ఇజ్రాయెల్-పాలస్తీనా యుద్ధం క్రమంలో ప్రముఖ పోర్న్ స్టార్ మియా ఖలీఫా వివాదంలో చిక్కుకున్నారు. పాలస్తీనాకు మద్దతుగా పోస్టు చేసిన నేపథ్యంలో  కెనడాకు చెందిన ఓ కంపెనీ ఆమెతో బిజినెస్ డీల్‌ను రద్దు చేసుకుంది. అంతేకాకుండా మియా పోస్టుపై పలువురు నెటిజన్లు అసహనం వ్యక్తం చేస్తున్నారు. ఇజ్రాయెల్‌పై హమాస్ ఉగ్రవాదులు దారుణమైన దాడులకు తెగబడ్డారు. ఈ యుద్ధంలో వందలాది సాధారణ పౌరులు ప్రాణాలు కోల్పోతున్న సంగతి తెలిసిందే. Can someone please tell the freedom fighters in Palestine to flip their phones and film horizontal — Mia K. (@miakhalifa) October 7, 2023 ఇజ్రాయెల్‌పై దాడులు చేస్తున్న హమాస్ దళాలను మియా ఖలీఫా స్వాతంత్య్ర సమరయోధులుగా కీర్తిస్తూ ట్విట్టర్‌(ఎక్స్‌)లో పోస్టు చేశారు. ఇది కాస్త నెట్టింట వివాదాస్పదంగా మారింది. ఎంతలా అంటే.. కెనడియన్ బ్రాడ్‌కాస్టర్, రేడియో హోస్ట్ టాడ్ షాపిరో.. మియా ఖలీఫాను వ్యాపార ఒప్పందం నుండి తప్పించారు. This is such a horrendous tweet @miakhalifa. Consider yourself fired effective immediately. Simply disgusting. Beyond disgusting. Please evolve and become a better human being. The fact you are condoning death, rape, beatings and hostage taking is truly gross. No words can… https://t.co/ez4BEtNzj4 — Todd Shapiro (@iamToddyTickles) October 8, 2023 “ఇది చాలా భయంకరమైన ట్వీట్. మియా ఖలీఫా దయచేసి అభివృద్ధి చెందండి. మంచి మనిషిలా మారండి.  మీ అజ్ఞానానికి ఏ పదాలు లేవు. ముఖ్యంగా విషాదం ఎదురైనప్పుడు మనుషుల మధ్య శాంతి నెలకొనేలా స్పందించాలి. మీరు మంచి వ్యక్తిగా మారాలని నేను ప్రార్థిస్తున్నాను. మన బిజినెస్ డీల్‌ నుంచి మీరు తొలగింపబడ్డారని భావించండి.”అని షాపిరో ఎక్స్‌లో చెప్పారు. I’d say supporting Palestine has lost me business opportunities, but I’m more angry at myself for not checking whether or not I was entering into business with Zionists. My bad. https://t.co/sgx8kzAHnL — Mia K. (@miakhalifa) October 8, 2023 షాపిరో ట్వీట్‌కు స్పందించిన మియా ఖలీఫా.. తన నిర్ణయంపై ఏ మాత్రం వెనక్కి తగ్గకుండా రీట్వీట్ చేశారు. 'పాలస్తీనాకు మద్దతు తెలిపి ఓ డీల్‌ను మాత్రమే కోల్పోయాను. కానీ ఏ మాత్రం ఆరా తీయకుండా  యుదులకు మద్దతు తెలిపే వ్యక్తితో డీల్‌ ఏర్పాటుకు సిద్ధమైనందుకు నాపైనే నాకు కోపంగా ఉంది' అంటూ మియా ఖలీఫా ట్వీట్ చేశారు. తన ట్వీట్ హింసను ప్రేరేపించబోదని తెలిపిన మియా ఖలీఫా.. పాలస్తీనా ప్రజలు స్వాతంత్య్రం కోసం పోరాడుతున్నారు. కాబట్టే తాను స్వాతంత్య్ర సమరయోధులు అని పేర్కొన్నట్లు స్పష్టం చేశారు. I just want to make it clear that this statement in no way shape or form is enticing spread of violence, I specifically said freedom fighters because that’s what the Palestinian citizens are… fighting for freedom every day https://t.co/U9mLwzqnnT — Mia K. (@miakhalifa) October 9, 2023 తన గురించి ఆలోచించే ముందు మీ చిన్న కంపెనీకి ఓ దిశా నిర్దేశం లేదని విచారించండి అంటూ షాపిరోని మియా ఖలీఫా విమర్శించారు. పోరాడే ప్రజల పక్షానే తాను ఉంటానని చెప్పారు. తాను లెబనాన్ నుంచి వచ్చినట్లు పేర్కొన్న మియా ఖలీఫా.. వలసవాదం వైపు ఉంటానని ఎలా ఆశిస్తున్నారని షాపిరోని దుయ్యబట్టారు. ఇజ్రాయెల్- పాలస్తీనా మధ్య భీకర పోరు నడుస్తోంది. యుద్ధంలో మృతుల సంఖ్య 1,200 దాటింది. హమాస్‌ మిలిటెంట్ల దాడిలో ఇజ్రాయెల్‌లో 700 మందికిపైగా బలయ్యారు. ఇజ్రాయెల్‌ సైన్యం ఎదురుదాడిలో గాజాలో 500 మందికిపైగా మరణించారు. ఇరువైపులా వేలాది మంది క్షతగాత్రులుగా మారారు. ఇజ్రాయెల్‌లో 130 మందికిపైగా పౌరులను బందీలుగా పట్టుకున్నామని, వారంతా తమ ఆదీనంలో ఉన్నారని హమాస్‌ ప్రకటించింది. ఇదీ చదవండి: Israel–Palestinian conflict: గాజాపై నిప్పుల వర్షం

ఖతర్‌ వేదికగా జరుగుతున్న ఫిఫా వరల్డ్‌కప్‌లో పోర్చుగల్‌ కథ క్వార్టర్‌ ఫైనల్లో ముగిసింది. ఈసారి కచ్చితంగా కప్‌ కొడుతుందనుకున్న రొనాల్డో సేన అనూహ్యంగా మొరాకో చేతిలో ఓటమి పాలవడం అభిమానులు జీర్ణించుకోలేకపోయారు. ఇక రొనాల్డో అయితే తనకిదే చివరి మ్యాచ్‌ అన్నట్లుగా వెక్కివెక్కి ఏడ్చాడు. మరోవైపు ఆఫ్రికా దేశమైన మొరాకో ఫిఫా వరల్డ్‌కప్‌లో తొలిసారి సెమీస్‌లో అడుగుపెట్టింది.  పోర్చుగల్‌ ఓటమితో అభిమానులు నిరాశలో ఉంటే.. మాజీ పోర్న్‌ స్టార్‌, మోడల్‌ మియా ఖలీఫా మాత్రం సంబరాల్లో మునిగిపోయింది. రొనాల్డో సేన క్వార్టర్స్‌లో ఇంటిబాట పట్టిన సందర్భంగా మొరాకోకు కంగ్రాట్స్‌ చెబుతూ ఆసక్తికర ట్వీట్‌ చేసింది. మొరాకో జెండాను పెట్టిన పక్కన ఆశ్చర్యార్థకం గుర్తులను పెట్టింది. ఆమె చేసిన ట్వీట్‌ వైరల్‌గా మారింది. ఇక మ్యాచ్‌ విషయానికి వస్తే ప్రపంచ 9వ ర్యాంకర్‌ పోర్చుగల్‌ జట్టుతో శనివారం జరిగిన మూడో క్వార్టర్‌ ఫైనల్లో మొరాకో 1–0 గోల్‌ తేడాతో గెలిచింది.ఆట 42వ నిమిషంలో ఎడమ వైపు నుంచి అతియత్‌ అలా అందించిన పాస్‌ను ‘డి’ ఏరియాలో యూసుఫ్‌ ఎన్‌ నెసిరి అమాంతం గాల్లోకి ఎగురుతూ ‘హెడర్‌’ షాట్‌తో బంతిని గోల్‌పోస్ట్‌లోనికి పంపించాడు. దాంతో మొరాకో తొలి అర్ధభాగాన్ని 1–0తో ముగించింది. రెండో అర్థభాగం చివరి 10 నిమిషాల్లో పోర్చుగల్‌కు గోల్‌ చేసేందుకు రెండుసార్లు అవకాశం వచ్చినా మొరాకో గోల్‌కీపర్‌ యాసిన్‌ బోనో వాటిని అడ్డుకున్నాడు. 90+1వ నిమిషంలో రొనాల్డో కొట్టిన షాట్‌ను యాసిన్‌ అద్భుతంగా నిలువరించాడు. ఇంజ్యూరీ టైమ్‌గా మ్యాచ్‌ను ఎనిమిది నిమిషాలు పొడిగించినా మొరాకో పట్టుదలతో ఆడి పోర్చుగల్‌కు గోల్‌ చేసే అవకాశం ఇవ్వలేదు. తన కెరీర్‌లో లోటుగా ఉన్న ప్రపంచకప్‌ను ఈసారైనా అందుకోవాలని ఆశించిన రొనాల్డో చివరకు కన్నీళ్లపర్యంతమవుతూ భారంగా మైదానాన్ని వీడాడు. 🇲🇦!!!!! — Mia K. (@miakhalifa) December 10, 2022 చదవండి: FIFA: ఏ టైటిళ్లు, ట్రోఫీలు అక్కర్లేదు.. దేవుడు మాకిచ్చిన వరం.. కోహ్లి భావోద్వేగం FIFA WC 2022: 'ఆ ఎక్స్‌ప్రెషన్‌ ఏంటయ్యా.. పిల్లలు జడుసుకుంటారు'

ఎక్స్‌-పోర్న్‌స్టార్‌, ప్రయుఖ వెబ్‌కామ్‌ మోడల్‌ మియా ఖలీఫా మరోసారి వార్తల్లోకి నిలిచింది. క్యూబా అల్లకల్లోలంపై ఆమె చేసిన పోస్ట్‌తో రాజకీయపరమైన విమర్శలు మొదలయ్యాయి. ఏకంగా క్యూబా అధ్యక్షుడు మిగ్యుయెల్‌ దిజాయ్‌-కనెల్‌ ఆమెపై విరుచుకుపడ్డాడు. మియాను ఓ క్యారెక్టర్‌లేని పర్సనాలిటీగా పేర్కొన్న మిగ్యుయెల్‌..  ఆమె ఒక అమెరికా పెయిడ్‌ ఏజెంట్‌ అంటూ సంచలన వ్యాఖ్యలు చేశాడు. దీంతో ఆమె స్పందించింది. ‘ప్రజల పట్ల మానవత్వం లేకుండా ప్రదర్శిస్తున్న మీ తీరును ఇతరులకు తెలియజేయాలనే ఆ పని చేశా. నేనేం డబ్బులు తీసుకుని ఆ పని చేయలేదు. ఏ ప్రభుత్వం కూడా నాకు ఆ పని అప్పజెప్పలేదు. నా పరిధిలో ఉచితంగా ఆ ట్వీట్‌ చేశా’ అంటూ ట్వీట్‌ ద్వారా బదులిచ్చింది ఆమె. అంతేకాదు క్యూబా అయినా, పాలస్తీనా అయినా ప్రజలు ఎదుర్కొంటున్న ఇబ్బందుల్ని ప్రపంచం దృష్టికి తీసుకెళ్లడమే నా పని అంటూ మరో ట్వీట్‌ ద్వారా పేర్కొంది.  ఇదిలా ఉంటే క్యూబా ప్రజల ప్రభుత్వ వ్యతిరేక నిరసనలకు బైడెన్‌ మద్దతు తెలిపిన రోజే.. మియా ఖలీఫా ట్వీట్‌ చేసింది. దీంతో మీడియా ప్రతినిధులు క్యూబా అధ్యక్షుడు మిగ్యుయెల్‌ దగ్గర ఆమె ప్రస్తావన తీసుకురావడంతో ‘ఆమె అమెరికా చేతిలో కీలు బొమ్మ. క్యారెక్టర్‌ లేని వ్యక్తి. పెయిడ్‌ ఏజెంట్‌’ అంటూ ఆయన విరుచుకుపడ్డాడు. ఇక మియాకు ఇలా ఇన్‌న్యూస్‌ విషయాలపై కొత్తేం కాదు. గతంలో పాలస్తీనా విషయంలో అమెరికా తప్పుల్ని సైతం వెలేత్తి చూపించిందామె. సోషల్‌ మీడియాలో భారీగా ఫ్యాన్‌ ఫాలోయింగ్‌ ఉన్న ఈ లెబనీస్‌-అమెరికన్‌ సెలబ్రిటీ.. తరచూ కొందరికి సాయం అందించడంతో పాటు ఇలా వివాదాల్లో కూడా నిలుస్తోంది. It’s tough not to see the faces of my people in the suffering of Cubans. Lebanon, Palestine, Cuba, it doesn’t matter where it’s happening, all that matters is it needs to be talked about because look at the result: PRESSURE forces change https://t.co/OG6QeEM7QL — Mia K. (@miakhalifa) July 15, 2021

ఇస్లామాబాద్‌: రెండుసార్లు తన టిక్‌టాక్‌ ఖాతాను నిషేధించడంపై శృంగార తార మియా ఖలీఫా ఫైరయ్యింది. తన ఖాతాలను నిలిపేయడంపై మండిపడింది. ఈ సందర్భంగా పాకిస్తాన్‌ ప్రభుత్వంపై మండిపడుతూ ట్వీట్లు చేసింది. పాకిస్తాన్‌ ప్రభుత్వం గతంలో ఒకసారి మియా ఖలీఫా టిక్‌టాక్‌ అకౌంట్‌ను నిలిపివేయగా తాజాగా ఏప్రిల్‌లో మళ్లీ నిషేధించింది. దీంతో ఈ హాట్‌ భామకు కోపమొచ్చింది. అనైతికంగా.. అకారణంగా  టిక్‌టాక్‌ అకౌంట్‌ నిలిపివేసిందని వాపోయింది. ‘నా టిక్‌టాక్‌ అకౌంట్‌ పాకిస్తాన్‌ బ్లాక్‌ చేసింది. ఇప్పటి నుంచి నా టిక్‌టాక్‌ వీడియోలు ట్విటర్‌లో పోస్తుంటా. పాకిస్తాన్‌ అభిమానులు చూసేయచ్చు’ అంటూ ట్వీట్‌ చేసింది. అయితే ఆమె అకౌంట్‌పై నిషేధం విధిస్తూ పాకిస్తాన్‌ టెలీ కమ్యూనికేషన్‌ ఎలాంటి అధికారిక ప్రకటన జారీ చేయలేదని తెలుస్తోంది. ఎందుకు ఆమె ఖాతాపై నిషేధం విధించారో తెలియడం లేదు. మియా ఖలీఫాకు టిక్‌టాక్‌లో భారీగా ఫాలోవర్లు ఉన్నారు. 22.2 మిలియన్ల ఫాలోవర్లు ఉండగా, 270 మిలియన్ల లైక్‌లు ఉన్నాయి.   Shoutout to Pakistan for banning my tiktok account from the country. I’ll be re-posting all my tiktoks on Twitter from now on for my Pakistani fans who want to circumvent fascism 💕 — Mia K. (@miakhalifa) May 22, 2021

న్యూఢిల్లీ : కేంద్ర ప్రభుత్వం ప్రవేశపెట్టిన నూతన వ్యవసాయ చట్టాలకు వ్యతిరేకంగా రైతులు చేస్తున్న ఉద్యమానికి మాజీ పోర్న్‌ స్టార్‌ మియా ఖలీఫా మద్దతు తెలిపిన సంగతి తెలిసిందే. రెండు రోజుల క్రితం ఆమె ట్విటర్‌లో స్పందిస్తూ.. ‘‘ మానవ హక్కులకు భంగం కలిగేంతగా ఏం జరుగుతోందని న్యూఢిల్లీలో ఇంటర్‌నెట్‌ సేవలను నిలిపేశారు’’ అని పేర్కొన్నారు. అనంతరం మరో ట్వీట్‌లో.. రైతులను పేయిడ్‌ యాక్టర్లు అంటున్న వారిపై ఆగ్రహం వ్యక్తం చేశారు. రైతులకు తన మద్దతు తెలుపుతున్నట్లు ప్రకటించారు. ( రైతుల ఉద్యమానికి మాజీ పోర్న్‌ స్టార్‌ మద్దతు ) అయితే దీనిపై కొంతమంది వ్యక్తులు మండిపడ్డారు.‘‘మియా ఖలీఫా స్ప్రహలోకి రా!’’ అంటూ ప్లకార్డులు ప్రదర్శించారు. ప్లకార్డులపై కూడా ఆమె స్పందించారు. శుక్రవారం ట్విటర్‌లో ‘‘ నేను స్పృహలోనే ఉన్నానని ధ్రువీకరిస్తున్నాను. మీరు అనవసరంగా నా మీద అక్కర చూపుతున్నందుకు కృతజ్ఞతలు. నేను ఇప్పటికీ రైతులకు మద్దతుగానే ఉన్నా’’ అని స్పష్టం చేశారు. Confirming I have in fact regained consciousness, and would like to thank you for your concern, albeit unnecessary. Still standing with the farmers, though ♥️ pic.twitter.com/ttZnYeVLRP — Mia K. (@miakhalifa) February 4, 2021

న్యూఢిల్లీ : కేంద్ర ప్రభుత్వం ప్రవేశపెట్టిన నూతన వ్యవసాయ చట్టాలకు వ్యతిరేకంగా రైతులు గత కొన్ని నెలలుగా దేశ రాజధానిలో ఉద్యమం చేస్తున్న సంగతి తెలిసిందే. ఈ ఉద్యమానికి దేశ, విదేశాల నుంచి మద్దతు లభిస్తోంది. పలువురు అంతర్జాతీయ సెలబ్రిటీలు దీనిపై స్పందించారు. అమెరికన్‌ పాప్‌ సింగర్‌ రిహాన్నా, యువ పర్యావరణ పరిరక్షణ కార్యకర్త గ్రెటా థన్‌బర్గ్‌లు మంగళవారం ట్విటర్‌ ద్వారా తమ మద్ధతు తెలిపారు. తాజాగా ఈ లిస్ట్‌లో మాజీ పోర్న్‌ స్టార్‌ మియా ఖలీఫా చేరారు. What in the human rights violations is going on?! They cut the internet around New Delhi?! #FarmersProtest pic.twitter.com/a5ml1P2ikU — Mia K. (Adri Stan Account) (@miakhalifa) February 3, 2021 బుధవారం ట్విటర్‌లో ‘‘ మానవ హక్కులకు భంగం కలిగేంతగా ఏం జరుగుతోందని న్యూఢిల్లీలో ఇంటర్‌నెట్‌ సేవలను నిలిపేశారు’’ అని పేర్కొన్నారు. అనంతరం మరో ట్వీట్‌లో.. రైతులను పేయిడ్‌ యాక్టర్లు అంటున్న వారిపై ఆగ్రహం వ్యక్తం చేశారు. రైతులకు తన మద్దతు తెలిపారు. “Paid actors,” huh? Quite the casting director, I hope they’re not overlooked during awards season. I stand with the farmers. #FarmersProtest pic.twitter.com/moONj03tN0 — Mia K. (Adri Stan Account) (@miakhalifa) February 3, 2021

వాషింగ్టన్‌‌: బీరుట్‌ పేలుడు ఘటనలో బాధితులకు సాయం చేసేందుకు ప్రపంచవ్యాప్తంగా ప్రజలు, ప్రముఖులు ముందుకొస్తున్నారు. మాజీ పోర్న్ స్టార్, క్రీడా వ్యాఖ్యాత మియా ఖలీఫా కూడా తన వంతు సాయం చేసేందుకు ముందుకొచ్చారు. బీరుట్‌ బాధితులకు సాయం చేసేందుకు తన ఫేవరెట్ కళ్లద్దాలను ఆమె ‘ఈబే’ ఆన్‌లైన్‌ పోర్టల్‌లో వేలానికి పెట్టారు. ఈ  విషయాన్ని ఆమె ఇన్‌స్టాగ్రామ్‌లో వెల్లడించారు. వేలం ద్వారా వచ్చిన డబ్బును... పేలుడు బాధితుల సహాయార్థం లెబనాన్‌ రెడ్‌ క్రాస్‌ సంస్థకు ఇస్తానని చెప్పారు. (బీరుట్‌ ప్రమాదం: నెల కిత్రమే హెచ్చరించినా) వేలానికి పెట్టిన మొదటి 11 గంటల్లోనే తన కళ్లజోడుకు రూ.75 లక్షల దాకా పలికినట్లు తెలిపారు. ఇప్పటివరకు 189 మంది బిడ్డింగ్‌ వేశారని పేర్కొన్నారు. మరింతమంది బిడ్డింగ్‌లో పాల్గొని ఎక్కువ మొత్తం అందించాలని ఆమె కోరారు. మీరిచ్చే ప్రతిపైసా బీరుట్‌ పచ్చదనానికి ఉపయోగపడుందని ఆమె వ్యాఖ్యానించారు. కాగా, మియా ఖలీఫా పుట్టింది లెబనాన్‌లోనే. 2001లో ఆమె అమెరికా వెళ్లిపోయారు. ఇక బీరుట్‌ పేలుడు ఘటనలో 178 మంది చనిపోగా... 6000 మందికి పైగా గాయపడిన సంగతి తెలిసిందే. (నా గత జీవితం దారుణమైంది : పోర్న్‌ స్టార్‌)

సోషల్‌ మీడియాలో మనం ఏదైనా ఒక పోస్ట్‌ను పెడుతున్నామంటే ఒకటికి రెండు సార్లు చెక్‌ చేసుకొని అడుగు ముందుకేయాలి. హా.. ఏముందిలే అనుకొని చిన్న తప్పు చేసామో ఇక ఆ రోజుకి సోషల్‌ మీడియాలో మనమే పెద్ద జోకర్‌ అవ్వొచ్చు. ఇప్పుడు అలాంటి తప్పే చేసి నెటిజన్లకు దొరికిపోయాడు పాక్ మాజీ మంత్రి రెహ్మాన్ మాలిక్. ఇంతకూ ఆయన చేసిందేమిటంటే.. మియా ఖలిఫా అనే పోర్న్ తారను భారతీయురాలిగా భావించిడమే. చదవండి: నా గత జీవితం దారుణమైంది : పోర్న్‌ స్టార్‌ పౌరసత్వ సవరణ‌ చట్టానికి వ్యతిరేకంగా నిరసన వ్యక్తం చేస్తున్న భారతీయుల జాబితాను ఓ వ్యక్తి ట్విటర్‌లో షేర్ చేయగా.. దాన్ని తన ట్వీట్‌లో మాలిక్ ప్రస్తావించారు. అయితే ఆ భారతీయుల జాబితాలో మాజీ పోర్న్ స్టార్ మియా ఖలీఫా పేరు కూడా ఉంది. వాటి గురించి పట్టించుకోని మాజీ మంత్రి గారు.. మియా ఖలీఫాతో పాటు జాబితాలోని అందరికీ దేవుడు మిమ్మల్ని చల్లగా చూడాలంటూ దీవెనలు అందించారు. ఆయన ట్వీట్‌ను ఆసరగా చేసుకున్న నెటిజన్లు ఊరుకుంటారా చెప్పండి. ఎంచక్కా దానిని ట్రోల్ చేయడం మొదలెట్టేశారు. మియాను దేవుడు దీవించుగాక అంటూ ఆయన చేసిన ట్వీట్‌ ఇప్పుడు తెగ వైరల్ అవుతోంది.  Senator Rehman Malik gives his blessings to pornstar Mia Khalifa for showing solidarity with Indian Muslims. pic.twitter.com/GwlSKlvuf8 — Naila Inayat नायला इनायत (@nailainayat) December 30, 2019

లెబెనాన్‌ : మూడు నెలల నీలి జీవితం.. అగ్ర శృంగార తారగా పేరు.. ఐఎస్‌ఐఎస్‌ ఉగ్రవాదులనుంచి బెదిరింపులు.. ఇదీ మాజీ ఫోర్న్‌ స్టార్‌ మియా ఖలీఫా నీలి నట జీవితం. నీలి చిత్రాల నటనకు గుడ్‌బై చెప్పిన తర్వాత తన గత జీవితం గురించి మాట్లాడటానికి ఆమె ఇష్టపడలేదు. మీడియాకు సైతం దూరంగా ఉన్నారామె. కానీ, మొదటిసారి తన గత జీవిత సంగతులను ఓ మీడియాకు ఇచ్చిన ఇంటర్వ్యూలో చెప్పుకొచ్చారు. ఆ ఇంటర్వ్యూలో ‘నేను బ్లూ ఫిల్మ్స్‌లో నటించటం ద్వారా చాలా డబ్బు సంపాదించి ఉంటానని అందరూ అనుకుంటుంటారు. కానీ, నేను సంపాదించింది కేవలం రూ. 9  లక్షల రూపాయలు మాత్రమే. కొంతమంది స్వార్థపరులు మహిళల బలహీనతలను ఆసరాగా చేసుకుని వారిని చట్టబద్ధమైన కాంట్రాక్టుల ద్వారా నీలి చిత్రాల్లో నటించేలా చేస్తున్నారు. నా గతం గురించి నేను నిజాలు మాట్లాడినా.. అది నా భవిష్యత్తును ఇబ్బందుల్లో పడేస్తుంది. అందుకే ఇన్నేళ్లపాటు నా గత జీవితం గురించి మాట్లాడలేదు.  అయితే ఇప్పుడు వాటిని చెప్పేందుకు నేను సిద్ధంగా ఉన్నాను. నా గత జీవితాన్ని దాచుకోకుండా చెప్పినప్పుడే అది నన్ను బాధించకుండా ఉంటుంది. నేను శృంగార చిత్రాల్లో నటించింది మూడు నెలలే అయినా, అది నా జీవితాన్ని చాలా ఇబ్బందుల్లో పడేసింది. ఓ వీడియో కారణంగా ఐఎస్‌ఐఎస్‌ ఉగ్రవాదుల నుంచి చావు బెదిరింపులు ఎదుర్కొన్నాను. దాని కారణంగా బయటకు రాలేని పరిస్థితి! ఓ రెండు వారాలు హోటల్‌ గదిలో తలదాచుకోవాల్సి వచ్చింది. అప్పుడు కొంతమంది నన్ను సపోర్ట్‌ చేస్తూ.. మరి కొందరు నన్ను వ్యతిరేకిస్తూ సందేశాలు పంపారు. ప్రజలు నా గురించి ఆలోచిస్తున్న సంగతే నాలో మార్పు తెచ్చింది. నా గత జీవితం గురించి నేనేమీ గర్వపడటం లేదు. ప్రజలు నన్ను వాళ్లలో ఒక దానిగా భావించేవరకు నేను ఎదురు చూస్తుంటాను’ అని అన్నారు. మియా 2014 అక్టోబర్‌లో నీలి చిత్రాల నటనను ప్రారంభించి 2015 జనవరిలో దాని నుంచి బయటకు వచ్చేశారు. అందులో పనిచేసింది కొద్ది రోజులే అయినా ప్రపంచ అగ్ర శృంగార తారగా నేటికీ వెలుగొందుతున్నారు. 

మరో పాపులర్‌ పోర్న్‌స్టార్‌ భారతీయ ప్రేక్షకులను అలరించేందుకు సిద్ధమవుతోంది. ఒకప్పుడు పోర్న్‌స్టార్‌గా పేరొందిన సన్నీ లియోన్‌ ఇప్పటికే భారతీయ సినిమాల్లో రాణిస్తున్న సంగతి తెలిసింది. హిందీ, తెలుగు, తమిళం ఇలా అన్ని భాషల్లోనూ సన్నీ లియోన్‌కు మంచి క్రేజ్‌ ఉంది. ఈ నేపథ్యంలో ఈ భామకు షాక్‌ ఇచ్చేందుకు పాపులర్‌ పోర్న్‌స్టార్‌ మియా ఖలీఫా సిద్ధమవుతోంది. కొన్నాళ్లపాటు బూతుసినిమాల్లో నటించి.. ఆ ఫీల్డ్‌ నుంచి తప్పుకున్న ఈ అమ్మడు మలయాళ చిత్ర పరిశ్రమలో అడుగుపెట్టబోతోంది. మలయాళ అడల్ట్‌ కామెడీ సినిమా 'చుంక్జ్‌' సీక్వెల్‌లో నటించడానికి ఈ భామ అంగీకరించింది. ఈ సినిమాలో ఓ పాత్ర పోషించడంతోపాటు ఐటెం సాంగ్‌లో మియా ఖలీఫా నటించనుందని చిత్ర దర్శకుడు ఒమర్‌ లులు ధ్రువీకరించారు. సన్నీ లియోన్‌ తర్వాత భారతీయ సినిమాల్లో అదృష్టం పరీక్షించుకోబోతున్న రెండో పోర్న్‌స్టార్‌గా మియా ఖలీఫా నిలువబోతున్నది. బూతు సినిమాల నటిగా ఒక ఏడాది పాటు పనిచేసి..పాపులర్‌ అయిన ఈ భామ ప్రస్తుతం ఓ స్పోర్ట్స్‌ యూట్యూబ్‌ చానెల్‌ రిపోర్టర్‌గా పనిచేస్తోంది.

సాక్షి, సినిమా : మియా ఖలీఫా.. యూత్‌కి పెద్దగా పరిచయం అక్కర్లేని పేరు. అడల్ట్ చిత్రాల్లో నటించే ఈ నటి చుట్టూ వివాదాలు కూడా ముసురుకుంటూనే ఉన్నాయి. బుర్ఖా ధరించి నీలి చిత్రాల్లో నటించటంతో ఐసిస్‌  ఈ లెబనీస్‌ అమెరికన్‌ స్టార్ను చంపుతామని బెదిరించటం తెలిసిందే. దీంతో పోలీసులు కొంత కాలం ఆమెకు భద్రతా కూడా కల్పించారు. ఈ మధ్య తన ఆదాయంలో 5వేల డాలర్లను హర్వే తుఫాన్‌ విరాళంగా ఇవ్వగా.. అదీ వివాదాస్పదం అయ్యింది.  ఇక ఇప్పుడు మరో మతపరమైన వివాదం ఆమె మెడకు చుట్టుకుంది. వర్జిన్‌ మేరీ ఫోటోలో ఆమె ముఖం ఎడిట్‌ చేసి ఉన్న ఫోటోను తన ఇన్‌స్టాగ్రామ్‌లో ఆమె పోస్ట్ చేసింది. ఓ న్యూస్‌ అవుట్‌లెట్‌ పొరపాటున మలలా స్థానంలో తన ఫోటోను ఇలా ముద్రించిందంటూ సందేశం ఉంచింది.  జీసస్‌ తల్లి మేరీ మాతగా తనను తాను చూపించుకోవటంపై మియాపై సోషల్ మీడియాలో విరుచుకుపడుతున్నారు. గత వారం పాక్ ఉద్యమకారిణి, నోబెల్‌ బహుమతి గ్రహీత మలాల యూసఫ్‌ఝై ఆక్స్‌ఫర్డ్‌ యూనివర్సిటీ తరగతులకు జీన్స్‌.. హైహీల్స్‌ ధరించి హాజరుకాగా.. ఆమె మలాలనా? లేక మియా ఖలీఫానా? అంటూ కొందరు కామెంట్లు చేయటం చూశాం. మరి ఇప్పుడు ఆమె పోస్ట్ చేసిన ఫోటోకు ఏ స్థాయిలో తిట్లు పడతాయో ప్రత్యేకంగా చెప్పాల్సిన అవసరం లేదు.

సాక్షి: సన్నీలియోన్‌ తరహాలోనే మరో పోర్న్‌స్టార్‌ బుల్లితెరపై కనిపించే ఏర్పాట్లు జరుతున్నాయి. సన్నీలియోన్‌ గత జీవితాన్ని విడిచిపెట్టి బాలీవుడ్‌లో నటిస్తున్న తరహాలనే మరో పోర్న్‌స్టార్‌ మియా ఖలీఫా కూడా త్వరలోనే ఓ టాక్‌షోకు వ్యాఖ్యాతగా కనిపించబోతోంది. ప్రపంచ వ్యాప్తంగా ఆమెకు అభిమానులు పెద్ద ఎత్తున ఉన్నారు. 2016లో గూగుల్లో అందరికంటే ఎక్కువగా మియా ఖలీఫా గురించే వెతికారు. ప్రస్తుతం ఖలీఫా పోర్న్ సినిమాల్లో నటించడం మానేసింది. గతంలో ఒక ముస్లిం అయి పోర్న్ సినిమాల్లో నటిస్తావా అంటూ ఉగ్రవాద సంస్థల నుండి వార్నింగ్‌లు రావడంతో క్రైస్తవాన్ని స్వీకరించి అమెరికాలో స్థిరపడ్డారు మియాకు బేస్ బాల్, అమెరికన్ ఫుట్ బాల్ అంటే ఇష్టం. ఆమెకు ఉన్న క్రేజ్‌ను చూసి 'కాంప్లెక్స్ న్యూస్' అనే యుట్యూబ్ ఛానల్లో వ్యాఖ్యాతగా అవకాశం వచ్చింది. గిల్బెర్ట్‌ అరేనా అనే బాస్కెట్ బాల్ ప్లేయర్ తో కలసి ఇప్పుడు 'ఔట్ ఆఫ్ బౌండ్స్' అనే టాక్ షో వ్యాఖ్యాతగా వ్యవహరించనుంది. భారత కాలమానం ప్రకారం రేపు మధ్యాహ్నం ఈ షో ప్రసారం కానుంది.


 టెక్సాస్ :
 ప్రముఖ పోర్న్ స్టార్ మియా ఖలీఫాతో సెల్ఫీ దిగాలనుకున్న ఓ యువకుడి గూబ గుయ్మంది. టెక్సాస్లోని సాన్ ఆంటోనియోకు చెందిన ఓ 20 ఏళ్ల యువకుడు మియాఖలీఫా పర్మిషన్ లేకుండానే సెల్ఫీ తీశాడు. దీంతో చిర్రెత్తుకొచ్చి మియా ఆ యువకుడి చెంప చెళ్లు మనిపించింది. యువకుడు మియా ఖలీఫా కొట్టిన చెందెబ్బకు కుంగిపోకుండా ఆమె కొట్టిన చెంపదెబ్బ తనకు ఓ గాయాన్ని మిగిల్చింది అంటూ ట్విట్టర్లో పోస్ట్ చేశాడు. మియా వద్దంటున్నా తీసిన సెల్ఫీతో పాటూ చెంపపై లాగి కొట్టడంతో తగిలిన గాయానికి సంబంధించి ఫొటోలను తన ట్విట్టర్లో పోస్ట్ చేశాడు. మియా ఖలీఫాతో ఫొటో తీసుకున్నా.. నా చెంపపై గట్టిగా ఓ పంచ్ కూడా ఇచ్చింది... ఓ గాయం కూడా మిగిలింది అంటూ ఓ కామెంట్ కూడా పెట్టాడు.
 
 ఈ ట్వీట్ తక్కువ సమయంలోనే వైరల్ అయ్యింది. దీనికి సోషల్ మీడియాలో మిశ్రమ స్పందన లభించింది. ఎలాంటి చెంపదెబ్బలు తినకుండానే తమ అభిమాన పోర్న్ స్టార్తో సెల్ఫీలు తీసుకున్నామంటూ మియాఖలీఫాకు అండగా ఆమె అభిమానులు సెల్ఫీ ఫొటోలను పోస్ట్ చేశారు. అయితే ఈ తతంగంపై సోషల్ మీడియాలో భారీగా స్పందన రావడంతో మియా ఖలీఫా స్పందించింది.
 
 నేను నడుస్తూ ఉంటే నా మొహంవైపు కెమరాపెట్టి కుప్పి గంతులు వేయకుండా, సెల్ఫీ కావాలని నన్ను మర్యాదగా అడిగి సెల్ఫీలు తీసుకున్న మీ అందరికీ థాంక్స్ అంటూ తనకు అండగా నిలిచిన అభిమానులను ఉద్దేశించి ట్వీట్ చేసింది.