25న చెన్నకేశవరెడ్డి రీ రిలీజ్ | Chennakesava Reddy Movie Re Release Press Meet | Sakshi
Sakshi News home page

Chennakesava Reddy Movie: 25న చెన్నకేశవరెడ్డి రీ రిలీజ్

Published Fri, Sep 23 2022 12:53 AM | Last Updated on Fri, Sep 23 2022 5:01 PM

Chennakesava Reddy Movie Re Release Press Meet - Sakshi

బెల్లంకొండ సురేష్, వీవీ వినాయక్‌

ఈ సినిమా రిలీజై 20 ఏళ్లవుతున్న సందర్భంగా ఈ నెల 25న రీ రిలీజ్‌ చేస్తున్నట్లు ప్రకటించారు బెల్లంకొండ సురేష్‌.

‘‘చెన్నకేశవరెడ్డి’ సినిమాని 20 ఏళ్ల క్రితం ఒక పండగలా రిలీజ్‌ చేశాం. ఇప్పుడు కూడా రీ రిలీజ్‌లా లేదు.. కొత్త సినిమాని విడుదల చేస్తున్నట్లే అనిపిస్తోంది. మంచి ఉద్దేశం కోసం రీ రిలీజవుతున్న ఈ చిత్రాన్ని ప్రేక్షకులు, నందమూరి ఫ్యాన్స్‌ ఆదరించాలి’’ అని డైరెక్టర్‌ వీవీ వినాయక్‌ అన్నారు. బాలకృష్ణ హీరోగా, టబు, శ్రియ హీరోయిన్లుగా వీవీ వినాయక్‌ దర్శకత్వంలో తెరకెక్కిన చిత్రం ‘చెన్నకేశవ రెడ్డి’. బెల్లంకొండ సురేష్‌ నిర్మించిన ఈ సినిమా 2002 సెప్టెంబర్‌ 25న రిలీజైంది.

ఈ సినిమా రిలీజై 20 ఏళ్లవుతున్న సందర్భంగా ఈ నెల 25న రీ రిలీజ్‌ చేస్తున్నట్లు ప్రకటించారు బెల్లంకొండ సురేష్‌. ఈ సందర్భంగా విలేకరుల సమావేశంలో వీవీ వినాయక్‌ మాట్లాడుతూ– ‘‘చెన్నకేశవ రెడ్డి’లో బాలయ్యగారిని ఎలా చూపించాలా? అనే పిచ్చితో కొన్ని గంటలు మాత్రమే నిద్రపోయేవాణ్ణి. ఈ సినిమాలో వచ్చే మేజర్‌ రెవెన్యూని ‘బసవతారకం ట్రస్ట్‌’కి విరాళంగా ఇస్తాం’’ అన్నారు.

బెల్లంకొండ సురేష్‌ మాట్లాడుతూ– ‘‘చెన్నకేశవ రెడ్డి’ రీ రిలీజ్‌ గురించి బాలకృష్ణగారికి చెప్పగానే సంతోషపడ్డారు. ఈ నెల 24న ప్రీమియర్‌ షోలతో మొదలుపెట్టి, 25న రెగ్యులర్‌ షోలతో విడుదల చేస్తున్నాం. రీ రిలీజ్‌లో ఒక సినిమాని కోటి రూపాయలకు అడిగిన దాఖలాలు లేవు.. కానీ పలువురు డిస్ట్రిబ్యూటర్స్, ఎగ్జిబిటర్స్‌ కోటి రూపాయలకు అడగడం ‘చెన్నకేశవ రెడ్డి’ క్రేజ్‌కి నిదర్శనం. ఈ సినిమాకి వచ్చే రెవెన్యూలో 75 శాతం ‘బసవతారకం ట్రస్ట్‌’కి, మిగతాది నాకు సంబంధించిన అసోషియేషన్స్‌కి ఇస్తాను. నవంబర్‌ నుంచి మళ్లీ యాక్టివ్‌గా ప్రొడక్షన్‌ మొదలు పెట్టాలనుకుంటున్నాను’’ అన్నారు.  
 

Advertisement

Related News By Category

Related News By Tags

Advertisement
 
Advertisement

పోల్

Advertisement