TV
స్కూల్ కాంప్లెక్స్ స్థాయిలోనే ప్రశ్న పత్రాలను తయారు చేసుకోవాలని ఎంఈఓ మల్లేశం సూచించారు.
కంగ్టి: స్కూల్ కాంప్లెక్స్ స్థాయిలోనే ప్రశ్న పత్రాలను తయారు చేసుకోవాలని ఎంఈఓ మల్లేశం సూచించారు. బుధవారం మండలంలోని తడ్కల్, వాసర్, కంగ్టి జిల్లా పరిషత్ ఉన్నత పాఠశాలల్లో స్కూల్ కాంప్లెక్స్ సమావేశాలు నిర్వహించారు. ఈ సందర్భంగా రిసోర్స్ పర్సన్స్, ఉపాధ్యాయులకు, విద్యా వలంటీర్లకు సులభ రీతిలో విద్యాబోధనపై అవగాహన కల్పించారు. సీసీఈ పద్ధతిలో విద్యార్థుల భాగస్వామ్యంపై దృష్టి సారించాలని, విషయ అవగాహనకు ప్రాధాన్యత ఇవ్వాలని సూచించారు. సమావేశాల్లో ప్రధానోపాధ్యాయులు కృష్ణమూర్తి, పెంటయ్య, కాశీనాథ్రావు తదితరులు పాల్గొన్నారు.
