ఎన్యూమరేషన్‌ ఫామ్‌ నింపండి ఇలా..

● ఇది ఓటరు జాబితాను ధ్రువీకరించడానికి, కొత్త ఓటరు వివరాలను సేకరించడానికి ఎన్నికల సంఘం ఉపయోగించే ప్రాథమిక ఫామ్‌. మీ ఇంట్లో ఉన్న ఓటర్ల వివరాలు సరిగ్గా ఉన్నాయో లేదో సరిచూసుకోవడానికి ఒక వేదిక. ఫామ్‌లో వివరాలు రాసేటప్పుడు తప్పులు లేకుండా, స్పష్టమైన అక్షరాలతో రాయాలి. ● ఫామ్‌పై భాగం: మీ పేరు, మీ ఓటరు ఫొటో గుర్తింపు కార్డు నంబర్‌, చిరునామా, అసెంబ్లీ పేరు తదితర వివరాలు, పాత ఫొటోతో ముందుగా ముద్రించి ఉంటాయి. అక్కడ పక్కన మీ లేటెస్ట్‌ ఫొటో అతికించాలి. ● మొదటి భాగం: రెండోభాగంలో రెండు భాగాలుగా విభజించి ఉంటుంది. 2002లో ఓటు ఉన్నవారి కోసం ఒక బాక్స్‌, 2002లో ఓటు లేనివారి కోసం మరో బాక్స్‌ ఉంటుంది. ఈ రెండు అంశాల్లో ఒకదానిని మీ పరిస్థితి ఆధారంగా నిర్ణయించుకోని నింపాలి. ● 01–01–2002 నాటికి ఓటు ఉంటే.. 2002 ఓటరు జాబితా వివరాల ఆధారంగా ఈ బాక్స్‌ని పూరించాలి. ఓటరు పేరు, ఓటరు గుర్తింపు కార్డు నంబర్‌, సంరక్షకుడి పేరు, అతడితో మీకు ఉన్న బంధుత్వం వివరాలు నింపాలి. 2002 ఓటరు జాబితాలో గల శాసనసభ నియోజకవర్గం సంఖ్య, పోలింగ్‌ స్టేషన్‌ నంబరు(భాగం సంఖ్య), క్రమసంఖ్య.. అంటే ఓటరు జాబితాలో మీ సిరియల్‌ నంబర్‌ ఎంత అనేది వేయాలి. ● 01–01–2002 నాటికి ఓటు లేకపోతే: 2002లో మీకు ఓటు లేదు, మీ తండ్రి, తల్లి, తాతయ్య, నాయనమ్మలలో ఎవరో ఒకరి వివరాలు 2002 ఓటరు జాబితా వివరాల ప్రకారంగా ఈ బాక్స్‌ పూరించాలి. పేరు అనేచోట తండ్రి, తల్లి, తాతయ్య, నాయనమ్మలో ఎవరిదైనా పేరు రాసి, వారి ఓటరు గుర్తింపు కార్డు నంబర్‌ వేయాలి. బంధువు అనేచోట వారి తండ్రి లేదా భర్త పేరు రాయాలి. 2002 ఓటరు జాబితాలో గల శాసనసభ నియోజకవర్గం సంఖ్య, పోలింగ్‌ స్టేషన్‌ నంబర్‌(భాగం సంఖ్య), క్రమసంఖ్య అంటే ఓటర్‌ లిస్ట్‌లో మీ సీరియల్‌ నంబర్‌ ఎంత అనేది వేయాలి. మొత్తంగా 2002లో మీకు ఓటు లేదు కావున, మీ బంధువుల్లో ఉన్న వారివివరాలను ఈ బాక్స్‌లో నింపాలి. ● మూడో భాగం: మూడోభాగంలో ఓటరు ప్రస్తుత వివరాలతో నింపాలి. పుట్టిన తేదీ, ఆధార్‌ కార్డు నంబర్‌, మొబల్‌ నంబర్‌, సంరక్షకుడి పేరు, సంరక్షకుడి ఓటరు గుర్తింపు కార్డు నంబర్‌, తల్లిపేరు, తల్లి ఓటరు గుర్తింపు కార్డు నంబర్‌, పెళ్లి అయితే మీ భాగస్వామి పేరు, ఆమె ఓటరు గుర్తింపు కార్డు నంబర్‌, పెళ్లి అవ్వకపోతే ఖాళీగా వదిలివేయండి. R ప్రతీ కాలమ్‌ను జాగ్రత్తగా చదివి నింపాలి. R పేరు స్పెల్లింగ్‌ అన్ని పత్రాల్లో ఒకేలా ఉందో చూసుకోండి. R పుట్టిన తేదీ అన్ని పత్రాల్లో సరిపోతుందో నిర్ధారించుకోండి. R ఫారం సమర్పించిన తర్వాత రసీదు లేదా అంగీకార పత్రం తీసుకోవాలి. R సందేహాలు ఉంటే బూత్‌ లెవల్‌ ఆఫీసర్‌ను సంప్రదించాలి. R అవసరమైన పత్రాల స్పష్టమైన కాపీలు జతచేయాలి. R మొబైల్‌ నంబర్‌, చిరునామా వంటి వివరాలు లేటెస్ట్‌వి ఇవ్వాలి. Q తప్పుడు సమాచారం ఇవ్వకూడదు. Q ఖాళీ కాలమ్‌లు వదిలేయకూడదు. Q ఇతరుల పత్రాలు ఉపయోగించకూడదు. Q పత్రాలపై మార్పులు చేసి సమర్పించకూడదు. Q తొందరపాటుతో చదవకుండా సంతకం చేయకూడదు. Q ఒకే వ్యక్తికి సంబంధించిన విభిన్న వివరాలు ఇవ్వకూడదు.

వ్యక్తిగత వివరాలు: కుటుంబ సభ్యులందరి పేర్లు, వయసు, లింగం వంటి వివరాలను ఆధార్‌ కార్డులో ఉన్న విధంగానే నమోదు చేయాలి.

చిరునామా ధ్రువీకరణ: మీరు ఉంటున్న ఇంటి నంబర్‌, వీధి పేరు, పోస్ట్‌ ఆఫీస్‌ వివరాలను స్పష్టంగా పేర్కొనాలి.

ఆధార్‌ అనుసంధానం: ఓటర్‌ ఐడీ కార్డును ఆధార్‌తో అనుసంధానించడానికి అవసరమైన వివరాలను అందించాలి.

ఫొటో, సంతకం: ఫామ్‌ చివరలో అవసరమైన చోట సంతకం చేయడం లేదా వేలిముద్ర వేయడం మర్చిపోవద్దు.