విజయ్ సీఎం అయ్యాక జరుగుతోన్న ఆయన తొలి బర్త్ డే కోసం అభిమానులు ఎంతో ఆసక్తిగా ఎదురు చూస్తున్నారు. ఈనెల 22న విజయ్ పుట్టినరోజు కావడంతో ఆయన నటించిన బ్లాక్‌బస్టర్ మూవీ రి రిలీజ్ చేస్తున్నారు. ఈ చిత్రంలో విజయ్ త్రిపాత్రాభినయం చేశారు. ఈ సందర్భంగా ఈ నెల 19వ తేదీన మెర్సల్ రీ రిలీజ్‌ కానుంది. దీంతో ‍విజయ్ అభిమానులు ఫుల్ ఖుషీ అవుతున్నారు.కాగా.. 2017లో విజయ్‌ నటించిన ఈ చిత్రానికి అట్లీ దర్శకత్వం వహించారు. తేనాండాళ్‌ ఫిలిమ్స్‌ సంస్థ నిర్మించిన భారీ బడ్జెట్‌ కథా చిత్రం ఇది కావడం విశేషం. అంతే కాదు తేనాండాళ్‌ ఫిలిమ్స్‌ సంస్థ నిర్మించిన వందో సినిమా. ఈ మూవీలో కాజల్‌ అగర్వాల్, సమంత, నిత్యామీనన్‌ హీరోయిన్లుగా నటించారు. ఎస్‌ జే.సూర్య ప్రతినాయకుడిగా మెప్పించగా.. వడివేలు,కోవై సరళ ముఖ్యపాత్రలు పోషించారు.ఈ మూవీకి ఏఆర్‌ రెహమాన్‌ సంగీతాన్ని అందించారు. ఈ చిత్రం అప్పట్లో దీపావళికి విడుదలై ఘన విజయాన్ని సాధించింది. కాగా ఈ చిత్రాన్ని సుమారు తొమ్మిది ఏళ్ల తరువాత కేపీ ఫిలింస్‌ సంస్థ అధినేత కెనడీ చెన్నై, సెంగల్పట్టు, కాంచీపురం, తిరువళ్ళూరు జిల్లాలో 100 థియేటర్లో విడుదల చేస్తున్నట్లు వెల్లడించారు.


 చెన్నై: అగ్ర హీరోల సినిమాలకు సంబంధించిన ఏ వార్త అయినా వారి అభిమానులకు ఆనందాన్నిస్తుంది. తమిళ అగ్రహీరో విజయ్‌ తాజా సినిమా 'మెర్సల్‌' సంబంధించి పలు ఊహాగానాలు షికారు చేస్తున్నాయి.  విజయ్‌ త్రిపాత్రాభినయం చేస్తున్నట్లు ప్రచారం జరుగుతున్న ఈ చిత్రంలో కాజల్‌ అగర్వాల్, సమంత, నిత్యామీనన్‌లు నాయికలుగా నటిస్తున్నారు.
 
 తెరి వంటి సూపర్‌హిట్‌ చిత్రం తరువాత విజయ్, దర్శకుడు అట్లీ కాంబినేషన్‌లో తెరకెక్కుతున్న ఈ చిత్రంపై భారీ అంచనాలు నెలకొన్నాయి. శ్రీతేనాండాల్‌ ఫిలింస్‌ సంస్థ భారీ ఎత్తున నిర్మిస్తున్న ఈ చిత్రం ఎప్పుడెప్పుడు విడుదలవుతుందా? అని విజయ్‌ అభిమానులు ఎదురు చూస్తున్నారు.  వారికో సంతోషకరమైన వార్త ఏమిటంటే ఏఆర్‌ రెహ్మాన్‌ సంగీతం సమకూరుస్తున్న ఈ చిత్ర ఆడియోను ఆగస్ట్‌ 20న విడుదల చేయనున్నట్లు చిత్ర వర్గాలు అధికారికంగా శుక్రవారం వెల్లడించాయి. సోనీ మ్యూజిక్‌ సంస్థ ఈ పాటల హక్కులను పొందింది. దీపావళి రేసులో బరిలోకి దిగేందుకు ఈ చిత్రయూనిట్‌ సన్నాహాలు చేస్తున్నట్లు తెలుస్తోంది.