రోడ్డు ప్రమాదాల్లో ఇద్దరి దుర్మరణం

ఆలమూరు, న్యూస్‌లైన్ : మండలంలో గురువారం జరిగిన వేర్వేరు రోడ్డు ప్రమాదాల్లో ఇద్దరు మృతి చెందారు. ఆలమూరు ఎస్సై సీహెచ్ విద్యాసాగర్ కథనం ప్రకారం ఉప్పల గుప్తం మండలం వాడపర్రుకు చెందిన జొన్నాడ నాగరాజు (35) కొంత కాలంగా రాజానగరం మండలం దివాన్‌చెరువులో నివసిస్తున్నాడు. అక్కడి నుంచి ప్రతిరోజూ ఆలమూరు మండలం జొన్నాడ వచ్చి ఒక హోటల్‌లో పని చేసి, రాత్రికి తిరిగి దివాన్‌చెరువు వెళుతుంటాడు. గురువారం ఎప్పటిలాగే పని ముగించుకుని తెల్లవారుజామున తన మోటార్‌సైకిల్‌పై ఇంటికి వెళుతుండగా రాజమండ్రి నుంచి రావులపాలెం వస్తున్న లారీ అతడ్ని వెనుక నుంచి ఢీకొంది. ఈ ప్రమాదంలో నాగరాజు అక్కడికక్కడే మృతి చెందాడు.