TV
తెలంగాణ పోలీస్, అగ్నిమాపకశాఖ, జైళ్లశాఖ, ఎస్పీఎఫ్లో కలిపి 7,437 పోస్టులు
మొత్తం పోస్టుల్లో 148 సివిల్ ఎస్సై, 29 ఆర్ఎస్సై, 4,773 కానిస్టేబుల్ పోస్టులు
పోలీస్ రిక్రూట్మెంట్ బోర్డు చైర్మన్ వీవీ శ్రీనివాసరావు
సాక్షి, హైదరాబాద్: రాష్ట్ర పోలీసు శాఖతో పాటు, అగ్నిమాపకశాఖ, జైళ్లశాఖ, స్పెషల్ ప్రొటెక్షన్ ఫోర్స్ విభాగాల్లో కలిపి మొత్తం 7,437 పోస్టుల భర్తీకి రాష్ట్ర ప్రభుత్వం అనుమతి మంజూరు చేసింది. ఈ పోస్టుల భర్తీకి త్వరలోనే నోటిఫికేషన్ విడుదల చేయనున్నట్లు తెలంగాణ స్టేట్ లెవల్ పోలీస్ రిక్రూట్మెంట్ బోర్డు (టీఎస్ఎల్పీఆర్బీ) చైర్మన్ వీవీ శ్రీనివాసరావు తెలిపారు.
ఈ మేరకు ఆదివారం అధికారికంగా ప్రకటన విడుదల చేశారు. ప్రస్తుతం స్థానిక కేడర్ వారీ పోస్టుల పంపిణీ, రోస్టర్ పాయింట్లు, విద్యార్హతలు తదితర వివరాలను హోంశాఖతో పాటు సంబంధిత విభాగాల నుంచి సేకరిస్తున్నట్లు తెలిపారు. ఈ ప్రక్రియ పూర్తికాగానే నియామక ప్రకటన విడుదల చేయనున్నట్లు వెల్లడించారు.
