ఎంజీ మోటార్‌ నుంచి  ‘ఎస్‌యూవీ హెక్టర్‌’..!

SUV Hector from NG motor - Sakshi

న్యూఢిల్లీ: చైనాకు చెందిన ఎస్‌ఏఐసీ మోటార్‌ కార్పొరేషన్‌ లిమిటెడ్‌కు భారత అనుబంధ సంస్థ అయిన ఎంజీ మోటార్‌ ఇండియా త్వరలోనే స్పోర్ట్‌–యుటిలిటీ వెహికల్‌ (ఎస్‌యూవీ)ను విడుదలచేయనుంది. ‘హెక్టర్‌’ పేరుతో ఈఏడాది మధ్యనాటికి కారు విడుదలకానున్నట్లు కంపెనీ ప్రకటించింది. ఈ సందర్భంగా సంస్థ మేనేజింగ్‌ డైరెక్టర్‌ రాజీవ్‌ చబా మాట్లాడుతూ... ‘ఎస్‌యూవీ విభాగం ఇప్పుడు భారత్‌లో అత్యంత వేగంగా వృద్ధి చెందుతోంది.

ఇక్కడి వినియోగదారుల ప్రాధాన్యతలకు అనుగుణంగా భారీస్థాయిలో ఈ కారును ఇంజనీరింగ్‌ చేయగలిగాం. ఈ ఎస్‌యూవీ పూర్తిగా కస్టమర్ల అభిరుచులకు అనుగుణంగా ఉంటుందని భావిస్తున్నాం’ అని వ్యాఖ్యానించారు. ఈ కారు ఉత్పత్తి నిమిత్తం గుజరాత్‌లోని హలోల్‌ ప్లాంట్‌లో రూ.2,000 కోట్లను పెట్టుబడి పెట్టిన ఈ కంపెనీ.. వచ్చే ఐదేళ్లలో రూ.5,000 కోట్లకు పెట్టుబడిని పెంచనున్నట్లు తెలిపింది. 

Read latest Business News and Telugu News | Follow us on FaceBook, Twitter, Telegram

Tags: 



 

Read also in:
Back to Top