ఏపీ: వైద్యారోగ్య శాఖలో 9712 పోస్టుల భర్తీకి ఆదేశాలు

సాక్షి, అమరావతి: ప్రజారోగ్య రంగంలో సదుపాయాలను మెరుగుపరచడంపై దృష్టి సారించిన ఆంధ్రప్రదేశ్‌ ప్రభుత్వం వైద్యారోగ్య శాఖలో 9712 పోస్టుల భర్తీకి గ్రీన్‌ సిగ్నల్‌ ఇచ్చింది. ఈ నేపథ్యంలో అసిస్టెంట్ ప్రొఫెసర్లు, వైద్యులు, లాబ్ టెక్నిషియన్లు, ఇతర ఖాళీల భర్తీకై వైద్య ఆరోగ్య శాఖ ప్రత్యేక ప్రధాన కార్యదర్శి జవహర్ రెడ్డి గురువారం ఉత్తర్వులు జారీ చేశారు. మెడికల్ ఎడ్యుకేషన్ పరిధిలో 4131, ఏపీవీవీపీ పరిధిలో 2414, డీపీహెచ్ పరిధిలో 3167 పోస్టులను భర్తీ చేయనున్నారు. వీటిలో 2153 రెగ్యులర్ పోస్టులు, 5574 కాంట్రాక్ట్ పోస్టులు, 1985 ఔట్ సోర్సింగ్ పోస్టులు ఉన్నాయి.