సీమాంధ్రులను అవమానపరచడం కేసీఆర్ కు తగదు

సీమాంధ్రులను అవమానపరచడం కేసీఆర్ కు తగదు

కడప: టీఆర్ఎస్ అధ్యక్షుడు కె.చంద్రశేఖర రావు సీమాంధ్రులను రెచ్చగొడుతూ చేసిన వ్యాఖ్యలు సరికాదని సీపీఐ రాష్ట్ర కార్యదర్శి నారాయణ తెలిపారు. తెలంగాణను సానుకూల ధోరణిలో తెచ్చుకోవాల్సిన సమయంలో ఈ రకమైన వ్యాఖ్యలు తగదని సూచించారు.' ఆంధ్రలో పుట్టిన వారంతా తెలంగాణ ద్రోహులే' అని కేసీఆర్ ఆదివారం నిజాం కళాశాల ఆవరణలో జరిగిన సభలో ప్రసంగించిన సంగతి తెలిసిందే.  ఈ సందర్భంగా మీడియాతో మాట్లాడిన కేసీఆర్ వ్యాఖ్యలపై మండిపడ్డారు. తెలంగాణ రాష్ట్రం కొరకు విశాఖ సహకారం అవసరమని తెలిపారు.

హైదరాబాద్ నగరం..కేసీఆర్ సొత్తు కాదు, లగడపాటి రాజగోపాల్ సొత్తుకాదన్నారు. హైదరాబాద్ అనేది కమ్యూనిస్టుల పోరాటం నుంచి విముక్తి పొందిన నగరమని తెలిపారు.