంఈల్లో అత్యధికం తీసుకున్న రుణాలను తీర్చడానికి ప్రయత్నిస్తుంటాయి. తమకు అవసరమైన పెట్టుబడి మరోవిధంగా వచ్చే అవకాశం లేదు గనుక ఈ విషయంలో వాటి యజమానులు జాగ్రత్తగా వుంటారు. కేవలం బడా పారిశ్రామికవేత్తలకూ, బడా వ్యాపారులకూ మాత్రమే ఎగ్గొట్టే ఉద్దేశంతో రుణాలు తీసుకునే సంస్కృతి వుంది. కనుక ఎంఎస్‌ఎంఈలకు నేరుగా రుణ సదుపాయం కల్పించడంలో జంకవలసిన పనిలేదు.
(చదవండి: 9 రాష్ట్రాలు, యూటీల్లో జీరో కేసులు)

ఈ విషయంలో ఆంధ్రప్రదేశ్‌ ప్రభుత్వం ఇటీవల తీసుకున్న చర్యలు కొనియాడదగ్గవి. ఎంఎస్‌ఎంఈలకు బాబు హయాంలో బకాయిపడ్డ ప్రోత్సాహకాలు రూ. 905 కోట్లనూ చెల్లించడమేగాక... ఆ యూనిట్లు నిబంధనల ప్రకారం చెల్లించాల్సిన విద్యుత్‌(డిమాండ్‌) చార్జీలు రూ. 188 కోట్లను వైఎస్‌ జగన్‌మోహన్‌ రెడ్డి ప్రభుత్వం రద్దు చేసింది. అలాగే ఆ రంగంలోని యూనిట్లకు నిర్వహణ మూలధనం కింద గరిష్టంగా రూ. 10 లక్షలమేర రుణం అందజేసే సదుపాయం కల్పించింది. 

లాక్‌డౌన్‌ కారణంగా దెబ్బతినివున్న ఎంఎస్‌ఎంఈలకు లిక్విడిటీ పరంగా వూతం అందించడమే ఈ చర్యలన్నిటి ఉద్దేశం. ఈ దిశగా కేంద్రం కూడా ఆలోచన చేసివుంటే బాగుండేది. రైల్వేలు, రోడ్డు రవాణా, జాతీయ రహదారులు తదితర సంస్థల్లోని కాంట్రాక్టర్లు పనులు పూర్తిచేయాల్సిన పరిమితిని ఆర్నెల్లు పొడిగించారు. ఇందువల్ల వారికి పెనాల్టీ బెడద వుండదు. ఈ సదుపాయం రాష్ట్ర ప్రభుత్వాలకు పనిచేసే కాంట్రాక్టర్లకు వర్తింపజేయాలన్న స్పృహ లేకపోవడం ఆశ్చర్యం కలిగిస్తుంది. 

ఇక ఐటీ చెల్లింపుదారులకు ప్రభుత్వం వెనక్కి తిరిగివ్వాల్సిన మొత్తం రూ. 18,000 కోట్లనూ ప్యాకేజీలో భాగంగా చూపడం లౌక్యం తప్ప మరేమీ కాదు. ఉద్యోగులకు ఈపీఎఫ్‌ మొత్తం నుంచి మూడునెలల కాలానికి రుణ సదుపాయం కల్పించడం కూడా ఇటువంటిదే. ఇప్పుడున్న విపత్కర పరిస్థితుల్ని అధిగమించాలంటే చిత్తశుద్ధితో ప్రయత్నం చేయడం తప్ప వేరే మార్గం లేదు. తాజా ప్యాకేజీలో అది పెద్దగా కనబడదు. అందుకు భిన్నంగా భారీ అంకెలు చూపడానికి అన్నిటినీ గుదిగుచ్చిన వైనం కళ్లకు కడుతోంది. మున్ముందు ప్రకటించే ప్యాకేజీలైనా మెరుగ్గా రూపొందిస్తే ఈ పెను విపత్తునుంచి అందరూ క్షేమంగా బయటపడేందుకు వీలవుతుంది. 

Read latest Editorial News and Telugu News | Follow us on FaceBook, Twitter

మరిన్ని వార్తలు

26-05-2020
May 26, 2020, 03:32 IST
న్యూఢిల్లీ: హౌసింగ్‌ ఫైనాన్స్‌ కంపెనీ హెచ్‌డీఎఫ్‌సీ నికర లాభం గత ఆర్థిక సంవత్సరం(2019–20) నాలుగో త్రైమాసిక కాలంలో 10 శాతం...
26-05-2020
May 26, 2020, 03:03 IST
న్యూఢిల్లీ: కరోనా  వ్యాప్తి కట్టడి కోసం లాక్‌డౌన్‌ను పొడిగిస్తూ పోవడమనేది ఆర్థిక వినాశనానికి దారితీస్తుందని మహీంద్రా గ్రూప్‌ చైర్మన్‌ ఆనంద్‌...
26-05-2020
May 26, 2020, 02:42 IST
సాక్షి, హైదరాబాద్‌/శంషాబాద్‌ : కరోనా నేపథ్యంలో లాక్‌డౌన్‌ కారణంగా 2 నెలలుగా నిలిచిన దేశీయ విమానాల రాకపోకలు సోమవారం తిరిగి...
26-05-2020
May 26, 2020, 01:56 IST
లాక్‌డౌన్‌ ప్రభావం ఇంకా చాలాకాలం ఉంటుందని, పొదుపు పాటిస్తామని చెప్పినవారు : 82%  ఆన్‌లైన్‌ కొనుగోళ్లకు మొగ్గు చూపినవారు : 44%  స్థానిక కిరాణా దుకాణాలపైనే...
26-05-2020
May 26, 2020, 00:10 IST
సినిమా షూటింగ్‌ అంటే సందడి. ఓ హడావిడి. ఓ గందరగోళం. లొకేషన్‌ అంతా యూనిట్‌ సభ్యులతో కిటకిటలాడుతుంది. రానున్న రోజుల్లో...
25-05-2020
May 25, 2020, 22:37 IST
కొత్తగా నమోదైన కేసుల్లో జీహెచ్‌ఎంసీ పరిధిలో 31 మంది, రంగారెడ్డి జిల్లాకు చెందిన ఒకరు ఉండగా.. వలసదారులు 15 మంది..
25-05-2020
May 25, 2020, 19:51 IST
ముంబై: దేశంలో క‌రోనా విజృంభ‌ణ కొన‌సాగుతోంది. దేశ‌వ్యాప్తంగా న‌మోద‌వుతున్న కేసుల్లో మ‌హారాష్ట్ర‌లోనే స‌గానికిపైగా ఉన్నాయి. ఇక్క‌డి ముంబై క‌రోనా పీడితులకు ఆల‌వాలంగా...
25-05-2020
May 25, 2020, 19:37 IST
ఒక్కపక్క కరోనా వైరస్ కేసులు క్రమంగా పెరుగుతున్న అసోం రాష్ట్రాన్ని ఇప్పుడు వరదలు వణికిస్తున్నాయి.
25-05-2020
May 25, 2020, 18:20 IST
విపరీతమైన రద్దీ నేపథ్యంలో.. ఆ ట్రైన్‌ను ఒడిషా మీదుగా ఉత్తర్‌ప్రదేశ్‌కు తీసుకెళ్లారు. దాంతో 25 గంటల్లో గమ్యస్థానానికి చేరుకోవాల్సిన రైలు...
25-05-2020
May 25, 2020, 17:23 IST
రాష్ట్రంలో కరోనా ప్రభావం తగ్గడంతో బాబు మళ్లీ ఏపీ బాట పట్టారని ఎద్దేవా చేశారు. ఆయనను రాష్ట్ర ప్రజలు నమ్మే పరిస్థితి లేదని మంత్రి...
25-05-2020
May 25, 2020, 17:05 IST
ఫ్యాక్టరీలు తెరుచుకున్నాక ప్రభుత్వం అనుమతించడం పట్ల పరిశ్రమల యజమానులు కూడా ఆశ్చర్యం వ్యక్తం చేస్తున్నారు.
25-05-2020
May 25, 2020, 17:00 IST
తిరువనంతపురం: కేర‌ళ‌లో విచిత్ర ఘ‌ట‌న చోటు చేసుకుంది. పండు త‌ల మీద ప‌డ‌టంతో తీవ్ర‌గాయాల‌పాలైన వ్య‌క్తికి క‌రోనా సోకిన‌ట్లు తేలింది. వివ‌రాల్లోకి వెళ్తే.....
25-05-2020
May 25, 2020, 16:46 IST
అయితే, అంతకు క్రితమే సేకరించిన వారి లాలాజల నమూనాలను పరీక్షించగా.. ఆ ముగ్గురిలో ఒకరికి కరోనా పాజిటివ్‌ అని తేలింది. ...
25-05-2020
May 25, 2020, 16:06 IST
ముంబై : మ‌హారాష్ర్ట‌లో క‌రోనా మృత్యు ఘంటిక‌లు మోగిస్తున్న వేళ‌..కోవిడ్ రోగుల‌కు చికిత్స అందించ‌డానికి అత్య‌వ‌స‌రంగా వైద్య‌లను పంపాల‌ని కేర‌ళ...
25-05-2020
May 25, 2020, 15:54 IST
పటిష్ట లాక్‌డౌన్‌ కారణంగా అప్పుడు విద్యార్థులు ఇళ్లకు వెళ్లలేని పరిస్థితులు ఉన్నాయని చెప్పారు.
25-05-2020
May 25, 2020, 15:23 IST
అలాంటప్పుడు లాక్‌డౌన్‌ విధించిన లాభమేమిటీ? అని నిపుణులు, విశ్లేషకులు ప్రశ్నిస్తున్నారు.
25-05-2020
May 25, 2020, 13:02 IST
తూర్పుగోదావరి, రాజమహేంద్రవరం క్రైం: గమ్యానికి వెళుతూ ఓ వలస కూలీ మృతి చెందాడు. ఒడిశాలోని బరంపురం సమీపంలో పాశియా గ్రామానికి...
25-05-2020
May 25, 2020, 12:26 IST
సాక్షి, ముంబై:  బాలీవుడ్  సూపర్  స్టార్  సల్మాన్ ఖాన్ కొత్త వ్యాపరంలోని అడుగు పెట్టాడు. కరోనా సంక్షోభ సమయంలో  సమయానికి తగినట్టుగా శానిటైజర్...
25-05-2020
May 25, 2020, 12:22 IST
న్యూయార్క్‌ : ‘రీ ఓపెన్‌ అమెరికా’ ఉద్యమం ప్రస్తుతం సోషల్‌ మీడియాలో హాట్‌ టాపిక్‌గా మారిన సంగతి తెలిసిందే. ఈ నేపథ్యంలో ‘రీ...
25-05-2020
May 25, 2020, 11:53 IST
బీజింగ్‌ : దక్షిణ చైనా సముద్రంపై పట్టు కోసం చైనా కరోనా వైరస్‌ వ్యాప్తిని ఉపయోగిస్తుందనే వార్తలను ఆ దేశం కొట్టిపారేసింది. ఆ...
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top