యస్‌ బ్యాంక్‌ చైర్మన్‌ అశోక్‌ చావ్లా రాజీనామా 

ముంబై: ప్రైవేట్‌ బ్యాంకింగ్‌ దిగ్గజం యస్‌ బ్యాంక్‌ నాన్‌ ఎగ్జిక్యూటివ్‌ పార్ట్‌టైమ్‌ చైర్మన్‌ అశోక్‌ చావ్లా తన పదవికి రాజీనామా చేశారు. వ్యక్తిగత కారణాలతో స్వతంత్ర డైరెక్టర్‌ వసంత్‌ గుజరాతి కూడా రాజీనామా చేసినట్లు యస్‌ బ్యాంక్‌ బుధవారం వెల్లడించింది. ఇవి తక్షణమే అమల్లోకి వచ్చినట్లు పేర్కొంది. అయిదేళ్ల పాటు అదనపు డైరెక్టర్‌ (స్వతంత్ర)గా ఉత్తమ్‌ ప్రకాశ్‌ అగర్వాల్‌ నియామకానికి బోర్డు ఆమోదముద్ర వేసినట్లు యస్‌ బ్యాంక్‌ తెలిపింది.