జాబ్‌ మారితే, పీఎఫ్‌ అకౌంట్‌ కూడా...

న్యూఢిల్లీ :  పీఎఫ్‌ అకౌంట్‌ ప్రతి ప్రైవేట్‌ ఉద్యోగి కలిగి ఉండే ఓ పొదుపు ఖాతా. ఇన్ని రోజులు ఉద్యోగి సంస్థ మారినప్పుడల్లా ఆ అకౌంట్‌ను మూసివేయడం, మళ్లీ కొత్త సంస్థల్లో చేరిన తర్వాత కొత్త పీఎఫ్‌ అకౌంట్‌ తెరవడం చేస్తూ ఉన్నారు. కానీ ప్రస్తుతం పీఎఫ్‌ ఖాతాదారులకు ఈపీఎఫ్‌ఓ గుడ్‌ న్యూస్‌ అందించింది. ఒకవేళ మీరు ఉద్యోగం మారితే, ఆటోమేటిక్‌గా పీఎఫ్‌ అకౌంట్‌ కూడా మారుతుందని చీఫ్‌ ప్రావిడెంట్‌ ఫండ్‌ కమిషనర్‌ వీపీ జాయ్‌ తెలిపారు. కార్మికులకు అనుకూలమైన రీతిలో ఎన్నో చర్యలను ఈపీఎఫ్‌ఓ చేపడుతుందని ఆయన పేర్కొన్నారు. ఉద్యోగం మారినప్పుడు, చాలా ఖాతాలు మూతపడుతున్నాయని, తర్వాత వారి అకౌంట్లను పునఃప్రారంభిస్తున్నారని అలా జరుగకుండా ఉండేందుకు చర్యలు చేపడుతున్నామని జాయ్‌ చెప్పారు.