30 Weds 21 Season 2: వెల్​కమ్​ టు అడల్ట్​హుడ్​.. 30 వెడ్స్​ 21 సీజన్-2 టీజర్​ రిలీజ్​

30 Weds 21 Web Series Season 2 Teaser Released: 2021లో యూట్యూబ్​లో విడుదలై అత్యంత ప్రజాదరణ పొందిన వెబ్ సిరీస్ 30 వెడ్స్​ 21. 30 ఏళ్ల బ్యాచిలర్​కు, 21 ఏళ్ల అమ్మాయితో వివాహం అనే ఫ్రెష్​ కాన్సెప్ట్​తో వచ్చింది ఈ సిరీస్​. తొమిదేళ్ల ఏజ్​ గ్యాప్​తో పెళ్లి చేసుకున్న ఇద్దరి మధ్య ఎలాంటి భావోద్వేగాలు ఉంటాయో చూపించి ఆకట్టుకుంది. ఈ సిరీస్​లో దంపతులుగా నటించిన చైతన్య, అనన్య జోడీ నెటిజన్లను బాగా అట్రాక్ట్​ చేసింది. ఈ సిరీస్​ ఎంతో హిట్​ కావడంతో దీనికి కొనసాగింపుగా రెండో సీజన్​ వస్తున్న సంగతి తెలిసిందే. ఇటీవల ఈ సిరీస్​కు రెండో సీజన్ ఫస్ట్​ లుక్​​ను ప్రకటించిన మేకర్స్​ సోమవారం 30 వెడ్స్​ 21 రెండో సీజన్​ టీజర్​ను విడుదల చేశారు. 

ఇక మనిద్దరి మధ్య ఎలాంటి సమస్యలు రావు అంటూ పృథ్వీ చెప్పే డైలాగ్​తో టీజర్​ ప్రారంభమవుతుంది. అనేక భావోద్వేగాల మధ్య కలిసిన మేఘన, పృథ్వీలు జంటగా ప్రేమ పక్షుల్లా విహరించడం, అనుభూతి చెందడం టీజర్​లో చూపించారు. 'నాన్న బుజాల మీదెక్కి చూసే ప్రపంచానికి, మన కాళ్ల మీద నిలబడి చూసే ప్రపంచానికి చాలా తేడా ఉంటుంది' అనే డైలాగ్​ ఆకట్టుకుంది.  ఈ వెబ్ సిరీస్​కు అసమర్థుడు, మనోజ్​ పీ కథను అందించగా, పృథ్వీ వనం దర్శకత్వం వహించారు.