‘స్కూల్‌ గేమ్స్‌ ’ జట్ల ఎంపిక

 దేవరపల్లి: అంతర్‌ జూనియర్‌ కళాశాలల ఆటల పోటీలు, అండర్‌–19 స్కూల్‌ గేమ్స్‌కు మహిళా క్రికెట్, ఫుట్‌బాల్, సపక్‌తక్రా జిల్లా జట్లను మంగళవారం ఎంపిక చేశారు. స్థానిక ఆనంద్‌ ఎడ్యుకేషనల్‌ సొసైటీ జూనియర్‌ కళాశాల ఆధ్వర్యంలో జెడ్పీ హైస్కూల్‌ క్రీడా ప్రాంగణంలో ఎంపిక పోటీలు నిర్వహించారు. ఎంపికైన జట్ల వివరాలను జిల్లా స్కూల్‌ గేమ్స్‌ అసోసియేషన్‌ కార్యదర్శి అద్దంకి ఐజక్‌ ప్రకటించారు. పోటీలను కళాశాల పీడీ కేవీడీవీ ప్రసాద్, కళాశాల చైర్మన్‌ డి.సువర్ణరాజు, జిల్లా పీడీ అసోసియేషన్‌ అధ్యక్షుడు బీహెచ్‌ఎస్‌ఎన్‌ తిలక్, కార్యదర్శి ఎం.రామారావు పర్యవేక్షించారు.