చంద్రబాబు రాజీనామా చేయాలి: శ్రీదేవి

చంద్రబాబు రాజీనామా చేయాలి: శ్రీదేవి

తిరుపతి: ముఖ్యమంత్రి చంద్రబాబు నాయుడు తన పదవికి రాజీనామా చేయాలని కాంగ్రెస్ పార్టీ తరఫున తిరుపతి ఉప ఎన్నికలో పోటీ చేసి ఓడిపోయిన శ్రీదేవి డిమాండ్ చేశారు. సుగుణమ్మను ముఖ్యమంత్రిగా ఎంపిక చేయాలని ఆమె సూచించారు. టీడీపీ అభ్యర్థి సుగుణమ్మ చేతిలో పరాజయం పొందిన కాంగ్రెస్ అభ్యర్థి శ్రీదేవి.. కనీసం డిపాజిట్ కూడా దక్కించుకోలేకపోయింది.

మరోవైపు ఘన విజయం సాధించిన టీడీపీ అభ్యర్థి సుగుణమ్మ మాట్లాడుతూ.. గత సంప్రదాయాలను పాటిస్తూ ప్రధాన ప్రతిపక్షమైన వైఎస్ఆర్ సీపీ పోటీ చేయలేదని, కాంగ్రెస్ దురుద్దేశ పూర్వకంగానే పోటీ చేసిందన్నారు. తన గెలుపు ప్రజల విజయంగా సుగుణమ్మ అభివర్ణించారు. ఎళ్లవేళలా ప్రజలకు అందుబాటులో ఉంటానని తెలిపారు. అఖండ మెజారిటీతో గెలిపించిన ప్రజలకు రుణపడి ఉంటానని చెప్పారు.