డీఐజీగా రవివర్మ బాధ్యతల స్వీకరణ

వరంగల్‌ : వరంగల్‌ రేంజ్‌ డిఐజీగా, కరీంనగర్‌ రేంజ్‌ ఇన్‌చార్జి డీఐజీగా సి.రవివర్మ గురువారం బాధ్యతలు స్వీకరించారు. హైదరాబాద్‌లోని పోలీసు ప్రధాన కార్యాలయంలో హైదరాబాద్‌ రేంజ్‌ డీఐజీ అకున్‌ సభర్వాల్‌ నుంచి బాధ్యతలు చేపట్టారు. ఈ సందర్భంగా రవి వర్మ మాట్లాడుతూ వరంగల్, కరీంనగర్‌ రేంజ్‌ పరిధిలో నేరాల అదుపే లక్ష్యంగా పని చేస్తామని చెప్పారు. శాంతిభద్రతల విషయం లో రాజీపడే ప్రసక్తి లేదని, రెండు రేంజ్‌ల పరిధిలోని పోలీసులు ఒకే టీంగా పనిచేసి ప్రజలకు మెరుగైన సేవలు అందించాలని అన్నారు.