Asia Cup 2022: Suryakumar Yadav Comments On Virat Kohli Heartwarming Gesture - Sakshi
Sakshi News home page

Surya Kumar Yadav: కోహ్లి అలా చేస్తాడని ఊహించలేదు.. అది నన్ను క్లీన్‌ బౌల్డ్‌ చేసింది..!

Sep 1 2022 3:14 PM | Updated on Sep 1 2022 3:47 PM

Asia Cup 2022: Suryakumar Yadav Bowled Over By Virat Kohlis Heartwarming Gesture - Sakshi

Asia Cup 2022 IND VS HK: ఆసియా కప్‌లో భాగంగా బుధవారం హాంగ్‌కాంగ్‌తో జరిగిన మ్యాచ్‌లో టీమిండియా 40 పరుగుల తేడాతో ఘన విజయం సాధించి, గ్రూప్‌-ఏ నుంచి సూపర్‌-4 బెర్తు ఖరారు చేసుకున్న తొలి జట్టుగా నిలిచిన విషయం తెలసిందే. ఈ మ్యాచ్‌లో కోహ్లి క్లాస్‌ ఇన్నింగ్స్‌, సూర్య భాయ్‌ నాటు కొట్టుడు మ్యాచ్‌ మొత్తానికే హైలైట్‌గా నిలిస్తే.. భారత ఇన్నింగ్స్‌ అనంతరం కోహ్లి చేసిన ఓ పనికి యావత్‌ క్రికెట్‌ ప్రపంచం పులకించి పోయింది. 

తన కంటే చాలా జూనియర్‌ అయిన సూర్యకుమార్‌ పెర్ఫార్మెన్స్‌కు ఫిదా అయిన కోహ్లి.. ఇన్నింగ్స్‌ అనంతరం సూర్యను తలవంచి మరీ అభినందించాడు. కోహ్లి నుంచి ఊహించని ఈ చర్యకు ఆశ్చర్యపోయిన సూర్యకుమార్‌ ఏం మాట్లాడాలో తెలియక.. ఏంటి బ్రో ఇది.. మనం మనం ఒకటి.. పదా ఇద్దరం కలిసి డ్రెస్సింగ్‌ రూమ్‌కు వెళ్దాం అని కోహ్లిని హత్తుకుని అటుగా తీసుకెళ్లాడు. 

దీనికి సంబంధించిన వీడియో నిన్నటి నుంచి సోషల్‌మీడియాలో హల్‌చల్‌ చేస్తుంది. ఈ విషయంపై మ్యాచ్‌ అనంతరం సూర్యకుమార్‌ మాట్లాడుతూ.. కోహ్లి లాంటి అనుభవజ్ఞుడి నుంచి ఊహించిన ఈ చర్యకు చర్యకు ఎలా రియాక్ట్‌ కావాలో అర్ధం కాలేదని, కింగ్‌ కోహ్లి చేసిన ఈ పని నన్ను క్లీన్‌ బౌల్డ్‌ చేసిందని అన్నాడు. కాగా, కోహ్లి-సూర్యకుమార్‌ల మధ్య ఓ ఐపీఎల్‌ మ్యాచ్‌ సందర్భంగా ఓ చిన్నపాటి గొడవ జరిగిన విషయాన్ని క్రికెట్‌ అభిమానులు ఈ సందర్భంగా గుర్తు చేసుకుంటున్నారు.

ఇదిలా ఉంటే, హాంగ్‌కాంగ్‌తో జరిగిన మ్యాచ్‌లో సూర్యకుమార్‌ సిక్సర్ల సునామీ సృష్టించి, 22 బంతుల్లోనే మెరుపు అర్ధశతకం బాదగా.. కోహ్లి క్లాస్‌ ఇన్నింగ్స్‌ ఆడి కెరీర్‌లో 31వ అర్ధసెంచరీ సాధించాడు. సూర్య.. 26 బంతులు ఎదుర్కొని 6 ఫోర్లు, 6 సిక్సర్ల సాయంతో 68 పరుగులతో అజేయంగా నిలువగా.. కోహ్లి 44 బంతుల్లో ఫోర్‌, 3 సిక్సర్ల సాయంతో 59 చేసి నాటౌట్‌గా నిలిచాడు. 

ఇన్నింగ్స్‌ ఆఖరి ఓవర్లో సూర్య వరుసగా 6, 6, 6, 0, 6, 2 బాది 26 పరుగులు పిండుకోవడం మ్యాచ్‌ మొత్తానికే హైలైట్‌గా నిలిచింది. ఫలితంగా భారత్‌ నిర్ణీత ఓవర్లలో 2 వికెట్ల నష్టానికి 192 పరుగులు చేసింది. ఛేదనలో హాంగ్‌కాంగ్‌ 152 పరుగులకే పరిమతం కావడంతో టీమిండియా సునాయాసంగా విజయం సాధించింది. 
చదవండి: చరిత్ర సృష్టించిన సూర్యకుమార్‌ యాదవ్‌.. తొలి భారత ఆటగాడిగా!
 

Advertisement

Related News By Category

Related News By Tags

Advertisement
 
Advertisement

పోల్

Advertisement