హవ్వ.. కోళ్లు నవ్వ

 

ఎవరేమనుకుంటే మాకేంటి

పోలీసుల వైఖరిని చూసి సామాన్యులు సైతం ముక్కున వేలేసుకున్నారు. కోట్లాది రూపాయలు చేతులు మారి జిల్లాలోని పందాల బరుల్లో అగ్రస్థానంలో నిలిచిన ప్రకృతి ఆశ్రమం భీమవరం వన్‌టౌన్ పోలీస్ స్టేషన్ పరిధిలో ఉంది. ప్రకృతి ఆశ్రమంతోపాటు దీనికి చుట్టుపక్కల ప్రాంతాల్లో లెక్కకు మిక్కిలిగా బరులు వెలిశారుు. పందాలు ఇంత తీవ్రస్థారుులో జరిగినా వన్‌టౌన్ పోలీసులకు దొరికింది నలుగురు పందాల రాయుళ్లు, రెండు కోళ్లు మాత్రమేనట. వారినుంచి రూ.900 స్వాధీనం చేసుకున్నారు. అదేవిధంగా భీమవరం రూరల్ పోలీస్ స్టేషన్ పరిధిలో నలుగురు వ్యక్తులు, రెండు కోళ్లను, రూ.1,550 నగదును స్వాధీనం చేసుకున్నారు. పాలకోడేరు పోలీస్టేషన్ పరిధిలో 11మందిపై కేసులు నమోదు చేసి 6 కోళ్లను, రూ.4,100 సొమ్మును స్వాధీనం చేసుకున్నారు. జిల్లాలోని ఏ పోలీస్ స్టేషన్‌కు వెళ్లినా ఇదే తరహాలో చిన్నపాటి కేసులు పెట్టిన పోలీసులు చేతులు దులిపేసుకున్నారు.