విప్రో 11వేల కోట్ల బైబ్యాక్‌ ఆఫర్‌

న్యూఢిల్లీ : దేశీయ మూడో అతిపెద్ద టెక్నాలజీ సంస్థ విప్రో అంచనాల్లో అధిగమించినప్పటికీ, లాభాల్లో పడిపోయింది. గురువారం ప్రకటించిన 2017-18 జూన్‌ క్వార్టర్‌ ఫలితాల్లో విప్రో 8 శాతం సీక్వెన్షియల్‌ డ్రాప్‌ను నమోదుచేసి, నికర లాభాలు రూ.2,076.50 కోట్లగా ఉన్నట్టు తెలిపింది. గత మార్చి క్వార్టర్‌లో ఈ లాభాలు రూ.2,261.10 కోట్లగా ఉన్నాయి. కంపెనీ రెవెన్యూలు రూ.13,205.6 కోట్లగా ఉన్నాయి. ఇవి విశ్లేషకులు అంచనావేసిన రూ.12,828 కోట్ల కంటే ఎక్కువగానే ఉన్నాయి. ఈబీఐటీ మార్జిన్లు కూడా విశ్లేషకుల అంచనాల కంటే అధికంగానే 16.8 శాతం నమోదయ్యాయి. కానీ కంపెనీ డాలర్‌ రెవన్యూ గైడెన్స్‌లో నిరాశపరిచింది. తమ ఐటీ సర్వీసుల నుంచి వచ్చే రెవెన్యూలు -0.5 శాతం నుంచి 1.5 శాతం వరకు ఉంటాయని కంపెనీ అంచనావేస్తోంది. కాగ కంపెనీ మొత్తం ఆదాయం రూ. 13,661.40 కోట్లకు పెరిగింది. ఇది మార్చి క్వార్టర్‌లో రూ.14,470.20 కోట్లగా ఉంది.