రెవెన్యూ డివిజన్ల ఏర్పాటులో మార్పులు

–కర్నూలు డివిజన్‌లోనే డోన్‌ నియోజకవర్గం

కర్నూలు(అగ్రికల్చర్‌): రెవెన్యూ డివిజన్ల ఏర్పాటులో మార్పులు చోటుచేసుకుంటున్నాయి. అధికార పార్టీ నేతల సూచనలకనుగుణంగా డోన్‌ స్థానంలో పత్తికొండ రెవెన్యూ డివిజన్‌ ఏర్పాటుకు చర్యలు ఊపందుకున్నాయి. గతంలో డోన్‌ కేంద్రంగా పత్తికొండ, బనగానపల్లె నియోజకవర్గాలను కలిపి రెవెన్యూ డివిజన్‌గా ఏర్పాటు చేయతలపెట్టారు. మారిన సమీకరణలతో పత్తికొండ కేంద్రంగా పత్తికొండ, ఆలూరు  నియోజకవర్గాలతో రెవెన్యూ డివిజన్‌ ఏర్పాటును ప్రతిపాదించారు. డోన్‌ నియోజకవర్గం కర్నూలు రెవెన్యూ డివిజన్‌లోనే ఉంటుంది. ఇది వరకు డోన్‌ రెవెన్యూ డివిజన్‌లో కలపాలని ప్రతిపాధించిన బనగానపల్లె నియోజక వర్గాన్ని నంద్యాల రెవెన్యూ డివిజన్‌లోనే ఉంచనున్నారు.