వి.కోట మండలంలో పరిపాలనా నిర్వేదం

వి.కోట మండలంలో పరిపాలనా నిర్వేదం

వి.కోట మండలం నాదమంత్రం గ్రామానికి చెందిన రైతు చౌడప్ప 2025 ఆగస్టు 5న కలెక్టరేట్‌ పీజీఆర్‌ఎస్‌ కార్యాలయం వద్ద పురుగుల మందు తాగి ఆత్మహత్యకు యత్నించాడు. ఈ ఘటన రెవెన్యూ యంత్రాంగంలోని లోతైన వైఫల్యాలను ఎత్తిచూపింది. చౌడప్పకు ప్రభుత్వం కేటాయించిన రెండు ఎకరాల అసైన్డ్‌ భూమితో పాటు ఆయనకు సొంతంగా 1.5 ఎకరాల భూమి ఉంది. ఆ భూమిని స్థానికంగా ఉన్న రామకృష్ణప్ప అనే వ్యక్తి ఆక్రమించాడు. దీనిపై పీజీఆర్‌ఎస్‌లో ఎన్నిసార్లు అర్జీలు ఇచ్చినా మండల స్థాయి అధికారులు స్పందించలేదని బాధితుడు ఆరోపించాడు. ఈ ఘటన జరిగిన వెంటనే కలెక్టర్‌ సుమిత్‌ కుమార్‌ స్వయంగా రంగంలో దిగి, ఆ భూమిలో 53 సెంట్ల భూమి అధికారిక రికార్డుల్లో లేదని గుర్తించి, వారం రోజుల్లో సమస్యను పరిష్కరిస్తామని హామీ ఇచ్చారు. ఈ ఉదంతంతో అర్థమయ్యే ప్రాథమిక విషయం ఏమిటంటే క్షేత్రస్థాయిలో అధికారులు ఫిర్యాదులను ఏ మాత్రం పట్టించుకోవడం లేదు అని.