ఈ కొత్త వాట్సాప్ ఫీచర్ గురించి తెలుసా?

ప్రపంచ వ్యాప్తంగా అత్యదిక మంది ఉపయోగించే మెసేజింగ్ యాప్ వాట్సాప్ తన వినియోగదారులను ఆకట్టుకోవడానికి ఎప్పటికప్పుడు కొత్త ఫీచర్లను తీసుకువస్తూనే ఉంటుంది. గతంలో వాట్సాప్ డిసప్పియరింగ్ మెసేజ్ అనే కొత్త ఫీచర్‌ను అందుబాటులోకి తీసుకువచ్చిన విషయం తెలిసిందే.

ఈ ఫీచర్ తో మీరు పంపిన మెసేజ్‌లు వారం రోజుల తర్వాత ఆటోమేటిక్‌గా గతంలో డిలీట్ అయ్యేవి. అయితే ఇప్పుడు ఆ సమయాన్ని 24 గంటలకు తగ్గించేందుకు ఆండ్రాయిడ్, ఐఓఎస్, వెబ్/ డెస్క్‌టాప్‌లో వాట్సాప్ టెస్టింగ్ చేస్తున్నట్లు పేర్కొంది. వాట్సాప్ ఇప్పుడు టెలిగ్రామ్, సిగ్నల్ వంటి ప్రత్యర్థి యాప్ లతో పోటీపడుతున్న నేపథ్యంలో గతంలో వేగంగా కొత్త కొత్త ఫీచర్స్ తీసుకొస్తుంది.