TV
పెనమలూరు: కానూరులో ఆదివారం రాత్రి గణేశుడి లడ్డూని ఓ భక్తుడు రూ. 11.75లక్షలకు వేలంలో దక్కించుకున్నారు. గ్రామంలో పెద్ద బావి సెంటర్లో ఏర్పాటు చేపిన శ్రీవర సిద్ధి వినాయక మహోత్సవం సందర్భంగా 40 కేజీల స్వామివారి లడ్డూ వేలం నిర్వహించారు. రాయల్ ఆంధ్ర కిచెన్కు చెందిన మాదు రమేష్ లడ్డూని ఏకంగా రూ. 11.75లక్షలకు దక్కించుకున్నారు.
గాంధీనగర్(విజయవాడసెంట్రల్): విశ్వబ్రాహ్మణ కార్పొరేషన్కు రూ. 500కోట్లు నిధులు కేటాయించాలని ఆంధ్రప్రదేశ్ విశ్వబ్రాహ్మణ సంఘం అధ్యక్షుడు గురజాడ ఆనంద్కుమార్ ప్రభుత్వాన్ని డిమాండ్ చేశారు. సోమవారం గాంధీనగర్ ప్రెస్క్లబ్లో జరిగిన విలేకరుల సమావేశంలో ఆయన మాట్లాడుతూ కార్పొరేషన్కు అవసరమైన నిధులు కేటాయించడంతో పాటు విశ్వ బ్రాహ్మణ సామాజిక వర్గంలోని పంచ వృత్తుల వారికి సబ్సిడీ రుణాలు మంజూరు చేయాలన్నారు. ఐదు వృత్తులు (మను, మయ, త్వష్ట, శిల్పి, విశ్వజ్ఞ) ద్వారా సమాజ నిర్మాణంలో కీలక పాత్ర పోషిస్తున్న విశ్వబ్రాహ్మణుల సంక్షేమానికి పెద్ద పీటవేయాలన్నారు. సంఘం పునర్వ్యవస్థీకరణ – ఆన్లైన్ ప్రక్రియ కొనసాగుతోందన్నారు. గ్రామ స్థాయి నుంచి జిల్లా స్థాయి వరకు సంఘాన్ని పటిష్టం చేస్తామన్నారు.
