కొత్తగా 49 పీహెచ్‌సీలు

 

 దీంతో గ్రేటర్ హైదరాబాద్ ప్రాంతంలోని పట్టణ మండలాలతోపాటు జిల్లాలోని తాండూరు, వికారాబాద్ మున్సిపాలిటీలు.. కొత్తగా ఏర్పాటైన బడంగ్‌పేట్, ఇబ్రహీంపట్నం, మేడ్చల్, పెద్ద అంబర్‌పేట్ నగర పంచాయతీల పరిధిలోని ప్రజలకు ఈ సేవలందనున్నాయి. ప్రస్తుతం గ్రామీణ ప్రాంతాల్లో 48 పీహెచ్‌సీలు కొనసాగుతున్నాయి. వీటికి జాతీయ గ్రామీణ ఆరోగ్య మిషన్ నుంచి నిర్వహణ నిధులు విడుదలవుతున్నాయి. 

 

 అయితే కొత్తగా పట్టణ ప్రాంతాల్లో వైద్యసేవలు మెరుగుపరిచేందుకు జాతీయ పట్టణ ఆరోగ్య మిషన్ ఏర్పాటు చేశారు. అందులో భాగంగా పట్టణ ప్రాంతాల్లో 50 వేల జనాభాకు ఒక ప్రాథమిక ఆరోగ్య కేంద్రం చొప్పున.. జిల్లాలో సుమారు 49 పీహెచ్‌సీలు ఏర్పాటు కానున్నాయి. ఇందుకు సంబంధించి జిల్లా వైద్య, ఆరోగ్య శాఖ ప్రతిపాదనలు సిద్ధం చేసింది. అదేవిధంగా వీటి పరిధిలో మరో 450 ఉప కేంద్రాలు కూడా ఏర్పాటు చేయనున్నారు. త్వ రలో ప్రభుత్వం ఆమోదం తెలిపిన వెంటనే సేవలు అం దుబాటులోకి రానున్నట్లు జిల్లా వైద్య, ఆరోగ్య శాఖ అధికారులు చెబుతున్నారు.