TV
సీక్రెట్ రూంను పరిశీలిస్తున్న పోలీసులు
చెన్నై : కోయంబత్తూరులో సీక్రెట్ రూమ్ సెక్స్ రాకెట్ గుట్టు రట్టయింది. బుధవారం సెక్స్ రాకెట్ నిర్వహకులిద్దర్ని పోలీసులు అరెస్ట్ చేయటంతో పాటు ఓ మహిళను సంరక్షించారు. పోలీసులు తెలిపిన వివరాల మేరకు.. బుధవారం కోయంబత్తూరు పోలీసులు వ్యభిచారం జరుగుతోందన్న సమాచారంతో మెట్టుపాళియంలోని శరణ్యా లాడ్జిలో సోదాలు నిర్వహించారు. అన్ని గదులను వెతికినప్పటికి ఎలాంటి లాభం లేకపోయింది. అయితే ఓ గదిలో వారికి రెండు పెద్ద అద్దాలు కనిపించాయి. అవి రెండు ఎదురెదురుగా ఉన్నాయి. (సీఎం పర్సనల్ సెక్రటరీనంటూ..)
దీంతో అనుమానం వచ్చిన వారు అద్దాలను కదిపి చూశారు. ఓ అద్దం లోపలికి తెరుచుకోవటంతో అక్కడ ఓ చిన్న గది దర్శనమిచ్చింది. దీంతో పోలీసులు ఒక్కసారిగా ఆశ్చర్యానికి గురయ్యారు. లోపల దాక్కుని ఉన్న బెంగళూరుకు చెందిన 22 ఏళ్ల మహిళను అక్కడినుంచి సంరక్షణా గృహానికి తరలించారు. సీక్రెట్ రూంలో సెక్స్ రాకెట్ నిర్వహిస్తున్న ఇద్దరిని అదుపులోకి తీసుకున్నారు.
