బిల్‌గేట్స్‌ను బీట్‌చేసిన అమెజాన్‌ ఫౌండర్‌

మైక్రోసాఫ్ట్‌ వ్యవస్థాపకులు బిల్‌గేట్స్‌ను అమెజాన్‌ ఫౌండర్‌ జెఫ్‌ బెజోస్‌ వెనక్కి నెట్టేశారు. ప్రపంచపు అత్యధిక ధనవంతుడిగా జెఫ్‌ బెజోస్‌ మొదటి స్థానాన్ని దక్కించుకున్నారు. అమెజాన్‌ స్టాక్‌ ధరలు గురువారం మార్కెట్‌ ప్రారంభంలో 1.6 శాతం మేర పైకి జంప్‌ చేయడంతో జెఫ్‌ బెజోస్‌కు అదనంగా 1.4 బిలియన్‌ డాలర్ల అదృష్టం కలిసి వచ్చింది. దీంతో ఆయన సంపద 90 బిలియన్‌ డాలర్లను మించిపోయిందని బ్లూమ్‌బర్గ్‌, ఫోర్బ్స్‌ రిపోర్టు చేశాయి. 2013 మే నుంచి బ్లూమ్‌బర్గ్‌ బిలీనియర్ల ఇండెక్స్‌లో మైక్రోసాఫ్ట్‌ ఫౌండర్‌ బిల్‌గేట్సే అగ్రస్థానంలో కొనసాగుతూ వస్తున్నారు. కానీ తొలిసారి జెఫ్‌ బెజోస్‌ ఆయన్ను అధిగమించారు.