Indian Railways: IRCTC e-ticketing Website And App Launched, Check Updated Features - Sakshi
Sakshi News home page

ఇక రైల్వే టికెట్‌ బుకింగ్‌ మరింత ఈజీ

Published Thu, Dec 31 2020 3:39 PM

IRCTC revamped website and mobile app - Sakshi

న్యూఢిల్లీ, సాక్షి: ఆన్‌లైన్‌లో రైల్వే టికెట్ల బుకింగ్‌ మరింత ఈజీకానుంది. ఇందుకు వీలుగా ఐఆర్‌సీటీసీ వెబ్‌సైట్‌ను ఆధునీకరించింది. యాప్‌ను సైతం అప్‌గ్రేడ్‌ చేసింది. ఈ మార్పులన్నీ 2021 జనవరి 1 నుంచీ అమల్లోకిరానున్నాయి. కేంద్ర రైల్వే మంత్రి పీయూష్‌ గోయల్‌ గురువారం అప్‌గ్రేడ్‌ చేసిన ఐఆర్‌సీటీసీ వెబ్‌సైట్‌, యాప్‌లకు పచ్చజెండా ఊపారు. ఐఆర్‌సీటీసీ వెబ్‌సైట్‌ను 6 కోట్లమందికిపైగా వినియోగిస్తున్నారు. రోజుకి సగటున 8 లక్షలకుపైగా టికెట్లు బుక్‌ అవుతున్నాయి. రిజర్వ్‌డ్‌ టికెట్లలో 83 శాతం ఆన్‌లైన్‌ ద్వారానే బుక్‌ కావడం విశేషం! ఐఆర్‌సీటీసీ అందించిన వివరాల ప్రకారం..  చదవండి: (నెలకు రూ. 500లోపు బ్రాడ్‌బ్యాండ్‌ ప్లాన్స్‌)

- యూజర్లు లాగిన్‌ అయ్యాక టికెట్లతోపాటే భోజనం, వసతి గదుల(రిటైరింగ్‌ రూమ్స్‌) వంటివి బుక్‌ చేసుకునేందుకు వీలుంటుంది. టికెట్‌ కోసం నింపిన యూజర్ల వివరాలతో ఒకే దఫాలో(వన్‌స్టాప్‌ సొల్యూషన్‌) వీటన్నిటినీ బుక్‌ చేసుకోవచ్చు. 
- బుకింగ్ సమయంలో ఆర్టిఫిషియల్‌ ఇంటెలిజెన్స్‌ ద్వారా యూజర్‌ వెదుకుతున్న స్టేషన్లు లేదా ప్రయాణికుల వివరాలను వేగంగా అందిస్తుంది.
- యూజర్‌ అకౌంట్స్‌ పేజీలో రిఫండ్‌ స్టేటస్‌ను అత్యంత సులభంగా పరిశీలించవచ్చు. గతంలో ఈ వివరాలను తెలుసుకోవడం కష్టమయ్యేది. 
- రెగ్యులర్‌ లేదా ఫేవరెట్‌ ప్రయాణాలను ఎంపిక చేసుకోవడం ద్వారా వివరాలను ఆటోమాటిక్‌గా ఎంటర్‌ చేసుకోవచ్చు.
- ట్రయిన్‌ సెర్చ్‌, సెలక్షన్‌కు సంబంధించి అన్ని వివరాలూ ఇకపై ఒకే పేజీలో కనిపించనున్నాయి.  
- వెదుకుతున్న రైళ్ల వివరాలు, అన్ని తరగతుల సీట్ల లభ్యత, ధరలు వంటివి ఒకే చోట దర్శనమివ్వనున్నాయి. పేజీని స్ర్కోల్‌ చేయడం ద్వారా బుక్‌ ఆప్షన్‌ను ఎంపిక చేసుకోవచ్చు. గతంలో ఒక్కో క్లిక్‌తో ఒక్కో ట్రయిన్‌ వివరాలను మాత్రమే తెలుసుకునేందుకు వీలుండేది.
- బ్యాకెండ్‌లో క్యాచ్ సిస్టమ్‌ను ప్రవేశపెట్టడంతో సీట్ల అందుబాటు సమాచారంలో మరింత వేగంగా లోడింగ్‌కు అవకాశముంటుంది. 
- వెయిటింగ్‌ లిస్ట్‌ టికెట్లకు సంబంధించి సీటు ఖరారయ్యే(కన్ఫర్మేషన్‌) అవకాశాలను సైతం సూచిస్తుంది. గతంలో ఈ ఆప్షన్‌ను ప్రత్యేకంగా వెదకవలసి వచ్చేది.
- ఇతర తేదీలలో సీట్ల లభ్యత వివరాలు సైతం పేజీలో ప్రత్యక్షం కానున్నాయి.
- టికెట్‌ బుకింగ్‌ సమయంలో చెల్లింపుల పేజీలో ప్రయాణ వివరాలు డిస్‌ప్లే కానున్నాయి. టైపింగ్‌ తప్పులుంటే వెంటనే సరిదిద్దుకోవచ్చు. క్యాప్చాల వినియోగంతో సైబర్‌ సెక్యూరిటీకి వీలుంది. 

Advertisement
 
Advertisement