సొంతింటి కల కాంగ్రెస్‌తోనే సాకారం

సొంతింటి కల కాంగ్రెస్‌తోనే సాకారం కౌడిపల్లి(నర్సాపూర్‌): మండలంలోని వెంకటాపూర్‌(ఆర్‌)లో ఎంపీడీఓ శ్రీనివాస్‌ ఇందిరమ్మ ఇంటి గృహ ప్రవేశం నిర్వహించారు. గ్రామానికి చెందిన మమతకు ఇందిరమ్మ ఇంటి నిర్మాణం పూర్త యింది. దీంతో సోమవారం ఎంపీడీఓ శ్రీనివాస్‌, ఎంపీఓ రామారావ్‌, సర్పంచ్‌ లక్ష్మి, ఉపసర్పంచ్‌ మౌనిక, మమత గ్రామస్తులతో కలిసి గృహ ప్రవేశం చేశారు. కోనాయిపల్లి(పీటీ)లో... తూప్రాన్‌: ప్రభుత్వం పేదల సొంతింటి కలను ఇందిరమ్మ ఇళ్లతో నెరవేరిందని ఆర్డీఓ జయచంద్రారెడ్డి అన్నారు. సోమవారం మనోహరాబాద్‌ మండలంలోని కోనాయిపల్లి(పీటీ)లో నిర్మించిన ఇందిరమ్మ ఇళ్లను ప్రారంభించారు. అనంతరం ఆయన మాట్లాడుతూ.. ప్రభుత్వం అమలు చేస్తున్న సంక్షేమ పథకాలు పేదల జీవన ప్రమాణాలను మెరుగుపరచడంలో కీలక పాత్ర పోషిస్తున్నాయని తెలిపారు. అర్హులైన లబ్ధిదారుడికి ఇందిరమ్మ ఇళ్ల పథకం ద్వారా సొంత ఇల్లు కల్పించడం ప్రభుత్వ లక్ష్యమని, అధికారులు సమన్వయంతో పని చేసి పథకాలను పారదర్శకంగా అమలు చేయాలని సూచించారు. కార్యక్రమంలో ఇన్‌చార్జి ఎంపీడీఓ కృష్ణమూర్తి, సర్పంచ్‌ మన్నె కళ్యాణ్‌, గ్రామస్థాయి అధికారులు, సిబ్బంది పాల్గొన్నారు. అలాగే, తూప్రాన్‌ మండలంలోని కోనాయిపల్లి(పీబీ)గ్రామంలో మూ డు ఇందిరమ్మ ఇళ్లను ఎంపీడీఓ సతీష్‌, తహసీల్దార్‌ చంద్రశేఖర్‌రెడ్డిలు ప్రారంభించారు.