TV
బహుముఖ ప్రజ్ఞాశాలి కమల్‌ హాసన్‌కు సంగీతంలోనూ ప్రావీణ్యం ఉంది. ఆయన 46 ఏళ్ల సినీ పయనంలో ఎన్నో జనరంజకమైన పాటలను ఆలపిస్తూ సంగీత ప్రియులను అలరిస్తున్నారు. అలాంటి కమల్‌ హాసన్‌కు సినీ సంగీత కళాకారుల సంఘం గౌరవ సభ్యత్వాన్ని అందించింది.
ఈ సంఘం అధ్యక్షుడు దీనా మంగళవారం స్థానిక ఆల్వార్‌ పేటలోని కమల్‌ కార్యాలయానికి వెళ్లి ఆయనకు సినీ సంగీత కళాకారుల సంఘంలో గౌరవ సభ్యత్వానికి సంబంధించిన గుర్తింపుకార్డును అందజేశారు. ఈ సందర్భంగా దీనాతో పాటు సినీ సంగీత కళాకారుల సంఘం కార్యదర్శి జోనా భగత్‌కుమార్‌ ఎస్‌.డి, ఆ సంఘం ట్రస్ట్‌ చైర్మన్‌ ఎస్‌.ఎ.రాజ్‌ కుమార్‌ కమల్‌హాసన్‌ కలిశారు.
