న్యూయార్క్‌: అమెరికా అధ్యక్షుడు డోనాల్డ్‌ ట్రంప్, ఆయన మద్దతుదారులు రెడ్‌ టోపీలను మాత్రమే కాదు.. ఇక నుంచి పసిడి వర్ణపు ఫోన్లను కూడా క్యారీ చేయనున్నారు. ఎందుకంటే ట్రంప్‌ ఇప్పుడు టెలికాం రంగంపై దృష్టి సారించారు. కొత్త ఫోన్‌ బ్రాండ్‌తోపాటు ఒక నెట్‌వర్క్‌నే ఏర్పాటు చేయాలనే ప్రణాళికలో ఉన్నారు. ఆయన ట్రేడ్‌మార్క్‌లను నిర్వహించే కంపెనీ డీటీటీఎమ్‌ ఆపరేషన్స్‌ ఎల్‌ఎల్‌సీ రెండు ట్రేడ్‌ మార్క్‌లకోసం యునైటెడ్‌ స్టేట్స్‌ పేటెంట్‌ అండ్‌ ట్రేడ్‌మార్క్‌ ఆఫీస్‌లో దరఖాస్తు చేసుకుంది. అందులో ట్రంప్‌ బ్రాండ్‌ మొబైల్‌ఫోన్, టెలికాం నెట్‌వర్క్‌ ఉన్నట్లు తెలుస్తోంది. జూన్‌ 12న ట్రంప్, టీ1 పేర్లపై పేటెంట్‌ కోరినట్లు తెలుస్తోంది. దరఖాస్తు పత్రాల ప్రకారం.. మొబైల్‌ ఫోన్లు, ఫోన్‌కేసులు, బ్యాటరీ ఛార్జర్లు, వైర్‌లెస్‌ టెలికాం సేవలు, ట్రంప్‌ బ్రాండ్‌తో రీటైల్‌ దుకాణాలు ప్రారంభించే ప్రణాళికలో ఉన్నట్లు తెలుస్తోంది. దీనికి ఊతమిస్తూ ట్రంప్‌ వ్యాపారాలను నిర్వహించే ఆయన కుమారుడు ఎరిక్‌ ట్రంప్‌ ఓ ప్రకటన చేశారు. ట్రంప్‌ మొబైల్‌ అనే కొత్త వెంచర్‌ అమెరికాలో తయారయ్యే ఫోన్లను విక్రయిస్తుందని, కాల్‌ సెంటర్‌కూడా నిర్వహిస్తుందని వెల్లడించారు. ఆగస్టులో అందుబాటులోకి వచ్చే టీ1 ఫోన్‌ బంగారు రంగులో ఉంటుందని, అయితే దీనిని మరో కంపెనీ తయారు చేస్తుందని ట్రంప్‌ కుటుంబ సంస్థ తెలిపింది. మరిన్ని వివరాలను వెల్లడించలేదు.

కతిహార్‌: పహల్గాం ఉగ్రదాడిలో మరణించినవారికి నివాళిగా చేపట్టిన ‘ఆపరేషన్‌ సిందూర్‌’ను యావత్‌ భారతం స్వాగతించింది. అయితే.. ఆ పేరుపై ట్రేడ్‌మార్క్‌ కోసం వ్యాపారవేత్తలు పోటీ పడుతుంటే.. ప్రజలు మాత్రం ఆ ఆపరేషన్‌ను మరింత గుర్తుండిపోయేలా చేసుకుంటున్నారు. పాక్‌లో ఉగ్రవాదుల స్థావరాలపై దాడులు జరిపిన బుధవారం రోజే పుట్టిన తమ బిడ్డలకు ఆపరేషన్‌ పేరు పెట్టుకుంటున్నారు. అమ్మాయిలయితే సిందూరి అని, అబ్బాయికయితే సిందూర్‌ అని పేరు పెట్టుకుంటున్నారు. బిహార్‌లో ఉన్న కతిహార్‌ జిల్లాలోని ఓ చిన్న ఆసుపత్రిలో కుందన్‌ కుమార్‌ మండల్‌ తన కూతురుకు సిందూరి పేరు పెట్టాడు. భారత సాయుధ దళాల ఆపరేషన్‌ పట్ల సంతోషం వ్యక్తం చేసిన కుందన్‌.. ఆ పేరు తన కూతురుకు పెట్టుకోవడం గర్వంగా ఉందన్నారు. ఒక్క కుందన్‌మాత్రమే కాదు.. ఆ పేరు పెట్టినందుకు కుటుంబమంతా సంతోషంగా ఉంది. ఆసుపత్రి సిబ్బంది కూడా ఈ పేరును ఆమోదించారు. పెరిగి పెద్దయ్యాక అమ్మాయి తన పేరు వెనుక ఉన్న ప్రాముఖ్యతను, చరిత్రను తెలుసుకుంటుందని కుటుంబం ఆశిస్తోంది. ఒక్క కుందన్‌ మాత్రమే కాదు.. బిహార్‌లోని ఓ ఆస్పత్రిలో 12 మంది ఈ పేరు పెట్టుకున్నారు. ‘ఆపరేషన్‌ సిందూర్‌’జరిపిన రోజు పుట్టిన 12 మంది పిల్లలకు ముజఫర్‌పూర్‌లో ఈ పేరే పెట్టుకున్నారు. రెండు ఆనందాలు కలిసి వచ్చాయని సంబరపడిపోతున్నారు. పెద్దయ్యాక తమ పిల్లలను సైన్యంలో చేరి్పస్తామని అంటున్నారు. కన్హారా నివాసి హిమాన్షు రాజ్‌ కూడా తన కూతురికి ‘సిందూరి’అని నామకరణం చేశాడు. ‘సిందూరి’పేరు కుటుంబానికి గర్వకారణంగా మారింది. జాఫర్‌పూర్‌కు చెందిన పవన్‌ సోనీతన కొడుకుకి సిందూర్‌ అని పేరు పెట్టాడు. ‘సిందూర్‌’కేవలం పేరు కాదు.. అదొక గర్వమని చెబుతున్నారు.

ఆపరేషన్ సిందూర్ కోసం రిలయన్స్ కంపెనీ ట్రేడ్‌మార్క్ కోసం దాఖలు చేసిందని వస్తున్న వార్తలపై సంస్థ స్పందించింది. ''ఆపరేషన్ సిందూర్'' అనే పదాన్ని ట్రేడ్‌మార్క్ చేసే ఉద్దేశ్యం లేదని రిలయన్స్ ఇండస్ట్రీస్ స్పష్టం చేసింది. దీనికి సంబంధించిన అధికారిక ప్రకటన కూడా సోషల్ మీడియాలో వైరల్ అవుతోంది.రిలయన్స్ ఇండస్ట్రీస్ యూనిట్ అయిన జియో స్టూడియోస్ అనుమతి లేకుండా ఒక జూనియర్ వ్యక్తి అనుకోకుండా దాఖలు చేసిన ట్రేడ్‌మార్క్ దరఖాస్తును ఉపసంహరించుకుందని కంపెనీ ఒక ప్రకటనలో తెలిపింది.పహల్గామ్‌లో పాకిస్తాన్ ఉగ్రవాద దాడికి ప్రతిస్పందనగా చేపట్టిన ఆపరేషన్ సిందూర్ పట్ల రిలయన్స్ ఇండస్ట్రీస్.. దాని వాటాదారులందరూ చాలా గర్వంగా ఉన్నారు. ఉగ్రవాదం అనే దుష్టత్వానికి వ్యతిరేకంగా భారతదేశం చేస్తున్న రాజీలేని పోరాటమే ఈ ''ఆపరేషన్ సిందూర్" అని కంపెనీ పేర్కొంది.ఇదీ చదవండి: నెలకు వారం రోజులే పని: ఏడాదికి రూ.66 లక్షల సంపాదనఉగ్రవాదంపై పోరాడుతున్న భారత ప్రభుత్వానికి, సాయుధ దళాలకు రిలయన్స్ పూర్తి మద్దతు ఇస్తుంది. ఇండియా ఫస్ట్ అనే నినాదానికి మేము కట్టుబడి ఉన్నామని కంపెనీ స్పష్టం చేసింది.ట్రేడ్‌మార్క్ కోసం దరఖాస్తులుమే 7న ఉదయం 10:42 గంటల నుంచి సాయంత్రం 6:27 గంటల మధ్య, 'ఆపరేషన్ సిందూర్' కోసం నాలుగు వేర్వేరు ట్రేడ్‌మార్క్ దాఖలు అయ్యాయి. ఇందులో రిలయన్స్‌ మాత్రమే కాకుండా.. ముంబై నివాసి ముఖేష్ చెత్రం అగర్వాల్, భారత వైమానిక దళానికి చెందిన రిటైర్డ్ గ్రూప్ కెప్టెన్ కమల్ సింగ్ ఒబెర్హ్, ఢిల్లీలోని న్యాయవాది అలోక్ కొఠారి ఉన్నారని బార్ అండ్ బెంచ్ నివేదించింది. అయితే ఇప్పుడు ట్రేడ్‌మార్క్ దాఖలు రిలయన్స్ కంపెనీ ఉపసంహరించుకుంది. మిగిలినవాళ్లు ఉంసంహరించుకున్నారా? లేదా? అనేదానిపై స్పష్టత రావాల్సి ఉంది.Media StatementReliance Industries has no intention of trademarking Operation Sindoor, a phrase which is now a part of the national consciousness as an evocative symbol of Indian bravery.Jio Studios, a unit of Reliance Industries, has withdrawn its trademark application,…— Reliance Industries Limited (@RIL_Updates) May 8, 2025

పుణె: అంతర్జాతీయ ఫాస్ట్‌–ఫుడ్‌ చెయిన్‌ బర్గర్‌ కింగ్‌ కార్పొరేషన్‌పై పుణెలో బర్గర్‌ కింగ్‌ పేరుతో ఉన్న రెస్టారెంట్‌ 13 ఏళ్లపాటు సాగిన న్యాయ పోరాటంలో విజయం సాధించింది. ‘బర్గర్‌ కింగ్‌’పేరును వాడుకుంటూ ప్రపంచవ్యాప్తంగా 13 వేలకుపైగా ఔట్‌లెట్లు కలిగిన తమ పేరును దెబ్బతీస్తున్నారని అమెరికాకు చెందిన బహుళజాతి సంస్థ బర్గర్‌ కింగ్‌ కార్పొరేషన్‌ 2011లో పుణె కోర్టులో కేసు వేసింది. ఆ పేరును వాడకుండా సంబంధిత రెస్టారెంట్‌ను ఆదేశించాలని, తమ బ్రాండ్‌కు పూడ్చలేని నష్టాన్ని కలుగజేసినందుకు రూ.20 లక్షలు చెల్లించాలని కూడా అందులో కోరింది. దీనిపై పుణె బర్గర్‌ కింగ్‌ యజమానులైన అనహిత, షాపూర్‌ ఇరానీలు న్యాయపోరాటం జరిపారు. ఒక్క పేరు తప్ప, బర్గర్‌ కింగ్‌ కార్పొరేషన్‌తో ఎలాంటి సారూప్యతలు తమ రెస్టారెంట్‌కు లేవన్నారు. తమ వంటి చిన్న వ్యాపారాలను దెబ్బకొట్టే దురుద్దేశంతోనే ఆ సంస్థ ఈ కేసు ఏళ్లపాటు కొనసాగించిందని ఇరానీ ఆరోపించారు. దీని కారణంగా తాము తీవ్ర వేదనకు, మానసిక ఒత్తిడికి గురయ్యామని చెప్పారు. విచారించిన జడ్జి సునీల్‌ వేద్‌ పాఠక్‌..‘ఇరానీ 1992లోనే బర్గర్‌ కింగ్‌ పేరుతో రెస్టారెంట్‌ను ప్రారంభించారు. కానీ, అమెరికా కంపెనీ 2014 తర్వాతే దేశంలోకి అడుగుపెట్టింది. ఆ కంపెనీ వాదన చాలా బలహీనంగా ఉంది. పుణెలోని రెస్టారెంట్‌ బర్గర్‌ కింగ్‌ పేరుతో వినియోగదారులను తికమకపెట్టినట్లు గానీ, తప్పుదోవ పట్టించినట్లు గానీ నిరూపించలేకపోయింది’అని స్పష్టం చేశారు. అంతేకాదు, పుణె బర్గర్‌ కింగ్‌ రెస్టారెంట్‌తో తమ బ్రాండ్‌కు వాటిల్లిన నష్టంపై సరైన ఆధారాలను సైతం అమెరికా కంపెనీ చూపలేదన్నారు. అందుకే పరిహారం పొందే అర్హత కూడా ఆ సంస్థకు లేదన్నారు. ఈ విషయంలో ఎవరూ ఎవరికీ పరిహారం చెల్లించాల్సిన అవసరం లేదని స్పష్టం చేశారు. పుణె రెస్టారెంట్‌ అదే పేరుతో తమ కార్యకలాపాలు నిర్వహించుకోవచ్చని పేర్కొన్నారు.

న్యూఢిల్లీ: ఫిన్‌టెక్‌ దిగ్గజాలు భారత్‌పే గ్రూప్, ఫోన్‌పే గ్రూప్‌ల మధ్య ’పే’ పదం ట్రేడ్‌మార్క్‌పై నెలకొన్న వివాదం ఓ కొలిక్కి వచి్చంది. సుమారు అయిదేళ్ల పాటు సాగిన సుదీర్ఘ న్యాయపోరును సామరస్యంగా సెటిల్‌ చేసుకున్నట్లు ఇరు సంస్థలు ఒక సంయుక్త ప్రకటనలో తెలిపాయి. ట్రేడ్‌మార్క్‌ రిజిస్ట్రీలో పరస్పరం ఒకదానిపై మరొకటి దాఖలు చేసిన ఫిర్యాదులను వెనక్కి తీసుకుంటున్నట్లు పేర్కొన్నాయి. దీనితో తమ తమ ట్రేడ్‌మార్క్‌లను రిజిస్టర్‌ చేసుకోవడానికి వీలవుతుందని వివరించాయి. ఇది రెండు కంపెనీలకూ ప్రయోజనకరమని ఫోన్‌పే ఫౌండర్‌ సమీర్‌ నిగమ్, భారత్‌పే చైర్మన్‌ రజనీష్‌ కుమార్‌ పేర్కొన్నారు.

న్యూఢిల్లీ: మే, జూన్‌ నెలల్లో భారతీయ వినియోగదారుల నుంచి 71,148 ఫిర్యాదులు అందినట్లు గూగుల్‌ శుక్రవారం వెల్లడించింది. ఆయా ఫిర్యాదుల ఆధారంగా సమాచారంలోని 1.54 లక్షల భాగాలను తొలగించినట్లు తెలిపింది. అందులోనూ జూన్‌ నెలలోనే 36,265 ఫిర్యాదులు అందాయని, వాటి కారణంగా 83,613 తొలగింపు చర్యలను చేపట్టినట్లు పేర్కొంది. వీటితో పాటు తమ ప్లాట్‌ఫామ్‌లోని ఆటోమేటెడ్‌ డిటెక్షన్‌ పద్ధతి ద్వారా 11.6 లక్షల సమాచార భాగాలను తొలగించినట్లు తెలిపింది. తొలగింపునకు గురైన సమాచారంలో కాపీరైట్‌ (70,365), ట్రేడ్‌ మార్క్‌ (753), కౌంటర్‌ఫీట్‌ (5), లీగల్‌ (4) వ్యవహారాలు ఉన్నాయని గూగుల్‌ చెప్పింది. 

న్యూఢిల్లీ: ఖద్దరు మీద పూర్తి పేటెంట్‌ హక్కులు మన దేశానివే. అందుకే ‘ఖాదీ’ అనే బ్రాండ్‌ను పరిరక్షించే పనిని బాధ్యతగా తీసుకుంది ఖాదీ అండ్‌ విలేజ్‌ ఇండస్ట్రీస్ కమిషన్‌(కేవీఐసీ). ఇతర దేశాల్లో ఖాదీ ఉత్పత్తుల అమ్మకానికి రిజిస్ట్రేషన్ తప్పనిసరి చేసింది. ఈ నేపథ్యంలో కొత్తగా మూడు దేశాలు ఖాదీ ట్రేడ్‌మార్క్‌ రిజిస్ట్రేషన్‌ పరిధిలోకి వచ్చాయి.  ఈ మేరకు శనివారం ఒక ప్రకటనలో కేవీఐసీ పూర్తి వివరాలను తెలిపింది. భూటాన్‌, యూఏఈ తోపాటు మెక్సికో దేశాలు ట్రేడ్‌ మార్క్‌ రిజిస్ట్రేషన్‌ చేయించుకున్నట్లు పేర్కొంది. అంతేకాదు మరో నలభై దేశాల అప్లికేషన్లు పెండింగ్‌లో ఉన్నాయని పేర్కొంది. అమెరికాతో పాటు ఖతర్‌, శ్రీలంక, ఇటలీ, జపాన్‌, న్యూజిల్యాండ్‌, సింగపూర్‌, బ్రెజిల్‌ సహా మరికొన్ని దేశాలు ట్రేడ్‌మార్క్‌ కోసం ఎదురు చూస్తున్నాయని కేవీఐసీ చైర్మన్‌ వినయ్‌ కుమార్‌ సక్సేనా వెల్లడించారు.  ఖాదీ గుర్తింపు, గ్లోబల్‌ పాపులారిటీని కాపాడే ప్రయత్నంలో భాగంగానే ట్రేడ్‌మార్క్‌ రిజిస్ట్రేషన్లను తప్పనిసరి చేసింది కేవీఐసీ. ఇందులో భాగంగానే ఈ జూన్‌ 28న యూఏఈకి, జులై 9న భూటాన్‌లకు ట్రేడ్‌మార్క్‌ రిజిస్ట్రేషన్ పూర్తి చేసింది. ఈ రెండుదేశాల కంటే ముందు పోయిన డిసెంబర్‌లోనే మెక్సికో ఖాదీ ట్రేడ్‌మార్క్‌ రిజిస్ట్రేషన్‌తో అనుమతి ఇచ్చినట్లు తెలుస్తోంది. ఈ ట్రేడ్‌మార్క్‌ రిజిస్ట్రేషన్ లేకపోతే.. ఖాదీ ఉత్పత్తుల అమ్మకాలకు అనుమతి లేనట్లే.  ఇంతకు ముందు జర్మనీ, యూకే, చైనా, రష్యా, ఆస్ట్రేలియా, ఈయూ దేశాలకు అనుమతి దొరికాయి. తాజాగా మూడు దేశాల అనుమతులతో ఆ సంఖ్య తొమ్మిదికి చేరుకుంది.  దీంతో ఆయా దేశాలు ఖాదీ ఫ్యాబ్రిక్‌, ఖాదీ రెడిమేడ్‌ గార్మెంట్స్‌, ఖాదీ సోప్‌లు, ఖాదీ కాస్మటిక్స్‌, అగరవత్తులు ఖాదీ ఉత్పత్తుల అమ్మకానికి గ్రీన్‌ సిగ్నల్‌ దొరికినట్లయ్యింది.


 ♦ ఈ నెల 24న వేలం వేయనున్న ఐడీబీఐ బ్యాంకు
 ♦ లిస్టులో ఆంధ్రభూమి, ఏషియన్ ఏజ్, ఫైనాన్షియల్ క్రానికల్
 ♦ ట్రేడ్‌మార్క్‌లు కూడా
  హైదరాబాద్, బిజినెస్ బ్యూరో: రుణ సంక్షోభంలో కూరుకుపోయిన డెక్కన్ క్రానికల్ హోల్డింగ్స్ (డీసీహెచ్‌ఎల్) ట్రేడ్‌మార్కులను వేలం వేసేందుకు ఐడీబీఐ బ్యాంకు సిద్ధమైంది. దాదాపు రూ. 444 కోట్ల బకాయిలను రాబట్టుకునేందుకు ఈ నెల 24న డెక్కన్ క్రానికల్, ఆంధ్రభూమి, ఏషియన్ ఏజ్, ఫైనాన్షియల్ క్రానికల్ ట్రేడ్‌మార్క్‌లను ఆన్‌లైన్‌లో వేలం వేయనున్నట్లు ప్రకటించింది. బిడ్ల దాఖలుకు ఈ నెల 23 ఆఖరుతేదీగా పేర్కొంది. డెక్కన్ క్రానికల్‌కు రూ. 120 కోట్లు, ఆంధ్రభూమికి రూ. 3.5 కోట్లు, ది ఏషియన్ ఏజ్‌కు రూ. 18 కోట్లు, ఫైనాన్షియల్ క్రానికల్‌కు రూ. 3 కోట్లు రిజర్వ్ ధరగా ఐడీబీఐ బ్యాంకు నిర్ణయించింది.
 ఐడీబీఐ బ్యాంకుతో పాటు ఆంధ్రాబ్యాంకు, ఎస్‌బీహెచ్ తదితర 18 బ్యాంకులు, ఆర్థిక సంస్థలకు డీసీహెచ్‌ఎల్ దాదాపు రూ. 4,000 కోట్ల పైచిలుకు బకాయి పడింది. దీంతో కంపెనీని ఉద్దేశపూర్వక ఎగవేతదారుగా పలు బ్యాంకులు ఇప్పటికే ప్రకటించాయి. ఒకే పూచీకత్తుపై పలు సంస్థల నుంచి రుణాలు తీసుకోవడంతో న్యాయవివాదాలు కూడా నెలకొన్నాయి. ఐడీబీఐ బ్యాంకు పలుమార్లు ట్రేడ్‌మార్క్‌లను వేలం వేసేందుకు ప్రయత్నించినప్పటికీ.. ఇతరత్రా రుణదాతల నుంచి అడ్డంకులు ఎదురవడంతో వీలు కాలేదు. తాజాగా రుణదాతలంతా ఒక అంగీకారానికి రావడంతో వేలానికి మార్గం సుగమమైనట్లు సంబంధిత వర్గాలు పేర్కొన్నాయి.


 బీజింగ్ : యాపిల్  సంస్థ కు ప్రపంచంలో  రెండవ అతిపెద్దమార్కెట్ గా పేరొందిన చైనాలో భారీ  షాక్ తగిలింది.  ఐఫోన్‌ అనే బ్రాండ్‌ పేరుతో చైనాలో అమ్ముడవుతున్న లెదర్‌ వస్తువులు, బ్యాగులను వ్యతిరేకిస్తూ యాపిల్‌ సంస్థ పెట్టిన కేసును చైనా కోర్టు కొట్టిపారేసింది. బీజింగ్ హై పీపుల్స్ కోర్టు జిన్ తియాండీకి అనుకూలంగా తీర్పుచెప్పిందని అధికారిక లీగల్ డైలీ వార్తాపత్రిక తెలిపింది.  దీంతో 'ఐఫోన్' ట్రేడ్ మార్కు కోసం  చైనాలో యాపిల్ చేస్తున్న పోరాటానికి పెద్ద ఎదురు దెబ్బ తగిలింది.
 జిన్ టాంగ్ తియాండీ లెదర్ తయారీ కంపెనీ వాలెట్లు, హ్యాండ్ బ్యాగులకు తన ఎక్స్ క్లూజివ్ బ్రాండ్ పేరు 'ఐఫోన్'ను వాడుకుంటుందని యాపిల్ ఆరోపించింది.  అయితే న్యాయ పరంగా ఎలాంటి ఆధారాలు లేవని జిన్ టాంగ్ తియాండీ కంపెనీ ఐఫోన్ బ్రాండ్ పేరుతో వస్తువులను అమ్ముకోవచ్చని, దానిలో తప్పేమీ లేదని  కోర్టు తేల్చి చెప్పింది. 
 
 బీజింగ్ పెద్దల కోర్టు ఇచ్చిన తీర్పుపై యాపిల్ అసంతృప్తి వ్యక్తంచేసింది. తమ ట్రేడ్ మార్కు హక్కులపై సుప్రీం పీపుల్స్ కోర్టులో పునఃవిచారించమని కోరతామని కంపెనీ తెలిపింది. జిన్ టాంగ్ కంపెనీ తన ట్రేడ్ మార్కును వ్యాపార స్వలాభం కోసం వాడుకుంటుందని యాపిల్ 2012లో చైనీస్ ట్రేడ్ మార్క్ అథారిటీ ఆశ్రయించింది. అనంతరం కింద కోర్టులో ఈ కేసును పైల్ చేసింది. కానీ ఆ కోర్టులో యాపిల్ కు చుక్కెదురవ్వడంతో,పెద్దల కోర్టును ఆశ్రయించింది. అయితే 2007కు ముందు నుంచే చైనాలో యాపిల్ 'ఐఫోన్' బ్రాండ్ కు మంచి పేరు కలిగి ఉందని నిరూపించకపోవడంతో, పెద్దల కోర్టూ ఈ  కేసును కొట్టివేసింది.
 
 జిన్ టాంగ్ తియాండీ కంపెనీ ఐఫోన్ ట్రేడ్ మార్కుతో 2010 నుంచి లెదర్ ఉత్పత్తులను చైనా మార్కెట్లో తీసుకొచ్చింది. యాపిల్ తన ఎలక్ట్రానిక్ గూడ్స్ కు 2002లోనే ఈ పేరును ప్రతిపాదించింది. కానీ ఆ ట్రేడ్ మార్కుకు 2013 వరకూ ఎలాంటి ఆమోదం లభించలేదు. 2007లో తొలి ఐఫోన్ విడుదలైంది.  ప్రపంచవ్యాప్తంగా మార్కెట్లోకి వచ్చిన ఈ ఫోన్లు, 2009 నుంచి చైనా మార్కెట్లోకి ప్రవేశించాయి. కాగా గత వారం బిలియనీర్ ఇన్వెస్టర్ కార్ల్ ఇకాహ్న్ చైనా లో  ఆపిల్ తన వాటాలను విక్రయించాడు.