@

36 ఏళ్ల తరువాత ఏ సర్టిఫికెట్‌

గ్రాండ్‌ ఫాదర్‌గా భాస్కర్‌ 
 

కూలీ చిత్రంలో

రజనీకాంత్‌

తమిళసినిమా: చిత్రాలకు సెన్సార్‌ బోర్డు ఏ సర్టిఫికెట్‌ ఇచ్చిందంటే ఆ చిత్రాలను 12 ఏళ్ల లోపు పిల్లలు చూడడానికి థియేటర్లో అనుమతించరాదని అర్థం అనే విషయం తెలిసిందే. అయితే ఈ నిబంధనలను ఇప్పుడు పెద్దగా ఏ సినిమా థియేటర్‌ నిర్వాహకులు పాటించడం లేదన్నది వేరే విషయం. సాధారణంగా క్రైమ్‌, థ్రిల్లర్‌, హర్రర్‌ కథా చిత్రాలకు, హింసాత్మక సంఘటనలు అధికంగా ఉన్న చిత్రాలకు సెన్సార్‌ బోర్డు ఏ సర్టిఫికెట్‌ ఇస్తుంది. అదే సర్టిఫికెట్‌ను ఇప్పుడు రజనీకాంత్‌ తాజాగా కథానాయకుడు నటించిన కూలీ చిత్రానికి ఇవ్వడం గమనార్హం. లోకేష్‌ కనకరాజు దర్శకత్వంలో సన్‌ పిక్చర్స్‌ సంస్థ నిర్మించిన ఈ చిత్రంలో రజనీకాంత్‌తో పాటు బాలీవుడ్‌ సూపర్‌స్టార్‌ అమీర్‌ఖాన్‌, టాలీవుడ్‌ స్టార్‌ నాగార్జున, శాండిల్‌వుడ్‌ స్టార్‌ ఉపేంద్ర, ,క్రేజీ స్టార్‌ శ్రుతిహాసన్‌ ముఖ్యపాత్రలు పోషించారు. ఇక అదనపు ఆకర్షణగా పూజాహెగ్డే ఐటమ్‌ సాంగ్‌ ఉండనే ఉంది. కాగా అనిరుద్‌ సంగీతాన్ని అందించిన ఈ చిత్రం ఈనెల 14న ప్రపంచవ్యాప్తంగా తెరపైకి రావడానికి సిద్ధమవుతోంది. ఇలాంటి పరిస్థితుల్లో కూలీ చిత్రానికి సెన్సార్‌ బోర్డు ఏ సర్టిఫికెట్‌ను ఇవ్వడం చర్చనీయంగా మారింది. కారణం ఈ చిత్రంలో భారీగా హింసాత్మక సన్నివేశాలు చోటు చేసుకోవడమే అని తెలిసింది. రజనీకాంత్‌ నటించిన అత్యధిక చిత్రాలు యూ /ఏ సర్టిఫికెట్‌ తోనే విడుదలయ్యాయి. అయితే 1982లో నటించిన పుదుకవితై, రంగా, 1985లో నటించిన ఊరుక్కావాలన్‌, 1989లో నటించిన శివ చిత్రాలు మాత్రం ఏ సర్టిఫికెట్‌తో విడుదలయ్యాయి. ఇప్పుడు 36 ఏళ్ల తర్వాత మళ్లీ కూలీ చిత్రం ఏ సర్టిఫికెట్తో తెరపైకి రాబోతుందన్నది గమనార్హం. అయితే ఈ చిత్ర ట్రైలర్‌ ,ఆడియో ఆవిష్కరణ కార్యక్రమాన్ని శనివారం సాయంత్రం చైన్నెలోని నెహ్రూ హిందూ స్టేడియంలో భారీ ఎత్తున నిర్వహించారు.

గ్రాండ్‌ ఫాదర్‌ చిత్ర ఫస్ట్‌ లుక్‌ పోస్టర్‌

తమిళసినిమా: ఎంఎస్‌ భాస్కర్‌, ఫ్రాంక్‌ స్టార్‌ రాహుల్‌ ప్రధాన పాత్రలు పోషిస్తున్న చిత్రానికి గ్రాండ్‌ ఫాదర్‌ అనే టైటిల్‌ నిర్ణయించారు. కుట్టి స్టోరీస్‌ పిక్చర్స్‌ పతాకంపై భువనేష్‌ చిన్నస్వామి నిర్మిస్తున్న ఈ చిత్రానికి మెట్రో మురళి, మెట్రోగిరి సహ నిర్మాతలుగా వ్యవహరిస్తున్నారు. కాగా ఫ్రాంక్‌ స్టార్‌ రాహుల్‌ ఈ చిత్రం ద్వారా దర్శకుడిగా పరిచయం అవుతున్నారు. నటి స్మీక కథానాయకిగా నటిస్తున్న ఇందులో అరుణ్‌దాస్‌, మునీష్కాంత్‌, శ్రీనాథ్‌, శివ అరవింద్‌, ప్రియదర్శిని, అంజలిరావ్‌, అభినయ ముఖ్యపాత్రలు పోషిస్తున్నారు. శ్రీధర్‌ చాయాగ్రహణం, రంజిన్‌ రాజ్‌ సంగీతాన్ని అందిస్తున్న ఈ చిత్ర షూటింగ్‌ ఇటీవలే ప్రారంభమైంది. కామెడీ విత్‌ హర్రర్‌, ఫాంటసీ నేపథ్యంలో రూపొందుతున్న ఈ చిత్రం శరవేగంగా చిత్రీకరణను జరుపుకుంటోంది. కాగా పార్కింగ్‌ చిత్రంలో నటనకుగాను నటుడు ఎంఎస్‌ భాస్కర్‌కు కేంద్ర ప్రభుత్వం జాతీయ ఉత్తమ సహాయ నటుడు అవార్డును ప్రకటించిన నేపథ్యంలో గ్రాండ్‌ ఫాదర్‌ చిత్ర యూనిట్‌ ఆయన్ను అభినందించడంతో పాటు ఆయన గౌరవించే విధంగా ఈ చిత్ర టైటిల్‌ను, ఫస్ట్‌లుక్‌ పోస్టర్‌ను శనివారం విడుదల చేశారు. ఈ చిత్రంలో ఎమ్మెస్‌ భాస్కర్‌ గ్రాండ్‌ ఫాదర్‌గా టైటిల్‌ రోల్‌ను పోషిస్తున్నారు. ఫస్ట్‌లుక్‌ పోస్టర్లలో ఆయన గెటప్‌ కొత్తగా ఉండడంతో చిత్రంపై ఆసక్తి నెలకొంది. రాగా గ్రాండ్‌ ఫాదర్‌ చిత్రం గురించి మరిన్ని వివరాలు త్వరలో వెలువడే అవకాశం ఉంది.

1/2

36 ఏళ్ల తరువాత ఏ సర్టిఫికెట్‌

2/2

36 ఏళ్ల తరువాత ఏ సర్టిఫికెట్‌