దారుణం: తనకు గుడ్‌బై చెప్పిందని ప్రియురాలిని..
కాన్‌బెర్రా: తనకు గుడ్‌బై చెప్పి మరో వ్యక్తితో ప్రేమ వ్యవహారం నడుపుతోందన్న కారణంతో ప్రియురాలిపై ఓ వ్యక్తి దారుణంగా కక్ష తీర్చుకున్నాడు. ప్రియురాలిని, ఆమె ప్రియుడిని, ఆమె కుటుంబ సభ్యులను కిరాతంగా కాల్చి హత్య చేశాడు. ఈ ఘటన ఆస్ట్రేలియాలో ఆదివారం ఉదయం చోటుచేసుకుంది. వివరాలు.. ఆస్ట్రేలియాకి చెందిన 25 ఏళ్ల యువకుడు, స్థానిక యువతి (19) గత కొంత కాలంగా ప్రేమలో ఉన్నారు. అయితే ఇటీవల అతనికి బ్రేకప్‌ చెప్పిన ఆ యువతి మరో వ్యక్తితో ప్రేమలో పడింది. దీంతో తీవ్ర అవమానానికి, ఆగ్రహానికి గురైన అతను ఆమెపై కక్ష పెంచుకున్నాడు. ఎలాగైనా అంతం చేయాలని నిర్ణయించుకున్నాడు. ఈ నేపథ్యంలో ఆదివారం ఆ యువతి ఇంట్లో అందరూ ఉన్న సమయంలో తుపాకీతో ఒక్కసారిగా దాడికి దిగాడు. దీంతో కొన్ని క్షణాల్లోనే ఆ యువతి, ఆమె ప్రియుడు, కుటుంబ సభ్యలు అతని తూటాలకు బలైపోయారు. విషయం తెలుసుకున్న పోలీసులు అతన్ని అదుపులోని తీసుకుని విచారిస్తున్నారు.
*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి