వెంకటేశ్వర్‌రావు ఆశయ సాధనకు కృషి

వెంకటాపురం(కె): సీపీఎం పార్టీ దివంగత నాయకుడు వెంకటేశ్వర్‌రావు ఆశయ సాధనకు కృషి చేయాలని పార్టీ రాష్ట్ర కార్యవర్గ సభ్యుడు బండారు రవి కుమార్‌ అన్నారు. గుర్రం వెంకటేశ్వరావు 16వ వర్ధంతిని గురువారం సీపీఎం మండల పార్టీ ఆధ్వర్యంలో నిర్వహించారు. ఈ సందర్భంగా వెంకటేశ్వర్‌రావు చిత్రపటానికి పూలమాల వేసి నివాళులర్పించారు. అనంతరం నిర్వహించిన వర్ధంతి సభలో రవికుమార్‌ మాట్లాడుతూ.. పార్టీ అభివృద్ధి కోసం ఎంతో కృషి చేశాడని అన్నారు. ఈ కార్యక్రమంలో నాయకులు కుమ్మరి శ్రీను, కట్ల నర్సింహాచారి, తోట నాగేశ్వరావు, గుర్రం పుల్లారావు, చిట్టెం ఆదినారాయణ, దేవమణి, కొప్పుల రఘుపతి, పర్శిక రాంబాబు, గ్యానం వాసు ఉన్నారు.