సాక్షి, అమరావతి, సాలూరు: గిరిజనులకు ప్రత్యేక డీఎస్సీ ప్రకటించి నూరు శాతం రిజర్వేషన్‌ అమలు చేయాలని, జీవో 3 పునరుద్ధరణపై టీడీపీ కూటమి సర్కారు ఎన్నికల హామీని నిలబెట్టుకోవాలని గిరిజన సంఘాలు డిమాండ్‌ చేశాయి. మెగా డీఎస్సీలో పేర్కొన్న గిరిజన ప్రాంత పోస్టులను మినహా­యి­ంచి ప్రత్యేకంగా ఉత్తర్వులు జారీ చేయాలని పేర్కొన్నాయి. ఈమేరకు స్పెషల్‌ డీఎస్సీ సాధన కమిటీ ఆధ్వర్యంలో ఆదివాసీ ప్రాంత ప్రజాసంఘాలు, రాజకీయ పార్టీలు ఈ నెల 2, 3వ తేదీల్లో మన్యం బంద్‌ చేపట్టిన విషయం తెలిసిందే.సోమవారం పార్వతీపురం మన్యం జిల్లా సాలూరులో గిరిజన సంక్షేమశాఖ మంత్రి సంధ్యారాణిని కలిసిన గిరిజన సంఘాల నాయకులు పలు డిమాండ్లతో విన­తిపత్రాన్ని అందజేశారు. అనంతరం గిరిజన స­ంఘం నాయకులు అప్పలనరసయ్య, మాణిక్యం, శాంతికుమారి మీడియాతో మాట్లాడారు. ఈ నెల 8వ తేదీన జరిగే కేబినెట్‌ సమావేశంలో డీఎస్సీ అంశాన్ని ముఖ్యమంత్రి దృష్టికి తెస్తానని మంత్రి హామీ ఇచ్చారన్నారు. గిరిజనులకు వంద శాతం ఉద్యోగాల రి­జర్వేషన్‌పై ప్రత్యామ్నాయ జీవోను మెగా డీఎస్సీ రిక్రూట్‌మెంట్‌కు ముందే ఇవ్వాలని కోరి­నట్లు చెప్పా­రు. 16 వేల టీచర్‌ పోస్టుల్లో రూల్‌ ఆఫ్‌ రిజర్వేషన్‌ ప్రకారం గిరిజన అభ్యర్థులకు 900 నుంచి 1,000 ఉద్యోగాలే వస్తాయని, మంత్రి మాత్రం 2,024 పోస్టులు వస్తాయని పేర్కొనటంపై స్పష్టత ఇవ్వాలని కోరామన్నారు. కేబినెట్‌ సమావేశంలో గిరిజన యువతకు న్యాయం జరగకుంటే ఈ నెల 9వ తేదీన గిరిజన సంఘాల నాయకులు, యువతతో కలసి భవిష్యత్‌ పోరాట ప్రణాళికను ప్రకటిస్తామన్నారు. ఏడాదిగా హామీని నెరవేర్చకుండా..గిరిజన ప్రాంతాల్లో వంద శాతం ఉద్యోగాలు గిరి­జ­నులకే! జీవో నెంబర్‌ 3 చెబుతోంది ఇదే! న్యాయపరమైన చిక్కుల వల్ల సుప్రీంకోర్టు కొట్టివేసిన ఈ జీవో­ను పునరుద్ధరించి గిరిజన ప్రాంతాల్లో టీచర్‌ ఉద్యోగాలు వారికే దక్కేలా చర్యలు తీసుకుంటామని ఇచ్చిన హామీని టీడీపీ కూటమి సర్కారు గాలికి వది­లేసింది. దశాబ్దాలపాటు అధికారంలో ఉన్నప్పటికీ న్యాయపరమైన చిక్కులను తొలగించడంలో ఉదాసీ­న­­ంగా వ్యవహరించిన సీఎం చంద్రబాబు జీవో నెంబర్‌ 3ను పునరుద్ధరిస్తామంటూ 2024 ఎన్నికలకు ముందు అరకు బహిరంగ సభలో హామీలివ్వగా సాలూ­రు, పార్వతీపురం, పాలకొండ సభల్లో నారా లోకేశ్‌ మోసపూరిత హామీలిచ్చి గిరి­జనులను మభ్యపెట్టారు.మేనిఫె­స్టోలోనూ దీన్ని పొందుపరిచారు. ఎన్నికల హామీని నిలబెట్టుకుంటామని ఆదివాసీ దినో­­త్సవం సందర్భంగా గిరిజన సంక్షేమ శాఖ మంత్రి గుమ్మిడి సంధ్యారాణి పునరుద్ఘాటించారు. టీడీపీ ఎమ్మె­­ల్సీగా ఉన్నప్పుడు కూడా తమ ప్రభుత్వం రాగానే జీవో నెంబర్‌ 3 పునరుద్ధరిస్తామని హామీ ఇచ్చారు. అయితే టీడీపీ కూటమి ప్రభుత్వం ఏర్పాటై దాదాపు ఏడాది కావస్తున్నా ఎన్నికల హామీ మేరకు జీవో 3ని పునరుద్ధరించకపోవడంపై గిరిజన యువత మండిపడుతోంది.జీవో 3 పునరుద్ధరించాకే డీఎస్సీ ఇవ్వాలని డిమాండ్‌ చేస్తూ ఉద్యమబాట పట్టింది. వైఎస్సార్‌సీపీ ఎంపీ తనూజరాణి, అరకు, పాడేరు ఎమ్మెల్యేలు రేగం మత్స్య­­లింగం, ఎం.విశ్వేశ్వరరాజు, మాజీ ఎమ్మెల్యేలు కె.­భాగ్య­లక్ష్మి, చెట్టిఫల్గుణ, ఎమ్మెల్సీ కుంభా రవి­బాబు, ఉమ్మ­డి విశాఖ జెడ్పీ మాజీ చైర్మన్‌ జల్లిపల్లి సుభద్ర తదితరులు గిరిజనులకు బాసటగా నిలిచారు.అవగాహన లేక అబద్ధాలు..జీవో 3 పునరుద్ధరణపై కూటమి ప్రభుత్వానికి నిజంగా చిత్తశుద్ధి ఉంటే షెడ్యూల్డ్‌ ప్రాంతాల్లో గిరిజనులకు నూరు శాతం టీచర్‌ పోస్టులు దక్కేలా మాజీ ముఖ్యమంత్రి వైఎస్‌ జగన్‌మోహన్‌రెడ్డి చేసిన కృషిని కొనసాగించాలి. సుప్రీం కోర్టు జీవోను రద్దు చేసినప్పుడు వైఎస్‌ జగన్‌ తక్షణం స్పందించి గిరిజన సంక్షేమ శాఖ కార్యదర్శి, మంత్రి, ఎమ్మెల్యేలతో సమావేశం నిర్వహించారు. దురదృష్టవశాత్తూ అప్పీల్‌ను సైతం సుప్రీంకోర్టు కొట్టివేసినప్పటికీ గిరిజన యువతకు న్యాయం చేయడంపై అడ్వకేట్‌ జనరల్, లీగల్‌ టీమ్, గిరిజన ఎమ్మెల్యేలతో చర్చించారు. 5, 6 షెడ్యూల్డ్‌లో వ్యత్యాసాలు ఉన్నాయి కాబట్టి గిరిజనులు నష్టపోతున్నారు.దీంతో గిరిజనులకు మేలు జరిగేలా 5వ షెడ్యూల్‌ క్లాజ్‌ నెంబర్‌ 2లో సవరణ ప్రతిపాదనపై నోట్‌ రూపొందించి కేంద్రానికి పంపించారు. గిరిజన సలహా కమిటీ సమావేశాల్లో ఆమోదించిన తీర్మానాలను కేంద్రానికి అందచేశాం. గిరిజనులపై ప్రేమతో వైఎస్‌ జగన్‌ ఇంత చేస్తే కనీస అవగాహనలేని మంత్రి గుమ్మిడి సంధ్యారాణి వైఎస్సార్‌సీపీ ప్రభుత్వం లాయర్‌ను కూడా పెట్టలేదని అబద్ధాలు చెబుతున్నారు. వైఎస్సార్‌సీపీ ప్రభుత్వం ఏం చేసిందో మినిట్స్‌తో సహా వివరించేందుకు మేం సిద్ధంగా ఉన్నాం. చేతనైతే బహిరంగ చర్చకు రావాలి. – కుంభా రవిబాబు, ఎస్టీ కమిషన్‌ మాజీ చైర్మన్, ఎమ్మెల్సీజీవో పునరుద్ధరించి డీఎస్సీ ప్రకటించాలిజీవో నెంబర్‌ 3ను పునరుద్ధరించి షెడ్యూల్డ్‌ ఏరియాలో నూరు శాతం టీచర్‌ పోస్టులు గిరిజనులకే ఇస్తామని ఎన్నికల్లో హామీలిచి్చన కూటమి నేతలు అధికారంలోకి వచ్చాక మోసం చేయడం దారుణం. గిరిజనులకు ఆరు శాతమే రిజర్వేషన్లు ఇస్తున్నారని, తాము అధికారంలోకి వస్తే వంద శాతం వారికే ఇస్తామని కూటమి నేతలు నమ్మబలికారు. ఎన్నికల హామీని నిలబెట్టుకున్నాకే డీఎస్సీ నిర్వహించాలి. గిరిజనులకు న్యాయం చేసేలా ప్రత్యేక డీఎస్సీ ప్రకటించాలి. – పీడిక రాజన్నదొర, మాజీ ఉపముఖ్యమంత్రిసంధ్యారాణి అబద్ధాలు కట్టిపెట్టాలిజీవో 3 పునరుద్ధరణ హామీని నెరవేర్చకుండా వైఎస్సార్‌ సీపీపై నిందలు మోపి డైవర్షన్‌ పాలిటిక్స్‌ నడపడం సిగ్గుచేటు. గిరిజనుల మేలు కోసం వైఎస్సార్‌సీపీ చేసిన కృషిని తెలుసుకోకుండా మంత్రి గుమ్మిడి సంధ్యారాణి అబద్ధాలు చెబుతున్నారు. గత ప్రభుత్వం లాయర్‌ను నియమించలేదంటూ అబద్ధాలు చెప్పడం సిగ్గుచేటు. 15 ఏళ్లకు పైగా కేసు నడిచినా అధికారంలో ఉన్నప్పుడు టీడీపీ సుప్రీం కోర్టులో కనీసం లాయర్‌ను కూడా నియమించలేదు. ఇప్పటికైనా గిరిజనులకు న్యాయం చేయాలి.– పాముల పుష్పశ్రీవాణి, మాజీ ఉపముఖ్యమంత్రి

అల్లూరి జిల్లా: ఆదివాసీ స్పెషల్ డీఎస్సీ కోరుతూ డీఎస్సీ సాధన సమితి.. మన్యం బంద్‌కు పిలుపునిచ్చింది. బంద్‌కు వైఎస్సార్‌సీపీ సంపూర్ణ మద్దతు తెలిపింది. ప్రజలు స్వచ్ఛందంగా బంద్ పాటిస్తున్నారు. పర్యాటక ప్రాంతాలు మూతపడ్డాయి. బస్సులు డిపోలకే పరిమితమయ్యాయి. వ్యాపార వాణిజ్య సముదాయాలను మూసివేశారు.ఈ బంద్‌లో పాడేరు ఎమ్మెల్యే విశ్వేశ్వరరాజు, కుంభ రవిబాబు, రేగ మత్స్య లింగం, కమిటీ సభ్యులు పాల్గొన్నారు. ఏజెన్సీలో 100 శాతం ఉద్యోగాలు గిరిజనులకే ఇవ్వాలని డిమాండ్‌ చేశారు. ఇచ్చిన మాట ప్రకారం జీవో నెంబర్ 3 ను సీఎం చంద్రబాబు పునరుద్ధరించాలి. లేదా జీవో నెంబర్ 3 కు ప్రత్యామ్నాయం మార్గం చూపించాలి. ఏజెన్సీ ప్రాంతంలో 776 ఉపాధ్యాయుల పోస్టులకు 42 పోస్టులు మాత్రమే దక్కుతున్నాయి.’’ అని వైఎస్సార్‌సీపీ నేతలు పేర్కొన్నారు.

సాక్షి, హైదరాబాద్‌ : కాంగ్రెస్‌ పార్టీ అసెంబ్లీ ఎన్నికల్లో ప్రకటించిన ‘మైనారిటీ డిక్లరేషన్‌’ఎప్పుడు అమలు చేస్తారని మైనారిటీ వర్గాలు ఎదురుచూస్తున్నాయి. కాంగ్రెస్‌ పార్టీ అధికారంలో వస్తే మైనారిటీల సంక్షేమం, అభివద్ధికి ప్రత్యేక మైనారిటీ సబ్‌ప్లాన్‌ అమలు చేస్తుందని ప్రకటించింది. అప్పట్లో టీపీసీసీ అధ్యక్షుడి హోదాలో రేవంత్‌రెడ్డి, కేంద్ర మాజీమంత్రి సల్మాన్‌ ఖుర్షీద్, సీడబ్యుసీ సభ్యులు నాసీర్, షకీల్‌ అహ్మద్, కర్ణాటక మంత్రి జమీరుద్దీన్‌ అహ్మద్, మాజీ మంత్రి షబ్బీర్‌అలీతో కలిసి హైదరాబాద్‌లో మైనారిటీ డిక్లరేషన్‌ విడుదల చేశారు. ఈ సందర్భంగా మైనారిటీలపై హమీల వర్షం గుప్పించారు. అధికారంలోకి వచ్చి సరిగ్గా 11 నెలలు దాటినా.. ఏ ఒక్కటి కూడా ఊసెత్తక పోవడంతో మైనారిటీ వర్గాల్లో తీవ్ర వ్యతిరేకత వ్యక్తమవుతోంది. ⇒ మైనారిటీ సంక్షేమ బడ్జెట్‌ రూ.4,000 కోట్లకు పెంచుతామని ప్రకటించినా.. మొదటి ఏడాది 2024–25లో కేవలం రూ. 3,003 కోట్లకు పరిమితమైంది. ⇒ నిరుద్యోగ మైనారిటీ యువత, మహిళలకు సబ్సిడీ రుణాలు అందించడానికి సంవత్సరానికి ప్రత్యేకంగా రూ.1,000 కోట్లు కేటాయిస్తామని డిక్లరేషన్‌లో వెల్లడించినా మొత్తం బడ్జెట్‌లోనే వాటా కేవలం రూ.432 కోట్లకు పరిమితమైంది. ⇒ అబ్దుల్‌ కలాం తౌఫా–ఎ–తలీమ్‌ పథకం కింద ముస్లిం, క్రిస్టియన్, సిక్కు, ఇతర మైనారిటీ యువతకు అందించాల్సిన ఆర్థికసాయం కాగితాలకు పరిమితమైందన్న విమర్శలు వ్యక్తమవుతున్నాయి. స్పెషల్‌ ఉర్దూ డీఎస్సీ ప్రకటించండి కాంగ్రెస్‌ మైనారిటీ డిక్లరేషన్‌ హమీ మేరకు ఉర్దూ మీడియం ఉపాధ్యాయ పోస్టుల భర్తీకి స్పెషల్‌ డీఎస్సీ ప్రకటించాలన్న డిమాండ్‌ వ్యక్తమవుతోంది. ఇటీవల నిర్వహించిన డీఎస్సీ–2024లో ఉర్దూ మీడియానికి మొత్తం 1,183 పోస్టులు కేటాయించినా, ఎస్సీ, ఎస్టీ ఇతరత్రా రిజర్వేషన్‌ కేటగిరి కారణంగా అర్హులైన అభ్యర్ధుల లేక సుమారు 666 పోస్టులు భర్తీకి నోచుకోలేదని విద్యాశాఖ గణాంకాలు స్పష్టం చేస్తున్నాయి.ఎప్పటి మాదిరిగానే ఈసారి డీఎస్సీలో కూడా ఉర్దూ మీడియం రిక్రూట్‌మెంట్‌లో సగానికి పైగా పోస్టులు బ్యాక్‌లాగ్‌లో పడిపోయాయి. ప్రభుత్వం డీఎస్సీలు నిర్వహిస్తున్నా, ఉర్దూ మీడియం పాఠశాలల్లో ఖాళీల భర్తీ మాత్రం పూర్తిస్థాయిలో జరగడం లేదన్న విమర్శలు వ్యక్తవుతున్నాయి. దీంతో ఉర్దూ మీడియం బ్యాక్‌లాగ్‌ పోస్టులన్నింటిని డీ–రిజర్వేషన్‌ ద్వారా ఓపెన్‌ కేటగిరీ కింద చేర్చి, ఖాళీలతో కలిపి స్పెషల్‌ డీఎస్సీ తక్షణమే ప్రకటించాలంటున్నారు. మరోవైపు డీఎస్సీ–2024 మెరిట్‌ అభ్యర్ధులు మాత్రం రెండవ జాబితా ప్రకటించి బ్యాక్‌లాగ్‌ పోస్టులను భర్తీ చేయాలని విజ్ఞప్తి చేస్తున్నారు. నేడు రవీంద్రభారతిలో అవార్డుల అందజేత భారతరత్న, తొలి కేంద్ర విద్యాశాఖ మంత్రి మౌలానా అబు ల్‌ కలాం ఆజాద్‌ జయంతిని పురస్కరించుకొని ఉర్దూ అకాడమీ, టెమ్రీస్‌ ఆధ్వర్యంలో సోమవారం రవీంద్రభారతిలో జరగనున్న మైనారిటీ సంక్షేమ దినోత్సవానికి సీఎం రేవంత్‌రెడ్డి ముఖ్యఅతిథిగా హాజరు కానున్నారు. ఈ సందర్భంగా మౌలానా అబుల్‌ కలామ్‌ ఆజాద్‌ నేషనల్‌ అవార్డు 2019– 2023, మగ్దూమ్‌ అవార్డు–2024, లైఫ్‌టైమ్‌ అచీవ్‌మెంట్‌ అవార్డు 2021–23 లను అందజేయనున్నారు. ఈ కార్యక్రమంలో కేంద్ర మంత్రి కిషన్‌రెడ్డి, రాష్ట్ర మంత్రి పొన్నం ప్రభాకర్, హైదరాబాద్‌ ఎంపీ అసదుద్దీన్‌ పాల్గొంటారు. పెండింగ్‌లో గౌరవ వేతనాలు డిక్లరేషన్‌లో ప్రకటించిన విధంగా మసీదుల ఇమామ్, మౌజమ్‌లు, దర్గాల ఖాదీమ్‌లు, చర్చిల పాస్టర్ల గౌరవ వేతనాల పెంపు సంగతేమోగానీ ...వేతనాల పెండెన్సీ పెరిగిపోతుందని వారు ఆరోపిస్తున్నారు. తక్షణమే నిధులు విడుదల చేయాలని ఇమామ్, మౌజమ్‌లు డిమాండ్‌ చేస్తున్నారు. వక్ఫ్‌బోర్డు పరిరక్షణ, ఆక్రమణకు గురైన ఆస్తుల స్వా«దీనం, ఆస్తుల రికార్డుల డిజిటలైజేషన్, ముస్లిం, క్రిస్టియన్‌ శ్మశాన వాటికల కోసం భూమి కేటాయిస్తామన్న హాదమీ కనీసం ప్రణాళికలను కూడా నోచుకోలేదు.

అనంతపురం విద్య: ఐఈడీఎస్‌ఎస్ ‌(ఇన్‌క్లూజివ్‌ ఎడ్యుకేషన్‌ ఆఫ్‌ ది డిసేబుల్డ్‌ ఆఫ్‌ సెకండరీ స్టేజ్‌)– ప్రత్యేక డీఎస్సీ–2019ని తొలిసారిగా విడుదల చేశారు. రాత పరీక్ష నిర్వహించి 2019 నవంబర్‌లో ఫలితాలు విడుదల చేశారు. 100 మార్కుల రాత పరీక్షలో ఓపెన్‌ కేటగిరీ వారికి 60 మార్కులు,  బీసీ కేటగిరీ అభ్యర్థులకు 50 మార్కులు, ఎస్సీ, ఎస్టీ కేటగిరీ అభ్యర్థులకు 40 మార్కులు కట్‌ ఆఫ్‌గా నిర్ణయించారు. మొత్తం 55 పోస్టులకు 2019 ఫిబ్రవరిలో నోటిఫికేషన్‌ ఇచ్చారు. 2019 జూన్‌ 30న రాత పరీక్ష నిర్వహించి 45 పోస్టులను భర్తీ చేశారు.  అర్హత మార్కులు రాకపోయినా ఉద్యోగాలు  ఓసీ కేటగిరీకి మొత్తం 26 పోస్టులు ఉన్నాయి. అర్హతగా నిర్ణయించిన 60 మార్కులు వచ్చిన వారు కేవలం 6గురే ఉన్నారు. తక్కిన 20 పోస్టులు ఓపెన్‌ కేటగిరి పోస్టుల్లో అర్హులు లేకపోతే వచ్చే డీఎస్సీలో భర్తీ చేయాలి. కానీ అధికారులు మాత్రం అర్హత మార్కులు తక్కువగా వచ్చినప్పటికీ మొత్తం 26 పోస్టులను భర్తీ చేశారు. ఇతర కేటగిరీ వారికి ఓపెన్‌ కేటగిరీ వారీగా పరిగణించి నియామకాలు చేసేశారు.  అంతా ఇష్టానుసారం  ♦నవంబర్, 2019లో తొలుత ప్రకటించిన ఫలితాల్లో ‘టెట్‌’లో వచ్చిన మార్కులకు వెయిటేజీ ఇస్తామని పేర్కొన్నారు. వెయిటేజీతో కలిపి డీఎస్సీ ఫలితాలు ప్రకటించారు.   ♦తాజాగా ‘టెట్‌’ మార్కులు తొలగించి డీఎస్సీ మార్కులను ప్రామాణికంగా తీసుకున్నారు.   ♦సమగ్రశిక్ష సహిత విభాగం కింద పనిచేస్తున్న ప్రత్యేక ఉపాధ్యాయులకు స్పెషల్‌ డీఎస్సీలో 5 మార్కులు వెయిటేజీ ప్రకటించారు. అయితే డీఎస్సీలో అర్హత మార్కులు వచ్చినప్పుడే వెయిటేజీ మార్కులు కలపాలి.  ♦డీఎస్సీలో అర్హత మార్కులు రాకున్నప్పటికీ వెయిటేజీ మార్కులు కలిపి 5గురు అభ్యర్థులకు పోస్టింగ్‌ కల్పించారు. దీంతో రిజర్వేషన్‌ వర్గాలకు చెందిన అభ్యర్థులు తీవ్రంగా నష్టపోయారు. బీసీ, ఎస్సీ, ఎస్టీ కేటగిరి అభ్యర్థులు ఐదుగురికి ఉద్యోగాలు దక్కని పరిస్థితి నెలకొంది.   ♦ఏ కేటగిరీలో మిగిలిపోయిన పోస్టులను ఆ కేటగిరీ వారితోనే భర్తీ చేయాలి. సదరు కేటగిరీలో అర్హులు లేకపోతే.. వచ్చే డీఎస్సీలో అదే కేటగిరీలో బ్యాక్‌లాగ్‌ పోస్టుల కింద భర్తీ చేయాలి.  ♦ నిర్దేశించిన అర్హత మార్కులను నోటిఫికేషన్‌లో పేర్కొనకుండా రాత పరీక్ష నిర్వహించి ఉంటే డీఎస్సీలో ఒక మార్కు వచ్చినా.. 5 మార్కుల వెయిటేజీ కల్పించవచ్చు. కానీ డీఎస్సీ నోటిఫికేషన్‌లో కేటగిరి వారీగా అర్హత మార్కులు పేర్కొన్నారు.   ♦అయినా నియామకాల్లో ఇష్టానురీతిగా నిబంధనలు విస్మరించి వెయిటేజీ కల్పించి అక్రమంగా ఉద్యోగాలు కట్టబెట్టారనే  ఆరోపణలు వ్యక్తం అవుతున్నాయి.  నోటిఫికేషన్‌లో నిబంధనలకు నీళ్లొదిలారు. రూల్‌ ఆఫ్‌ రిజర్వేషన్‌కు పాతర వేశారు. రోస్టర్‌ పాయింట్లు పక్కన పెట్టేశారు. ఒక కేటగిరి వారిని మరో కేటగిరీలో కలిపారు. మెరిట్‌ టు మెరిట్‌ను పూర్తిగా విస్మరించి అనర్హులకు ఉద్యోగాలు కట్టబెట్టారు. వెరసి స్పెషల్‌ డీఎస్సీ నియామకాలన్నీ గందరగోళంగా సాగాయి. ఉన్నతాధికారుల అడ్డగోలు నిర్ణయాలతో 25 మంది ఉద్యోగాలకు దూరమయ్యారు.  అధికారుల దృష్టికి తీసుకెళ్తా  రోస్టర్‌ పాయింట్ల నిర్ధారణ, అభ్యర్థుల ఎంపిక మా పరిధిలో లేని అంశం. తప్పిదాలు జరిగి ఉంటే ఉన్నతాధికారుల దృష్టికి తీసుకెళ్తా. అర్హులకు తప్పకుండా న్యాయం జరిగేలా చూస్తాం.  – కె.శామ్యూల్, డీఈఓ, అనంతపురం  


 రంపచోడవరం :
 రెండు రోజులపాటు జరిగే ఏజెన్సీ స్పెషల్‌ డీఎస్సీ–2016 శుక్రవారం ప్రశాంతంగా ముగిసింది. స్థానిక లెనోరా కళాశాలలో ఏర్పాటు చేసిన పరీక్ష కేంద్రాన్ని ఐటీడీఏ పీవో కేవీఎన్‌ చక్రధరబాబు సందర్శించారు. పరీక్షలకు 1136 మందికిగానూ 1104 మంది హాజరైనట్టు డీడీ సరస్వతి తెలిపారు.
  


 మారేడుమిల్లి : 
 స్పెషల్‌ డీఎస్సీ 2016లో ఏపీ టెట్‌ ఉత్తీర్ణులైన అభ్యర్థులకు జనరల్‌ డీఎస్సీ మాదిరిగా వెయిటేజ్‌ మార్కలు కలపాలని కోరుతూ హైకోర్టులో వేసిన పిటిషనుకు హైకోర్టు స్టే ఇచ్చినట్టు ఆదివాసీ నిరుద్యోగుల సంఘం జిల్లా అధ్యక్షుడు లె ల్లం శేఖర్‌ తెలిపారు. స్థానిక చెలకవీధిలో శనివారం జరిగిన సంఘం సమావేశంలో శేఖర్‌ మాట్లాడుతూ ఏజెన్సీ ప్రాంతంలో గత నెల 28వ తేదీన రంపచోడవరం, 29వ తేదీన చింతూరు గ్రామంలో జరగాల్సిన డీఎస్సీ 2016 ఉపాధ్యాయుల నియామకాల పరీక్షలకు జీఓ నెం 2922/2016 ప్రకారం స్పెషల్‌ డీఏస్సీలో టేట్‌ ఉత్తీర్ణులైన అభ్యర్ధులకు వెయిటేజ్‌ మార్కులు ఇవ్వాలనే అంశంపై గిరిజనులు సింహచలం, దుర్బాంబ, మాధవి, విజయ భాస్కర్‌ రెడ్డి, అన్నం నారాయణ తదితరులు హైకోర్టును ఆశ్రయించడంతో స్టే ఇచ్చి తాత్కాలికంగా వాయిదా వేశారని తెలిపారు. టేట్‌ ఆదివాసీ అభ్యర్థులు ఆదివారం రంపచోడవరంలోని స్వర్ణ భారతి గ్రౌండ్‌లో జరిగే సమావేశంలో తమ పేర్లు న మోదు చేసుకోవాలని సూచించారు. సంఘం నాయకులు అందాల రత్నారెడ్డి, కత్తుల ఆదిరెడ్డి, పల్లాల రాజశేఖర్‌ రెడ్డి, రంభ తదితరులు 
 పాల్గొన్నారు.