నా మాటేంటి..?

సాక్షి ప్రతినిధి, విజయనగరం: తానున్నానంటూ ఎస్.కోట శాసనసభ నియోజక వర్గాని కి టీడీపీ టిక్కెట్ కోసం మరో అభ్యర్థి రేసులోకొచ్చారు. దీంతో ఇప్పటి వరకు జరిగిన వివాదం సద్దుమణిగిందంనుకుంటు న్న తరుణంలో టీడీపీలో మరో చిచ్చు రేగిం ది. సిట్టింగ్ శాసనసభ్యురాలు కోళ్ల లలితకుమారిపై నియోజక వర్గంలో ఉన్న అసంతృప్తిని క్యాష్ చేసుకునేందుకు మరో నేత తెరపైకొచ్చారు. టీడీపీ టిక్కెట్ ఆమెకిస్తే నెగ్గడం కష్టమని, ఈసారి టిక్కెట్ తనకే ఇవ్వాలంటూ టీడీపీ రాష్ట్ర బీసీ సెల్ కార్యదర్శి, లక్కవరపుకోట నాయకుడు రంధి మార్కండేయులు అకస్మాత్తుగా రేసులోకి వచ్చారు. ఇప్పటికే పార్టీ అధిష్ఠానం దూతల భరోసా కూడా తీసేసుకున్నారని తెలుస్తోంది. పార్టీపొలిట్ బ్యూరో సభ్యుడు పూసపాటి అశోక్ గజపతిరాజును, పార్టీ జిల్లా అధ్యక్షుడు ద్వారపురెడ్డి జగదీష్‌ను కలిసి బయోడేటా కూడా ఇచ్చారు. దీంతో కోళ్ల లలితకుమారి అయోమయ పరిస్థితికి చేరుకున్నారు. ఇంతవరకు పార్టీ రాష్ట్ర మహి ళా అధ్యక్షురాలు శోభా హైమావతి రూపంలో ఎదురైన పోటీని ఆమెకు ఇతరత్రా అవకాశా లు చూపించి అడ్డు తప్పించుకోగా తాజాగా తన సన్నిహితుడు, సొంత మండల నేత రేసులోకి రావడంతో కోళ్ల లలిత కుమారి జీర్ణించుకోలేకపోతున్నారు.