బాక్సాఫీస్ దగ్గర 'కల్కి' ప్రభంజనం మొదలైంది. అప్పుడెప్పుడో ఎన్టీఆర్ కాలంలో మహాభారతాన్ని సినిమాల్లో చూపించారు. ఇన్నాళ్లకు మళ్లీ 'కల్కి'లో దీనికి సంబంధించిన సీన్స్ పడ్డాయి. 3 గంటల సినిమాలో దాదాపు అరగంట పాటు మహాభారత సన్నివేశాల్ని చూపించారు. అయితే అశ్వద్ధామ, అర్జునుడు, కర్ణుడు.. ఇలా ఆయా పాత్రలతో పాటే కృష్ణుడి పాత్ర కూడా చూపించారు. కానీ ముఖాన్ని మాత్రం రివీల్ చేయలేదు. ఇంతకీ ఆ నటుడెవరు? ఇలా ఎందుకు చేశారో తెలుసా?'కల్కి' మూవీలో మహాభారతం సీన్స్ బాగా వర్కౌట్ అయ్యాయి. టైటిల్స్ పడుతున్నప్పుడే కురుక్షేత్ర సంగ్రామం, అశ్వద్ధామకి కృష్ణుడు శాపం ఇవ్వడం లాంటి సీన్స్ చూపించి నేరుగా కథలోకి వెళ్లిపోయారు. మళ్లీ కీలకమైన క్లైమాక్స్‪‌లో క్రేజీ ట్విస్ట్ రివీల్ చేసి మెంటలెక్కించారు. అయితే అర్జునుడిగా విజయ్ దేవరకొండ, అతడి రథసారధిగా కృష్ణుడికి సంబంధించిన సీన్స్ పడ్డాయి. కానీ కృష్ణ పరమాత్మ ముఖాన్ని నీడలా చూపించారు.(ఇదీ చదవండి: పేరు మార్చుకున్న ప్రభాస్.. 'కల్కి'లో ఇది గమనించారా?)'కల్కి'లో కృష్ణుడి పాత్ర చేసింది తమిళ నటుడు కృష్ణకుమార్ సుబ్రమణియమ్. గతంలో వచ్చిన 'ఆకాశమే హద్దురా' మూవీలో సూర్యకి ఫ్రెండ్‌గా ఇతడు నటించాడు. స్వతహాగా నటుడు, నిర్మాత, దర్శకుడు, మ్యూజీషియన్ అయిన ఇతడికి 'కల్కి'లో కృష్ణుడి పాత్ర దక్కడం అదృష్టమనే చెప్పాలి. ఇదే విషయాన్ని తన ఇన్ స్టా స్టోరీలోనూ చెప్పుకొచ్చాడు. దీన్ని చాలా గౌరవంగా భావిస్తున్నట్లు రాసుకొచ్చాడు. ఈ పాత్రకు ప్రముఖ నటుడు అర్జున్ దాస్ తెలుగులో డబ్బింగ్ చెప్పాడు.ఇకపోతే 'కల్కి' నిర్మాత అశ్వనీదత్.. స్వర్గీయ ఎన్టీఆర్‌కి వీరాభిమాని. ఆయనతో తొలి సినిమా తీశారు. వైజయంతీ మూవీస్ బ్యానర్ ఫొటోలోనూ ఎన్టీఆర్ కృష్ణుడి రూమపే ఉంటుంది. అయితే తెలుగు ప్రేక్షకులకు కృష్ణుడు అంటే ఎన్టీఆరే. ఆయన్ని తప్పితే మరొకరిని ఊహించుకోలేం. బహుశా అందుకేనేమో 'కల్కి'లో ముఖం చూపించకుండా మేనేజ్ చేసి ఉంటారు!(ఇదీ చదవండి: ‘కల్కి 2898 ఏడీ’ మూవీ రివ్యూ)Ashwathama attacking krishna.. Krishna punching ashwathama.. Pure cinema😭😭 E scene vachaka literally goosebumps vachayi ikkadanunchi mahabharat okkate chupinchina question cheyakunta chusevadni.. Aa music aa aura.. Big screen pyna mahabharatam🙏pic.twitter.com/BsWYIPtn5i— Dagads (@Dagads_) June 27, 2024

సాక్షి, హైదరాబాద్‌: ముఖ్యమంత్రి రేవంత్‌రెడ్డి, ఇత ర కాంగ్రెస్‌ నేతలకు బీఆర్‌ఎస్‌ సెక్రెటరీ జనరల్, రాజ్యసభ సభ్యుడు కె.కేశవరావు తన ఇంట్లో విందు ఇచ్చారు. కేకే బీఆర్‌ఎస్‌ను వీడి కాంగ్రెస్‌లో చేరాలని నిర్ణయించుకున్న నేపథ్యంలో ఈ కార్యక్ర మం ఏర్పాటు చేశారు. కేకే శుక్రవారమే సీఎం నివాసానికి వెళ్లి.. తన ఇంట్లో డిన్నర్‌కు రావాల్సిందిగా ఆహ్వానించారు. పలువురు మంత్రులు, నేతలను కూడా రావాలని కోరారు. ఈ మేరకు శనివారం సాయంత్రం సీఎం రేవంత్, మంత్రులు పొన్నం ప్రభాకర్, పొంగులేటి శ్రీనివాస్‌రెడ్డి, రాజ్యసభ సభ్యులు రేణుకా చౌదరి, అనిల్‌యాదవ్, సీనియర్‌ నేత కె.జానారెడ్డి, ఎమ్మెల్యేలు గడ్డం వినోద్, వివేక్, సీఎం సలహాదారు వేం నరేందర్‌రెడ్డి తదితరులు హైదరాబాద్‌ బంజారాహిల్స్‌లోని కేకే నివాసానికి వెళ్లారు. శనివారం ఉదయమే కాంగ్రెస్‌లో చేరిన హైదరాబాద్‌ మేయర్, కేకే కుమార్తె గద్వాల విజయలక్ష్మి వారికి స్వాగతం పలికారు. కేకే ఆతిథ్యాన్ని స్వీకరించాక రేవంత్‌ వెళ్లిపోయారు. ఈ సందర్భంగా కేకే ఎప్పుడు కాంగ్రెస్‌లో చేరుతారు, ఎవరి సమక్షంలో చేరుతారన్న దానిపై నేతలు చర్చించారు. అయితే కేకే ఆదివారం ఢిల్లీ వెళ్లి కాంగ్రెస్‌ పెద్దల సమక్షంలో పార్టీలో చేరనున్నట్టు ప్రచారం జరుగుతోంది.  కడియం శ్రీహరి, కావ్య నేడు చేరే చాన్స్‌!  బీఆర్‌ఎస్‌ ఎమ్మెల్యే కడియం శ్రీహరి, ఆయన కుమార్తె కావ్య కాంగ్రెస్‌ పార్టీలో ఎప్పుడు చేరుతారన్న దానిపై స్పష్టత రాలేదు. శనివారం తన అనుచరులతో సమావేశమైన కడియం.. అందరితో చర్చించి నిర్ణయం తీసుకుంటానని మాత్రమే చెప్పారు. మరోవైపు లోక్‌సభ అభ్యరి్థత్వాల ఖరారు కోసం కాంగ్రెస్‌ కేంద్ర ఎన్నికల కమిటీ (సీఈసీ) ఆదివారం ఢిల్లీలో సమావేశం కానుంది. తెలంగాణలో పెండింగ్‌లో ఉన్న నాలుగు స్థానాలకు అభ్యర్థులను ఈ భేటీలో ఖరారు చేయనున్నట్టు సమాచారం. కడియం కుమార్తె కావ్య వరంగల్‌లో కాంగ్రెస్‌ అభ్యరి్థగా పోటీలో ఉంటారన్న చర్చ నేపథ్యంలో.. శ్రీహరి, ఆయన కుమార్తె కావ్య ఆదివారమే కాంగ్రెస్‌ కండువా కప్పుకొనే అవకాశం ఉందని గాం«దీభవన్‌ వర్గాలు చెప్తున్నాయి. కాగా సీఈసీ సమావేశంలో పాల్గొనేందుకు సీఎం రేవంత్, డిప్యూటీ సీఎం భట్టి విక్రమార్క, మంత్రి ఉత్తమ్‌ ఆదివారం ఢిల్లీ వెళ్లనున్నారు.   కాంగ్రెస్‌లో విజయలక్ష్మి చేరిక  బంజారాహిల్స్‌ (హైదరాబాద్‌): కేకే కుమార్తె, గ్రేటర్‌ హైదరాబాద్‌ మేయర్‌ గద్వాల విజయలక్ష్మి కాంగ్రెస్‌ పార్టీలో చేరారు. శనివారం జూబ్లీహిల్స్‌లో సీఎం రేవంత్‌రెడ్డి క్యాంపు ఆఫీసులో జరిగిన కార్యక్రమంలో.. రాష్ట్ర కాంగ్రెస్‌ వ్యవహారాల ఇన్‌చార్జి దీపాదాస్‌ మున్షీ, సీఎం రేవంత్‌ల సమక్షంలో ఆమె పార్టీ కండువా కప్పుకొన్నారు.

రాష్ట్ర రాజకీయాలు వేడెక్కాయి. కాంగ్రెస్‌ ఆపరేషన్‌ ఆకర్ష్ తో బీఆర్‌ఎస్‌ కీలక నేతలు పార్టీని వీడుతుండటం కలకలం రేపుతోంది. దానం నాగేందర్‌ ఎమ్మెల్యే పదవికి రాజీనామా చేస్తేనే సికింద్రాబాద్‌ ఎంపీగా పోటీకి దింపుతామని కాంగ్రెస్‌ అధిష్టానం తేల్చినట్టు వచ్చిన వార్తలు చర్చనీయాంశంగా మారాయి. దీనికితోడు మంత్రి కోమటిరెడ్డి కూడా దానం ఎమ్మెల్యే పదవికి రాజీనామా చేయకుండా ఎంపీగా పోటీ చేస్తే ఇబ్బందులు వస్తాయని వ్యాఖ్యానించారు. ఇక వచ్చే నెల 6న తుక్కుగూడలో నిర్వహించే సభ, లోక్‌సభ మేనిఫెస్టోపై చర్చించేందుకు టీపీసీసీ ఎగ్జిక్యూటివ్‌ కమిటీ శుక్రవారం భేటీ అయింది. కడియం శ్రీహరి, ఆయన కుమార్తె కావ్యను కలిసిన దీపాదాస్‌ మున్షీ, మల్లురవి, సంపత్‌ కుమార్‌ అంతకుముందు గాం«దీభవన్‌ వేదికగా టీపీసీసీ ప్రచార కమిటీ భేటీ అయింది. ఇక బీఆర్‌ఎస్‌ సెక్రెటరీ జనరల్, ఎంపీ కె.కేశవరావు సీఎం రేవంత్‌తో భేటీ అయ్యారు. కాంగ్రెస్‌లో చేరుతానని ప్రకటించారు. మరోవైపు కాంగ్రెస్‌ రాష్ట్ర ఇన్‌చార్జి దీపాదాస్‌ మున్షీ, మల్లు రవి, ఇతర నేతలు బీఆర్‌ఎస్‌ ఎమ్మెల్యే కడియం శ్రీహరి నివాసానికి వెళ్లి కాంగ్రెస్‌లోకి ఆహ్వనించారు. కె. కేశవరావు కుమార్తె, హైదరాబాద్‌ మేయర్‌ గద్వాల విజయలక్ష్మి శనివారం కాంగ్రెస్‌లో చేరనున్నారు. కడియం శ్రీహరి, ఆయన కుమార్తె కావ్య కూడా చేరేందుకు రంగం సిద్ధమైంది. నర్సాపూర్‌ బీఆర్‌ఎస్‌ మాజీ ఎమ్మెల్యే మదన్‌రెడ్డి కూడా శుక్రవారం ముఖ్యమంత్రి రేవంత్‌రెడ్డిని కలిశారు. – సాక్షి, హైదరాబాద్‌

సాక్షి, సిద్దిపేట: ఎన్నికల వేళ తెలంగాణ రాజకీయాల్లో సంచలన మార్పులు చోటుచేసుకుంటున్నాయి. పార్టీ మారుతారనే ప్రచారం జోరుగా సాగుతున్న వేళ బీఆర్ఎస్ జనరల్ సెక్రటరీ కేశవరావు మాజీ సీఎం కేసీఆర్‌తో భేటీ అయ్యారు. ఎర్రవల్లి ఫామ్‌హౌస్‌లో కేసీఆర్‌ను కలిసిన కేకే పార్టీ మార్పు ప్రచారంపై కేసీఆర్‌కు వివరణ ఇచ్చినట్లు సమాచారం. ఇక సెలవు మరి.! ప్రస్తుత పరిస్థితుల్లో BRSలో ఉండలేనని కే. కేశవరావు చెప్పినట్టు సమాచారం. ఓ రకంగా ఇది కెసిఆర్‌కు మింగుడుపడని విషయం. పార్టీలో కేకేకు ఇచ్చిన ప్రాధాన్యత, పదవుల దృష్ట్యా కేకే శాశ్వతంగా ఉంటారని కెసిఆర్‌ భావించారు కానీ సీన్‌ రివర్స్‌ అయినట్టు తెలుస్తోంది. తన నిర్ణయంపై కెసిఆర్‌తో కొద్దిసేపు చర్చించిన కేకే.. తనకు ఈ పరిస్థితి అనివార్యంగా మారిందని చెప్పినట్టు తెలిసింది. పార్టీ మారుతానని కేశవరావు చెప్పగానే కెసిఆర్‌ తీవ్ర అసహనం వ్యక్తం చేసినట్టు సమాచారం. మరో సారి ఆలోచించుకోవాలని కేకేకు చెప్పినట్టు తెలిసింది. లోపల గరం.. గరం ఫాంహౌస్‌ లోపల అంతా గరంగరంగా సమావేశం జరిగినట్టు తెలిసింది. నేను పుట్టింది కాంగ్రెస్‌లో.. కాంగ్రెస్ లోనే చనిపోతానని తేల్చిచెప్పిన కేకే చెప్పగా.. కెసిఆర్‌ ఆగ్రహం వ్యక్తం చేసినట్టు తెలిసింది. పదేళ్లు అధికారం అనుభవించి ఇప్పుడు పార్టీ వీడతానంటే ఎలా? ప్రజలు అన్నీ గమనిస్తారని కేసీఆర్ మండిపడ్డట్టు సమాచారం. నీకు, నీ ఫ్యామిలీ కి BRS పార్టీ ఏం తక్కువ చేసిందని కేసీఆర్  ప్రశ్నించినట్టు తెలిసింది. కేకే అభ్యంతరాలు ఇవి తెలంగాణ అసెంబ్లీ ఎన్నికల్లో ఎలాంటి ప్లానింగ్ లేకుండా అభ్యర్థులను ఎంపిక చేశారు జాతీయ రాజకీయాల్లో అనవసరంగా తల దూర్చారు TRS పేరును BRSగా మార్చి గాల్లో మేడలు కట్టారు మహారాష్ట్రలో ప్రచారం చేయడం పెద్ద తప్పు అసలు రాజకీయ క్షేత్రం తెలంగాణను వదిలిపెట్టారు పార్టీని నమ్ముకున్న నాయకుల మాటలను పెడచెవిన పెట్టారు కొందరు అధికారులకు ఎక్కడ లేని ప్రాధాన్యత ఇచ్చారు నిర్ణయాధికారాల్లో ప్రజలు ఎన్నుకున్న నాయకుల కంటే అధికారుల మాట విన్నారు కూతురు వెంటే కేకే ఇప్పటికే కాంగ్రెస్‌లో చేరికకు కేకే కూతురు మేయర్ విజయలక్ష్మి రంగం సిద్ధం చేసుకుంది. కేకేను కాంగ్రెస్ ఇంఛార్జ్ దీపాదాస్ మున్షీ పార్టీలోకి ఆహ్వానించిన సంగతి తెలిసిందే. దాంతో ఆయన పార్టీ మారుతారనే ప్రచారాన్ని కేకే నిజం చేయబోతున్నట్టు తెలుస్తోంది. ఇప్పటికే ఆయన వ్యాఖ్యలు దీనికి ఆజ్యం పోశాయి. రాబోయే లోక్‌సభ ఎన్నికల్లో బీఆర్ఎస్ కంటే కాంగ్రెస్, బీజేపీకే అధిక సీట్లు వస్తాయంటూ కేకే చేసిన ప్రకటన సంచలనమయింది. కేసీఆర్‌కు అత్యంత సన్నిహితుడిగా ఉన్న కేకే.. ఏకంగా బీఆర్ఎస్‌ మూడో స్థానంలో ఉండబోతుందంటూ చెప్పడం రాజకీయ వర్గాల్లో హాట్ టాపిక్‌గా మారింది. ఇక ఎర్రవెల్లి ఫామ్ హౌజ్ నుంచి హైదరాబాద్ నివాసానికి చేరుకున్న కేకే..ఇంటివద్ద విజువల్స్ తీస్తున్న మీడియా ప్రతినిధుల పైకి దురుసుగా దూసుకు వచ్చారు. తీసుకుంటారా వీడియా.. నన్ను తీసుకోండి అంటూ ఆక్రోశం వెళ్లగక్కారు. కేసీఆర్‌.. కేకే.. సుదీర్ఘ ప్రయాణం ఉమ్మడి రాష్ట్రానికి పీసీసీ చీఫ్ గా పని చేసిన కేకే.. ఒకప్పుడు కాంగ్రెస్‌లో అత్యంత సీనియర్‌. సోనియాగాంధీకి నమ్మిన బంటులా ఉండేవాడంటారు. తెలంగాణ ఉద్యమ సమయంలో కాంగ్రెస్ పార్టీని వీడి నాటి టీఆర్ఎస్ లో చేరారు. కేకేకు ఏకంగా పార్టీ సెక్రటరీ జనరల్ ఇచ్చారు కేసీఆర్. వరుసగా రెండు సార్లు రాజ్యసభకు పంపించారు కేసీఆర్. పార్టీ పార్లమెంటరీ పార్టీ నేత పదవి కూడా ఇచ్చారు. అభ్యర్ఠుల ఎంపిక కమిటీకి కూడా కేకేనే ఛైర్మన్ గా వ్యవహరించారు. కేకే కూతురు విజయలక్ష్మికి జీహెచ్ఎంసీ మేయర్ పదవిని ఇచ్చారు. పోతూ పోతూ విసుర్లు పార్టీ మారే పరిస్థితి వచ్చిన తర్వాత కేకే తన అసంతృప్తిని బయటపెట్టారు. తానిచ్చిన ఇన్ పుట్స్ ను కేసీఆర్ పట్టించుకోలేదు, బీఆర్ఎస్ కుటుంబ పార్టీగా మారింది. కాళేశ్వరం ప్రాజెక్టు విషయంలో కేసీఆర్ అనవసరంగా జోక్యం చేసుకున్నారని, ఇంజినీర్లు చేయాల్సిన పనిలో తల దూర్చారని, ఆ పని నిపుణులు చేయాల్సిందన్నారు. రాజకీయ వర్గాల సమాచారం ప్రకారం ఏప్రిల్‌ 30న కేకే కాంగ్రెస్‌ పార్టీలో అధికారికంగా చేరుతున్నట్టు తెలిసింది. మా నాన్న సంగతి నాకు తెలియదు : కేకే కొడుకు విప్లవ్‌ "పార్టీ మారే ఆలోచనలో కె.కె,  విజయలక్ష్మి ఉన్నట్టు వస్తున్న వార్తలకు, వారు తీసుకున్న నిర్ణయాలకు సంబంధించి మీడియాలో వచ్చిన వార్తలతో నాకు ఎలాంటి సంబంధం లేదు. నేనే BRSలోనే ఉన్నాను, మా నాయకుడు కేసీఆర్ నాయకత్వంపై నాకు నమ్మకం ఉంది. కేకే, విజయలక్ష్మి కాంగ్రెస్‌లో చేరితే, వారు ధృవీకరిస్తే అప్పుడు మాత్రమే నేను మరింత మాట్లాడగలను." ఇదీ చదవండి: ఇది కాంగ్రెస్‌ తెచ్చిన కరువు: KTR ఆవేదన

Bengali Singer Rupankar Bagchi Issues Apology To KK After Criticised: ప్రముఖ గాయకుడు కృష్ణకుమార్‌ కున్నత్‌ (53) మరణంతో సినీ ఇండస్ట్రీ తీవ్ర శోకంలో మునిగిపోయింది. వివిధ భాషల్లో కలుపుకుని సుమారు 800కు పైనే పాటలు పాడిన ఆయన మే 31 రాత్రి కోల్‌కతాలో ప్రదర్శన తర్వాత గుండెపోటుతో మరణించిన విషయం తెలిసిందే. సంగీతంలో ఎలాంటి శిక్షణ తీసుకోని ఆయన అనేక భాషల్లో పాడి అందరి మనసులను గెలుచుకున్నారు. ఆయన మృతి పట్ల యావత్ సినీ లోకం సంతాపం తెలియజేసింది. అయితే ప్రముఖ బెంగాలీ గాయకుడు, గేయ రచయిత రూపాంకర్‌ బగ్చీ మాత్రం 'ఎవరు ఈ కేకే, ప్రాంతీయ సింగర్‌లను ప్రోత్సహించాలి' అంటూ వీడియో రూపంలో తన అక్కసును వెళ్లగక్కిన విషయం విదితమే. ఆయన మాటలకు అనేక మంది నెటిజన్స్‌ దుమ్మెత్తిపోశారు.  అయితే తాజాగా రూపాంకర్‌ ఈ విషయంపై కేకేకు అతని కుటుంబానికి క్షమాపణలు తెలిపాడు. ఈ విషయాన్ని ప్రెస్‌ మీట్‌ నిర్వహించి బహిరంగంగా క్షమాపణలు కోరాడు. తను పోస్ట్‌ చేసిన వీడియోను కూడా డిలీట్‌ చేసినట్లు పేర్కొన్నాడు. 'కేకే కుటుంబానికి, నా వ్యాఖ్యలతో బాధపడిన ప్రతి ఒక్కరికీ చెప్పాలనుకుంటున్నాను. కేకేతో నాకు ఎలాంటి శత్రుత్వం లేదు. బెంగాలీ పరిశ్రమకు చెందిన వారి కంటే దక్షిణ, పశ్చిమ భారతదేశానికి చెందిన గాయకులకు ఎక్కువ ప్రేమ, గుర్తింపు లభిస్తుందని మాత్రమే నేను చెప్పాలనుకున్నాను.  చదవండి: కేకే ఎవరు? మాలాంటి గొప్ప సింగర్లు మీ కళ్లకు కనిపించడం లేదా? ఇంత విద్వేశానికి గురవుతారని ఊహించలేదు. నా భార్యకు కూడా బెదిరింపు మెస్సేజ్‌లు వస్తున్నాయి. అందుకే కేకే కుటుంబ సభ్యులకు బేషరతుగా క్షమాపణలు చెబుతున్నాను. నేను సోషల్‌ మీడియాలో పోస్ట్‌ చేసిన ఆ వీడియోను కూడా డిలీట్‌ చేశాను. కేకే ఇప్పుడు ఎక్కడ ఉన్న దేవుడు ఆయన ఆత్మకు శాంతి ప్రసాదించాలని మనస్ఫూర్తిగా కోరుకుంటున్నా.' అని ప్రెస్‌మీట్‌లో రూపాంకర్‌ బగ్చీ తెలిపాడు.  

ప్రముఖ సింగర్‌ కృష్ణకుమార్‌ కున్నత్‌ మరణం సినీ, సంగీతప్రియులను తీవ్ర విషాదంలోకి నెట్టివేసింది. మంగళవారం రాత్రి కోల్‌కతాలో ప్రదర్శన ఇచ్చిన అనంతరం హోటల్‌ గదిలోకి వెళ్లిన కేకే ఛాతీలో భారంగా ఉందంటూనే కుప్పకూలిపోయారు. ఆసుపత్రికి తీసుకెళ్లగా వైద్యులు గుండెపోటుతో మరణించినట్లు ధృవీకరించారు. అయితే సకాలంలో సీపీఆర్‌ (కార్డియో పల్మనరీ రిససిటేషన్‌) చేసుంటే కేకే బతికేవారని ఓ వైద్యుడు పేర్కొన్నారు. గురువారం కేకే పార్థివదేహానికి పోస్ట్‌మార్టం చేసిన వైద్యుడు మీడియాతో మాట్లాడుతూ.. 'కేకే గుండెలోని ఎడమ ధమనిలో పెద్ద బ్లాక్‌ ఏర్పడింది. ఇతర నాళాల్లో కూడా చిన్నచిన్న బ్లాక్స్‌ ఉన్నాయి. లైవ్‌ షోలో తీవ్ర ఉద్వేగానికి లోనవడంతో రక్త ప్రసరణ ఆగిపోయి గుండెపోటు వచ్చింది. కేకే జనాలతో కలిసి డ్యాన్స్‌ చేస్తూ పాడుతూ బాగా ఎగ్జయిట్‌ అయ్యాడు. తీవ్ర ఉద్వేగానికి లోనయినప్పుడు రక్త ప్రసరణ కొన్ని క్షణాల పాటు ఆగిపోయి గుండె నెమ్మదిగా కొట్టుకుంటుంది. ఆ సమయంలోనే అతడికి గుండెపోటు వచ్చింది. కానీ అతడు స్పృహ తప్పి కింద పడిపోయిన వెంటనే ఎవరైనా సీపీఆర్‌(గుండె మీద చేతులతో నొక్కడం) చేసుంటే బతికే ఛాన్స్‌ ఉండేది. అతడికి చాలాకాలంగా గుండె సంబంధిత సమస్యలు ఉన్నప్పటికీ వాటిని నిర్లక్ష్యం చేశాడు' అని పేర్కొన్నాడు. సీపీఆర్‌ ఇలా..  గుండెపోటుకు గురైన లేదా అకస్మాత్తుగా కుప్పకూలి గుండె ఆగిపోయిన (కార్డియాక్‌ అరెస్ట్‌ అయిన) వ్యక్తికి కార్డియో పల్మనరీ రిససిటేషన్‌ (సీపీఆర్‌) చేయడం ద్వారా గుండెను మళ్లీ స్పందించేలా చేయవచ్చు. వ్యక్తి స్పృహ తప్పి పడిపోయిన 3–4 నిమిషాల్లో సీపీఆర్‌ చేయడం వల్ల ప్రాణాపాయం నుంచి బయటపడటానికి 60 నుంచి 70% అవకాశం ఉంటుందని వైద్యులు చెబుతున్నారు. సీపీఆర్‌ ప్రక్రియలో భాగంగా గుండెమీద చేతులతో లయబద్ధంగా వెంటవెంటనే తగినంత ఒత్తిడితో నొక్కాలి. తద్వారా గుండె కండరాలన్నిటినీ ఉత్తేజితం చేసి మెదడుకు అవసరమైన రక్తం మళ్లీ అందేలా చేయవచ్చు. ఓ వైపు సీపీఆర్‌ చేస్తూనే అంబులెన్స్‌ను రప్పించి ప్రాథమిక చికిత్స అందిస్తూ ఆస్పత్రికి తరలిస్తే బాధితులు బతకడానికి అవకాశాలు ఉంటాయి. చదవండి: పాటలు పాడడానికే పుట్టాడు.. 'గుర్తుకొస్తున్నాయి.. గుర్తుకొస్తున్నాయి' కేకే ఎవరు? మాలాంటి గొప్ప సింగర్లు మీ కళ్లకు కనిపించడం లేదా?

కోల్‌కతా: ప్రముఖ బాలీవుడ్‌ గాయకుడు కేకే అకాల మర ణంపై రాజకీయ రగడ జరుగుతోంది. మంగళవారం రాత్రి కోల్‌కతాలో ప్రదర్శన అనంతరం హోటల్‌ చేరుకుంటూనే ఆయన ఒక్కసారిగా కుప్పకూలడం తెలిసిందే. ప్రదర్శనకు పశ్చిమబెంగాల్‌ ప్రభుత్వం సరైన ఏర్పాట్లు చేయకపోవడమే ఇందుకు కారణమని బీజేపీ ఆరోపించింది. దీనిపై లోతుగా దర్యాప్తు జరగాలని డిమాండ్‌ చేసింది. ‘‘మూడు వేల మంది పట్టే ఆడిటోరియంలో రెట్టింపుకు పైగా జనం వచ్చారు. కేకేను పూర్తిగా చుట్టుముట్టారు’’ అని బీజేపీ రాష్ట్ర అధికార ప్రతినిధి సమిక్‌ భట్టాచార్య ఆరోపించారు. అనవసరంగా రాబందు రాజకీయాలు చేయొద్దంటూ అధికార తృణమూల్‌ కాంగ్రెస్‌ పార్టీ వీటిని తిప్పికొట్టింది. కేకే మృతికి గుండెపోటే కారణమని పోస్టుమార్టం ప్రాథమిక నివేదికలో తేలినట్టు పోలీసులు చెప్పారు. దర్యాప్తు జరుగుతోందన్నారు. ‘‘మంగళవారం రాత్రి ప్రదర్శన తర్వాత హోటల్‌ లాబీల్లో ఆయనను అభిమానులు భారీగా చుట్టుముట్టారు. ఒకరిద్దరితో సెల్ఫీ దిగాక పై అంతస్తులోని తన గదిలోకి వెళ్లబోతూ తూలి పడిపోయారు’’ అని వివరించారు. ఆయన నుదిటిపై, పెదవులపై రెండు గాయాలున్నాయన్నారు. సీఎం మమతా బెనర్జీ ఆయన భౌతికకాయాన్ని సందర్శించి నివాళులు అర్పించారు. గొప్ప గాయకున్ని కోల్పోయామన్నారు. భార్య, ఇతర కుటుంబీకులను ఓదార్చారు. కేకే అంత్యక్రియలు ముంబైలో జరగనున్నాయి.    

ప్రముఖ సింగర్‌ కేకే (కృష్ణకుమార్‌ కున్నత్‌) మంగళవారం రాత్రి మరణించిన సంగతి తెలిసిందే. ఆయన హాఠాన్మరణం సినీ పరిశ్రమలో మరోసారి విషాదం చోటుచేసుకుంది. సిద్ధూ మూసేవాలా హత్యోదంతం జరిగిన రెండు రోజులకే మరో ప్రముఖ గాయకుడి అకాల మరణం యావత్ సినిమా ప్రపంచాన్ని షాక్ కు గురిచేసింది. ఆయన మృతి సినీ, రాజకీయ ప్రముఖులు నివాళులు అర్పిస్తున్నారు. ఇక బాలీవుడ్‌ హీరో అక్షయ్‌ కుమార్‌ కేకే మృతిపై ఆవేదన వ్యక్తం చేశారు.  ‘నా కెరీర్‌లో కేకే కూడా ఒక భాగం. నేను చేసిన చిత్రాలకు సంబంధించిన ఎన్నో పాటలకు స్వరాన్ని అందించారు. Dear KK ..what’s the hurry buddy ..gifted singers and artists like you made this life more bearable..#RIPKK — A.R.Rahman (@arrahman) June 1, 2022 ఆయన ఆలపించిన ‘తూ బోలా జైసే’ పాట వల్లే ఎయిర్ లిఫ్ట్ మూవీ క్లైమాక్స్ చక్కగా వచ్చింది. గత రాత్రి జరిగిన ఘటన నిజంగా షాకింగ్‌గా ఉంది’ అని పేర్కొన్నారు. అలాగే బాలీవుడ్‌ సింగర్‌ విశాల్‌ దడ్లానీ తీవ్ర దిగ్భ్రాంతీ వ్యక్తం చేస్తున్నారు. కేకే మరణవార్త తెలిసినప్పటి నుంచి ఆయన వరుస ట్వీట్స్‌ చేస్తూ ఆవేదన వ్యక్తం చేస్తున్నారు. ఈ సందర్భంగా ఆయన మీడియా మిత్రలకు, సన్నిహితలకు ఓ విజ్ఞప్తి చేశారు. ‘స్నేహితులకు, మీడియా మిత్రలకు నా విన్నపం ఏంటంటే. కేకే గురించి మాట్లాడమని గాని, స్టేట్‌మెంట్‌ ఇవ్వమని గాని నన్ను అడగకండి ప్లీజ్‌. ఎందుకంటే ప్రస్తుతం ఆయన గురించి నేను మాట్లాడే పరిస్థితుల్లో లేను. నాకంత శక్తి కూడా లేదు’ అంటూ రాసుకొచ్చారు. A request to friends from the media. Please don't call me for statements about #KK. I can't speak about him in the past tense, I simply don't have the strength for that. 🙏🏽 — VISHAL DADLANI (@VishalDadlani) June 1, 2022 వీరితో పాటు పలువకు బాలీవుడ్‌ హీరోలు, మ్యూజిక్‌ డైరెక్టర్‌ ఏఆర్‌ రెహమాన్‌ తదితరులు సంతాపం ప్రకటించారు. కాగా కేకే 1968లో ఢిల్లీలో జన్మించారు. కేకే మృతికి ప్రధాని నరేంద్ర మోదీ, పశ్చిమబెంగాల్ సీఎం మమతా బెనర్జీ, కాంగ్రెస్ అధినేత్రి సోనియా వంటి తదితర ప్రముఖులు సంతాపం వ్యక్తం చేశారు. కలతాలోని నజ్రుల్ మంచ్ వద్ద మంగళవారం రాత్రి ప్రదర్శన ఇచ్చిన అనంతరం కేకే అస్వస్థతకు గురి కాగా, ఆయన్ను సీఎంఆర్ఐ హాస్పిటల్ కు తరలించారు. కాని, అప్పటికే ఆయన మరణించినట్టు వైద్యులు ప్రకటించడం తెలిసిందే. కేకే మృతిని అసహజ మరణం కేసుగా నమోదు చేసి పోలీసులు దర్యాప్తు చేస్తున్నారు.  So sad to hear about KK’s death. He sang the first song of my first film. A great friend since then. Why so early, KK, why? But you have left behind a treasure of a playlist. Very difficult night. ॐ शांति। Artists like KK never die. pic.twitter.com/MuOdAkEOJv — Vivek Ranjan Agnihotri (@vivekagnihotri) May 31, 2022 When beautiful voices are stopped in full flow, the universe loses a lifeline. In shock over the tragic deaths of two singing legends #sidhumoosewala & #KK. Numbed at the unfathomable loss 🙏 #RIPLegends. #RIPKK #RIPLegend #KKPassesAway #KrishnakumarKunnath #SidhuMooseWalaDeath pic.twitter.com/j7POeYmMBq — Suniel Shetty (@SunielVShetty) June 1, 2022 View this post on Instagram A post shared by Ranveer Singh (@ranveersingh)

ప్రముఖ గాయకుడు కృష్ణకుమార్‌ కున్నత్‌ (53) మరణంతో సినీ ఇండస్ట్రీ తీవ్ర శోకంలో మునిగిపోయింది. వివిధ భాషల్లో కలుపుకుని సుమారు 800కు పైనే పాటలు పాడిన ఆయన మే 31 రాత్రి కోల్‌కతాలో ప్రదర్శన తర్వాత గుండెపోటుతో మరణించారు. వేలాది యాడ్స్‌కు సైతం తన గొంతును సవరించిన ఆయన పెళ్లి పేరంటాల్లో మాత్రం పాడేందుకు నో చెప్పారట. 2008లో హిందుస్తాన్‌ టైమ్స్‌కు ఇచ్చిన ఇంటర్వ్యూలో ఆయనే స్వయంగా ఈ విషయాన్ని బయటపెట్టారు. మీరు ఇప్పటివరకు ఏదైనా ఆఫర్స్‌కు నో చెప్పారా? అన్న ప్రశ్నకు కేకే స్పందిస్తూ.. 'అవును, పెళ్లి కార్యక్రమాల్లో పాడమని అడిగితే కుదరదని చెప్పేశా. కోటి రూపాయలిస్తామన్నారు, అయినా సరే పాడనని కుండ బద్ధలు కొట్టేశా. పైసల కోసం నేను నటించలేను. కొన్ని సంవత్సరాల క్రితం ఓ సినిమాలోనూ ఛాన్స్‌ వచ్చింది కానీ పాయింట్‌ బ్లాక్‌లో నో చెప్పాను' అని చెప్పుకొచ్చారు. కాగా కేకే తెలుగు, తమిళ, మలయాళ, కన్నడ, మరాఠీ, బెంగాలీ, హిందీ సహా పలు భాషల్లో ఆలపించారు. చదవండి: ఎవరీ కేకే, ఆయనకంటే మేమే బాగా పాడతామన్న సింగర్‌.. నెట్టింట ట్రోలింగ్‌  సింగర్‌ కేకే మృతిపై అనుమానాలు.. ముఖంపై గాయాలు!  సీక్రెట్‌ ఎంగేజ్‌మెంట్‌, కాబోయే భర్త ఫొటోను షేర్‌ చేసిన పూర్ణ

సంగీతంలో ఎలాంటి శిక్షణ తీసుకోలేదు. కానీ ఆయన గొంతు సవరించుకుని పాడే పాటలకు దేశమే ఫిదా అయింది. సౌత్‌ నుంచి నార్త్‌ దాకా ఎన్నో భాషల్లో పాటలు పాడి అందరి మనసులు గెలుచుకున్నారు. ప్రేమగీతాల కంటే విరహ గీతాలతోనే బాగా పాపులర్‌ అయ్యారు. కానీ అర్ధాంతరంగా ఆయన గొంతు మూగబోయింది. సింగర్​ కేకే అలియాస్​ కృష్ణకుమార్​ కున్నాత్‌ (53) మంగళవారం రాత్రి కోల్​కతా ప్రదర్శన తర్వాత​ గుండెపోటుతో కన్నుమూశారు.  కేకే మృతి చెందడానికి కొన్ని గంటల ముందు బెంగాలీకి చెందిన సింగర్‌ రూపాంకర్‌ బగ్చీ అనుచిత వ్యాఖ్యలు చేశాడు. అసలు కేకే ఎవరు? ఆయన్ను కీర్తిస్తున్నారెందుకు? మాలాంటి గొప్ప సింగర్లు మీ కళ్లకు కనిపించడం లేదా? అంటూ ఫేస్‌బుక్‌ లైవ్‌లో మండిపడ్డాడు. దీంతో ఈయన శాపనార్థాలే కేకే మృతికి కారణమయ్యాయంటూ సోషల్‌ మీడియాలో నెటిజన్లు మండిపడుతున్నారు. ఫేస్‌బుక్‌ లైవ్‌లో రూపాంకర్‌ మాట్లాడుతూ.. 'కోల్‌కతాలో కేకే షో ఉందనగానే ఎక్కడలేని ఎగ్జయిట్‌మెంట్‌ కనిపిస్తోంది. నేను, అనుపమ్‌ రామ్‌, సోమత, ఎమాన్‌ చక్రవర్తి, ఉజ్జయినీ ముఖర్జీ, కాక్టస్‌, ఫాజిల్స్‌, రూపమ్‌ ఇస్లామ్‌.. ఇంకా మరెందరో కోల్‌కతాకు చెందిన ఆర్టిస్టులు కేకే కంటే బాగా పాడతారు. మరి మా గురించి మీరెందుకు అంత ఎగ్జయిట్‌ అవరు? కారణమేంటో చెప్పండి. అసలు కేకే ఎవరు? అలాంటి వాళ్లకంటే మేము చాలా చాలా బాగా పాడతాం. నేను పైన చెప్పిన వారందరూ కేకే కంటే ఉత్తమంగా ఆలపించేవాళ్లే. దయచేసి ప్రాంతీయ గాయకులను ప్రోత్సహించండి. బెంగాలీవాసులుగా మసులుకోండి' అని చెప్తూ లైవ్‌ ముగించాడు. ఈ లైవ్‌ జరిగిన కాసేపటికే కేకే మరణించడంతో అతడి ఫ్యాన్స్‌ రూపాంకర్‌పై ఫైర్‌ అవుతున్నారు. 'మరీ అంత అసూయనా, మీ శాపనార్థాల వల్లే ఆయన ఉసురు పోయింది', 'నిన్ను జైల్లో వేయాలి' అంటూ ఆగ్రహంతో కామెంట్లు చేస్తున్నారు. అయితే దీనిపై రూపాంకర్‌ స్పందిస్తూ.. తాను కేవలం బెంగాలీ సంగీత సాహిత్యాన్ని ఆదరించకుండా పోతున్న ధోరణిపైనే ఆవేదన వ్యక్తం చేశానని కానీ అందరూ కేకే గురించి అన్నమాటలనే పట్టించుకుంటున్నారని చెప్పుకొచ్చాడు. చదవండి:  సింగర్‌ కేకే హఠాన్మరణం: విరహ గీతాలతో కోట్ల హృదయాలను కొల్లగొట్టి..​ సింగర్‌ కేకే మృతిపై అనుమానాలు.. ముఖంపై గాయాలు!

ప్రముఖ సింగర్‌ కేకే (కృష్ణకుమార్‌ కున్నత్‌) హఠాన్మరణం యవత్‌  దేశంలోని సంగీతాభిమానులను, సినీ పరిశ్రమను తీవ్ర విషాదంలోకి నెట్టేసింది. ఆయన మృతిపై అన్ని పరిశ్రమలకు చెందిన పలువురు సినీ, రాజకీయ ప్రముఖులు సంతాపం తెలియచేస్తూ నివాళులు అర్పిస్తున్నారు. తాజాగా ఆయన మృతి టాలీవుడ్‌ మెగాస్టార్‌ చిరంజీవి సంతాపం తెలిపారు. ఈ మేరకు ఆయన ట్వీట్‌ చేస్తూ.. ‘కేకే మరణ వార్త నన్ను ఎంతో దిగ్భ్రాంతికి గురి చేసింది. అద్భుతమైన గాయకుడు, గొప్ప వ్యక్తి. కేకే నా కోసం ‘ఇంద్ర’లోని ‘దాయి దాయీ దామా’ పాట పాడారు. ఆయన కుటుంబానికి, సన్నిహితులకు, ప్రియమైన వారికి నా హృదయపూర్వక సానుభూతి. అతని ఆత్మకు శాంతి కలుగుగాక’ అంటూ చిరంజీవి నివాళులు అర్పించారు. చదవండి: సింగర్‌ కేకే మృతిపై అనుమానాలు.. ముఖంపై గాయాలు! Heartbroken at the shocking demise of KK. Gone too soon! A fabulous singer and a great soul.He sang ‘Daayi Daayi Daama’ from ‘Indra’ for me. My heartfelt condolences to his family & near and dear ones. May his soul rest in peace! #RIPKK — Chiranjeevi Konidela (@KChiruTweets) June 1, 2022 అలాగే మహేశ్‌ బాబు, రామ్‌ చరణ్‌ వంటి హీరోలు కేకే మృతికి సంతాపం తెలియజేశారు. ‘కేకే అకాల మరణం నన్ను షాక్‌కు గురిచేసింది. ఆయన ఒక గొప్ప గాయకుడు. అతని కుటుంబానికి,  సన్నిహితులకు, ప్రియమైన వారికి నా హృదయపూర్వక సానుభూతి. ఆయన ఆత్మకు శాంతి కలుగుగాక’ అంటూ మహేశ్‌ సంతాపం ప్రకటించారు. అలాగే రామ్‌ చరణ్‌, పవన్‌ కల్యాణ్‌లు కూడా కేకే మృతి నివాళులు అర్పించారు.  చదవండి: విపరీతమైన చెమటలు.. కేకే ఆఖరి వీడియో వైరల్‌ Shocked and saddened by KK's untimely demise! One of our finest singers... Heartfelt condolences to his family and loved ones. May his soul rest in peace 🙏🙏 — Mahesh Babu (@urstrulyMahesh) June 1, 2022 ‘కె.కె.గా సుపరిచితులైన ప్రముఖ గాయకుడు శ్రీ కృష్ణకుమార్ కున్నత్ గారి అకాల మరణం బాధ కలిగించింది. సినీ సంగీత ప్రపంచంలో తనకంటూ ప్రత్యేక బాణీని కలిగిన గాయకుడు శ్రీ కె.కె. గారు. ఆయన ఆత్మకు శాంతి చేకూరాలని భగవంతుణ్ణి ప్రార్థిస్తున్నాను. నా చిత్రాల్లో ఆయన ఆలపించిన గీతాలు అభిమానులను, సంగీత ప్రియులను అమితంగా మెప్పించాయి. ఖుషీ చిత్రం కోసం ‘ఏ మేరా జహా’ గీతం అన్ని వయసులవారికీ చేరువైంది. అందుకు శ్రీ కె.కె. గారి గాత్రం ఓ ప్రధాన కారణం’ అంటూ నటుడు పవన్‌ కల్యాణ్‌ ప్రకటన విడుదల చేశారు.   With a heavy heart, I extend my condolences to KK ‘s family and fans 🙏 Your voice will remain in our hearts forever. Rest in peace KK 🙏 — Ram Charan (@AlwaysRamCharan) June 1, 2022

KK Demise: KK Sweating Badly At Concert Video Goes Viral: ప్రముఖ సింగర్‌ కేకే (కృష్ణకుమార్‌ కున్నత్‌) మృతిపై పోలీసులు ఇంకా ఓ కొలిక్కి రాలేదు. మంగళవారం రాత్రి కోల్‌కతాలో ప్రదర్శన తర్వాత ఆయన గుండెపోటుతో కన్నుమూశారనే ప్రకటన మాత్రమే ఇప్పటిదాకా అందరికీ తెలుసు. అయితే.. కేకే చివరిసారిగా ప్రదర్శన ఇచ్చే సమయంలో తీవ్ర ఇబ్బందికి లోనయ్యారు. కోల్‌కతా నజ్రుల్‌ మంచాలోని గురుదాస్‌ కాలేజ్‌ వద్ద జరిగిన కాన్సెర్ట్‌లో పాల్గొన్నారు కేకే. అయితే ఆ సమయంలో ఆయన చాలా ఇబ్బందికి లోనయ్యారు. వేదిక క్లోజ్డ్‌ హాల్‌. ఫ్యాన్‌, ఏసీ సదుపాయాలు లేకపోవడంతో విపరీతమైన చెమటలు పోసి ఇబ్బందిపడ్డారు. ఒకానొక టైంలో భరించలేక కిందకు దిగి నిర్వాహకులకు స్వయంగా ఆయనే ఇబ్బందిపై ఫిర్యాదు కూడా చేశారు.  అయినా నిర్వాహకులు సరిగా స్పందించలేదు. దీంతో ఇబ్బంది పడుతూనే ఆయన గంటపాటు ప్రదర్శన పూర్తి చేశారు. ఆ తర్వాత హోటల్‌ ఒబెరాయ్‌ గ్రాండ్‌కు చేరుకుని ఛాతీలో భారంగా ఉందని తన సిబ్బందికి తెలిపారాయన. అలా చెబుతూనే కుప్పకూలిన ఆయన్ని.. ఓ ప్రైవేట్‌ ఆస్పత్రికి తరలించారు. అయితే అప్పటికే ఆయన మృతి చెందినట్లు వైద్యులు ప్రకటించారు. గుండె పోటుతోనే మృతి చెంది ఉంటారని వైద్యులు చెబుతున్నారు. అయితే పోలీసులు మాత్రం అసహజ మరణం కిందే కేసు నమోదు చేసుకోవడం విశేషం. ప్రస్తుతం ఆయన మృతదేహాన్ని  సీఎంఆర్‌ఐ ఆస్పత్రిలో ఉంచారు. శవ పరీక్ష పూర్తి అయితేనే ఆయన మృతికి గల అసలు కారణం తెలిసేది.  చదవండి: ఆయన పాటలు అనేక భావోద్వేగాలను పలకించేవి: ప్రధాని మోదీ ఇదిలా ఉంటే కేకే చెమటలు పట్టిన ముఖాన్ని తుడుచుకుంటున్న వీడియో నెట్టింట హల్‌చల్‌ చేస్తుంది. ఈ వీడియో చూసిన కేకే అభిమానులు ఆయన మరణానికి నిర్వహకుల నిర్లక్ష‍్యమే కారణంగా ఎత్తిచూపుతున్నారు. 'అక్కడ ఏసీ లేదు. వేడి, డీహైడ్రేషన్‌ వల్లే స్ట్రోక్స్‌, కార్డియాక్ అరెస్ట్‌లు సంభవిస్తాయి' అని ఒక అభిమాని ట్వీట్‌ చేశాడు. 'ఆ కాన్సెర్ట్‌లో పాల్గొనకపోతే కేకే బతికి ఉండేవాడు. కేవలం ఆయన తన అభిమానుల కోసమే ప్రదర్శన ఇచ్చారు. నిర్వాహణ లోపం కారణంగా మనం ఒక రత్నాన్ని కోల్పోయాం' అని మరో అభిమాని ఆవేదన వ్యక్తం చేశాడు.  చదవండి: సింగర్‌ కేకే హఠాన్మరణం: విరహ గీతాలతో కోట్ల హృదయాలను కొల్లగొట్టి..​ AC wasn't working at Nazrul Mancha. he performed their and complained abt it bcoz he was sweating so badly..it wasnt an open auditorium. watch it closely u can see the way he was sweating, closed auditorium, over crowded, Legend had to go due to authority's negligence. Not KK pic.twitter.com/EgwLD7f2hW — WE जय (@Omnipresent090) May 31, 2022

ప్రముఖ బాలీవుడ్‌ సింగర్‌ కృష్ణకుమార్​ కున్నాత్‌ అలియాస్‌ కేకే(53) మృతిపై పోలీసులు అనుమానాలు వ్యక్తం చేస్తున్నట్లు తెలుస్తోంది. కేకే హఠాన్మరణంపై అనుమానాస్పద మృతిగా కేసు నమోదు చేసిన పోలీసులు.. ఆయన పాల్గొన్న స్టేజ్‌ షో దగ్గరి సీసీ పుటేజ్‌ని స్వాదీనం చేసుకొని పరిశీలిస్తున్నారు. సింగర్‌ కేకేది అసహజ మరణం అని పోలీసులు భావిస్తున్నట్లు సమాచారం. సరైన వసతులు లేకపోవడం వల్లే కేకే మరణించారని పశ్చిమ బెంగాల్‌ బీజేపీ నేతలు ఆరోపిస్తున్నారు. మరోవైపు కేకే ముఖంపై గాయాలు ఉన్నట్లుగా వార్తలు వినిపిస్తున్నాయి. దీనిపై పోలీసులు ఇంకా స్పందించలేదు. కుటుంబ సభ్యులు వచ్చిన తర్వాత మరిన్ని వివరాలు తెలిసే అవకాశం ఉంది.  (చదవండి: సింగర్‌ కేకే హఠాన్మరణం: విరహ గీతాలతో కోట్ల హృదయాలను కొల్లగొట్టి..​) కాగా, కోల్‌కతాలో ఒక ప్రదర్శన కోసం వెళ్లిన  కేకే మంగళవారం అర్థరాత్రి అకస్మాత్తుగా చనిపోయారు. ప్రదర్శన అనంతరం హోటల్‌ గదిలోకి వెళ్లిన కేకే.. గుండెపోటుకు గురవడంతో కలకత్తా మెడికల్‌ రీసెర్చ్‌ ఇన్‌స్టిట్యూట్‌కి తరలించగా.. అప్పటికే మరణించినట్లు వైద్యులు ధ్రువీకరించారు. కేకేగా ప్రసిద్దుడైన ఆయన ఎమోషనల్‌ సాంగ్స్‌కు పెట్టింది పేరుగా మారాడు. హిందీతో పాటు తెలుగు, కన్నడ, మలయాళం, మరాఠీ, బెంగాలీ తదితర భాషల్లో ఏన్నో పాటలు పాడారు. తెలుగులో 20కి పైగా సూపర్‌ హిట్‌ సాంగ్స్‌తో సినీ ప్రియుల మనసు గెలుచుకున్నాడు. ఫీల్‌ మై లవ్‌(ఆర్య), చెలియ చెలియా(ఘర్షణ), దాయి దాయి దామ్మా(ఇంద్ర) ఏ మేరా జహా(ఖుషి)వంటి పలు పాటలను ఆయన ఆలపించాడు. కేకే మృతికి ప్రధాని నరేంద్ర మోదీ సంతాపం తెలిపారు.అక్షయ్‌ కుమార్‌తో సహా పలువురు సినీ ప్రముఖులు విచారం వ్యక్తం చేశారు.

PM Narendra Modi Akshay Kumar Condolence On Singer KK Death: బాలీవుడ్‌ చిత్ర పరిశ్రమలో మరో విషాదం నెలకొంది. పాపులర్‌ ప్లేబ్యాక్‌ సింగర్‌ కేకే (కృష్ణకుమార్ కున్నత్) హఠాన్మరణం చెందారు. కోల్‌కతాలో ఓ స్టేజ్ షోలో పాల్గొన్న అనంతరం కేకే తాను బస చేస్తున్న హోటల్‌ గదిలో కుప్పకూలి మరణించినట్లు సమాచారం. కేకే తన ఆఖరి ప్రోగ్రాంకు సంబంధించిన ఫొటోల‌ను సోష‌ల్ మీడియాలో పోస్ట్ చేశారు. 53 ఏళ్ల కేకే గత మూడు దశాబ్దాల్లో హిందీ, తమిళ, తెలుగు, కన్నడ, బెంగాలీ భాషల్లో అనేక హిట్‌ గీతాలను ఆలపించారు. కేకే హఠాన్మరణం మరణం పట్ల ప్రధాని మోదీతోపాటు బాలీవుడ్‌ హీరో అక్షయ్‌ కుమార్‌ దిగ్భ్రాంతి వ్యక్తం చేశారు.   #WATCH | Singer KK died hours after a concert in Kolkata on May 31st. The auditorium shares visuals of the event held some hours ago. KK was known for songs like 'Pal' and 'Yaaron'. He was brought dead to the CMRI, the hospital told. Video source: Najrul Manch FB page pic.twitter.com/YiG64Cs9nP — ANI (@ANI) May 31, 2022 'కేకేగా ప్రసిద్ధి చెందిన ప్రముఖ గాయకుడు కృష్ణకుమార్ కున్నాత్‌ అకాల మరణం దిగ్భ‍్రాంతికి గురి చేసింది. ఆయన పాటలు అన్ని రకాల వయసుల వారికి అనేక రకాల భావోద్వేగాలను ప్రతిబింబించేలా చేశాయి. కేకే పాటలు మనకు ఎప్పటికీ గుర్తుంటాయి. ఆయన కుటుంబసభ్యులకు, అభిమానులకు నా ప్రగాఢ సంతాపం. ఓం శాంతి.' అని ప్రధానమంత్రి నరేంద్ర మోదీ ట్వీట్‌ చేశారు. 'కేకే హఠాన్మరణం వార్త విని చాలా షాక్‌కు గురయ్యాను. చాలా బాధగా ఉంది. తీరని లోటు ఇది. ఓం శాంతి.' అని అక్షయ్‌ కుమార్‌ పేర్కొన్నారు. వీరితోపాటు దర్శక నిర్మాత కరణ్‌ జోహార్‌, సింగర్స్‌ ప్రీతమ్‌, జుబిన్ నటియాల్, ఆర్మాన్‌ మాలిక్‌, శ్రేయ ఘోషల్ విచారం వ్యక్తం చేశారు.  చదవండి: సింగర్‌ కేకే హఠాన్మరణం: విరహ గీతాలతో కోట్ల హృదయాలను కొల్లగొట్టి..​ Saddened by the untimely demise of noted singer Krishnakumar Kunnath popularly known as KK. His songs reflected a wide range of emotions as struck a chord with people of all age groups. We will always remember him through his songs. Condolences to his family and fans. Om Shanti. — Narendra Modi (@narendramodi) May 31, 2022 Extremely sad and shocked to know of the sad demise of KK. What a loss! Om Shanti 🙏🏻 — Akshay Kumar (@akshaykumar) May 31, 2022 Heartbreaking news on the sudden passing away of such an incredible talent…. RIP KK…💔 the entertainment world has lost a true artist today….Om Shanti 🙏 pic.twitter.com/SiKQutPJVO — Karan Johar (@karanjohar) May 31, 2022 In utter shock. Just heard about KK . Someone please tell me it's not true — Pritam (@ipritamofficial) May 31, 2022 Black year for Indian music. Lata didi, bappi da, sidhu paaji and now KK sir. These losses.. all of them feel so personal. — ARMAAN MALIK (@ArmaanMalik22) May 31, 2022 One and only . KK 😔 . — Jubin Nautiyal (@JubinNautiyal) May 31, 2022 My deepest sincerest condolences. His golden, soulful voice echoes in all our hearts. Rest in peace dear #KK🙏🏻💔 — Shreya Ghoshal (@shreyaghoshal) May 31, 2022 Singer KK never smoked or drank! Led the most simple non controversial non media hyped life. Complete family man. Jab bhi mujhe mile he met with so much of love & kindness. God! Too unfair! OM SHANTI. — RAHUL VAIDYA RKV (@rahulvaidya23) May 31, 2022

Singer KK Death: ప్రేమ గీతాల​ కంటే విరహ గీతాల్లోనే ఓ భావోద్వేగం ఉంటుంది. కృష్ణకుమార్​ కున్నాత్‌ అలియాస్‌ కేకే.. అలాంటి విషాద విరహ గీతాలతోనే ఎక్కువగా సినీ సంగీత ప్రియుల్ని ఆకట్టుకున్నారు. హుషారెత్తించే గీతాల కంటే ప్రేమ, విరహ గీతాలతోనే ఆయన పాటలు ఎక్కువగా మారుమోగుతుంటాయి. భారత సినీ సంగీత ప్రపంచంలో మరో గొంతుక.. హఠాత్తుగా మూగబోయింది. సింగర్​ కేకే అలియాస్ కాయ్‌ కాయ్‌ అలియాస్‌​ కృష్ణకుమార్​ కున్నాత్‌(53) మంగళవారం రాత్రి కోల్​కతా ప్రదర్శన తర్వాత​ గుండెపోటుతో కన్నుమూశారు. ఈ వార్త సినీ ప్రపంచంతో పాటు ఆయన అభిమానులను దిగ్భ్రాంతికి గురి చేసింది.  బాలీవుడ్​తో పాటు తమిళ్​, తెలుగు, కన్నడ, మరాఠీ, బెంగాళీ, అస్సామీ, గుజరాతీ,  మలయాళంలోనూ 800 దాకా పాటలు పాడారు ఆయన. అయితే అరకోర స్టేజ్​ షోలు తప్ప.. సినీ వేదికలపై ఆయన ఎక్కువగా కనిపించకపోవడానికి కారణం ఏంటో తెలుసా?  సింగర్​ కేకే.. ఈ పేరు వినడమే తప్ప ఈయన్ని ప్రముఖంగా తెర మీద చూసిన వాళ్లు చాలా తక్కువ. తొంభైవ దశకం మధ్య నుంచి​ 2000 దశకం మధ్య వరకు.. కేవలం సింగర్​ కేకే అనే పేరును లేబుల్స్‌పై చూడడం తప్పించి ఎలా ఉంటారో తెలియదంటే అతిశయోక్తి కాదు.  ఎందుకంటే.. సింగర్​ అంటే ప్రముఖంగా జనాలకు కనిపించాలా?.. అని ఎదురు ప్రశ్నించే వ్యక్తి ఆయన. సింగర్​ అంటే వినిపిస్తే చాలని నమ్మిన వ్యక్తి ఆయన.  కేవలం గాత్రం తోనే మూడు దశాబ్దాల పాటు భారత సంగీత ప్రపంచంలోనే గడిపాడు ఆయన. ఆ తర్వాత సినీ సంగీత ప్రపంచంలో వచ్చిన మార్పులు, అరకోర అవకాశాలు తదితర పరిస్థితులతో.. ఆయన తరచూ స్టేజ్​ షోలపై కనిపిస్తూ వస్తున్నాడు. అలాంటి గాత్రం మూగబోయిందన్న వార్త ఇప్పుడు ఆయన అభిమానులకు సహించడం లేదు.  యాడ్స్​ వాయిస్​ అడ్వర్టైజ్మెంట్​ జింగిల్స్​తో సింగింగ్​ కెరీర్​ ప్రారంభించారు కేకే. దాదాపు పదకొండు భాషల్లో 3,500 యాడ్స్​కు ఆయన వాయిస్​ ఇచ్చారంటే అతిశయోక్తి కాదు.  సింగర్​ కేకే.. 90వ దశకంలో నుంచి వింటున్న పేరు. 1994లో లూయిస్​ బాంక్స్​, రంజిత్​ బారోత్​, లెస్లే లూయిస్​ వల్ల సినీ సంగీత ప్రపంచంలోకి అడుగుపెట్టాడాయన. యూటీవీ వారి సింగ్​ జింగిల్స్​తో ఆయనకు బ్రేక్​ దక్కింది. లెస్లే లూయిస్​ని గురువుగా భావిస్తారాయన. కానీ, సినీ ప్రపంచంలో పాపులర్​ అయ్యింది మాత్రం ఏఆర్​ రెహమాన్​ ద్వారానే.  బాలీవుడ్‌లో ఆయన వందల్లో పాటలు పాడారు. కేవలం ఏ ఒక్క నటుడికో తన గాత్రం సరిపోతుందనే ఉద్దేశం ఆయనకు ఏమాత్రం ఉండేది కాదు. అందుకే చిన్నా పెద్దా నటులందరి పాటలకు గాత్రం అందించారు. టాలీవుడ్​లో విషాద గీతాలే.. ! 1996లో వచ్చిన కాదల్​ దేశం(ప్రేమ దేశం) సినిమాలో హలో డాక్టర్​, కల్లూరి సాలే(కాలేజీ స్టయిలే..) పాటలతో ఆయన గొంతుక యువతరాన్ని ఊపేసింది. మిన్‌సారా కనవు(మెరుపు కలలు)లో ‍స్ట్రాబెర్రీ పెన్నే సాంగ్‌ ఆయన పేరు మారుమోగిపోయేలా చేసింది. అలాగే బాలీవుడ్‌లో  ‘హమ్‌​ దిల్​ దే చుకే సనమ్’​(1999) ఆయనకు మంచి పేరు తెచ్చి పెట్టింది. బాలీవుడ్‌తో పాటు మొత్తం 11 భాషల్లో ఆయన పాటలు పాడారు. తెలుగులో శంకర్‌ మహదేవన్‌ తర్వాత..  హుషారెత్తించే గీతాలె‍న్నో ఆయన పాడారు. యే మేరా జహా (ఖుషీ), సున్‌సున్‌ సోనారే-పాటకి ప్రాణం(వాసు), దేవుడే దిగి వచ్చినా(సంతోషం), దాయి దాయి దామ్మా(ఇంద్ర), ఐ యామ్​ వెరీ సారీ (నువ్వే నువ్వే), నాలో నువ్వొక సగమై(జానీ), సీఎం పీఎం అవ్వాలన్నా(దిల్​), ఫీల్​ మై లవ్​(ఆర్య), చైల చైలా(శంకర్​ దాదా ఎంబీబీఎస్​), లే లే లేలే(గుడుంబా శంకర్​), ఇంతే ఇంతింతే..(బాలు ఏబీసీడీఎఫ్​జీ), అవును నిజం(అతడు), హే జానా..(జై చిరంజీవా), ఎగిరే మబ్బులలోనా(హ్యాపీ), ఒక చిన్ని నవ్వే నవ్వి(అశోక్​), నా పేరు చిన్నా(రణం), మై హార్ట్ ఈజ్​ బీటింగ్​(జల్సా).. లాంటి హుషారెత్తించే గీతాలెన్నో గుర్తుకు వస్తాయి. కానీ, టాలీవుడ్​లో ఆయన పాటలు రిపీట్​మోడ్​లో మోగేది విషాద గీతాలోనే ఎక్కువ!. ఎవ్వరినెప్పుడు తన వలలో..(మనసంతా నువ్వే), నీ కోసమే నా అన్వేషణ.(నువ్వు నేను), ప్రేమ ప్రేమ నీకు ఇది న్యాయమా..(జయం), ఊరుకో హృదయమా..(నీ స్నేహం), చెలియ చెలియా..(ఘర్షణ), గుర్తుకొస్తున్నాయి..(నా ఆటోగ్రాఫ్​), తలచి తలచి (7జీ బృందావన్​ కాలనీ), ఆంధ్రుడు (ఓసారి ప్రేమించాక..), అనగనగనా ఒక..(ఔనన్నా.. కాదన్నా..), వెళ్తున్నా వెళ్తున్నా..(బాస్​), వెయిటింగ్​ ఫర్​ యూ(ఓయ్​), ఉప్పెనంత ఈ ప్రేమకు..(ఆర్య 2), మనసంతా ముక్కలు చేసి(ప్రేమ కావాలి), ఓ సాథియా(నా ఇష్టం), చెలియా చెలియా..(ఎవడు) లాంటి పాటలు పదే పదే వినిపిస్తుంటాయి. 2014లో నీ జతగా నేనుండాలి చిత్రంలో కనబడునా.. సాంగ్​ కేకే పాడిన చివరి తెలుగు పాట. ప్రొఫెషనల్‌ కాకున్నా.. ఢిల్లీలో మలయాళీ పేరెంట్స్​ సీఎస్​ మీనన్​, కున్నాథ్​ కనకవల్లిలకు 1968 ఆగష్టు 23న జన్మించారు కృష్ణకుమార్​ కున్నాథ్ అలియాస్​ కేకే.  పుట్టింది, పెరిగింది దాదాపుగా ఢిల్లీలోనే. గ్రాడ్యుయేషన్​ తర్వాత కొన్నాళ్లపాటు మార్కెటింగ్​ ఎగ్జిక్యూటివ్​గా జాబ్​ చేసి.. ఆ తర్వాత ముంబైకి షిఫ్ట్​ అయ్యాడు ఆయన. అక్కడే ఆయనకు సింగింగ్​ అవకాశాలు దక్కాయి. . ప్రొఫెషనల్ సింగర్​ కాదు. సంగీతంలో ఆయన ఎలాంటి శిక్షణ తీసుకోలేదు. నార్త్‌లో స్కూల్​ ఫేర్​వెల్స్​లో వినిపించే పల్​, యారోన్ పాటలు కేకే రూపొందించిన పల్​ అనే ఆల్బమ్స్​లోనివే. కేకే 1991లో జ్యోతిని వివాహం చేసుకున్నారు. కొడుకు నకుల్ కృష్ణ కున్నాథ్​ కూడా మంచి సింగర్​. తండ్రితో పాటు హమ్​సఫర్​ అనే ఆల్బమ్​లో మస్తీ అనే సాంగ్​ను ఆలపించాడు. తమరా కున్నాథ్​ అనే కూతురి ఉంది ఆయనకు. ​ తమిళం నుంచి దేశవ్యాప్తంగా మారుమోగే అప్పడీ పోడే..(విజయ్‌ నటించిన గిల్లి సినిమాలోని సాంగ్‌) పాడింది కేకేనే. తమిళంలో ఎక్కువగా ఆయన్ని సింగర్‌ కాయ్‌ కాయ్‌ అని పిలుస్తుంటారు.​ చదవండి: సింగర్‌ కేకే హఠాన్మరణం

కోల్‌కతా: బాలీవుడ్‌లో మరో విషాదం నెలకొంది. ప్రముఖ నేపథ్య గాయకుడు కేకే (కృష్ణకుమార్ కున్నత్) హఠాన్మరణం చెందారు. కోల్‌కతాలో ఓ స్టేజ్ షోలో పాల్గొన్న అనంతరం కేకే తాను బస చేస్తున్న హోటల్‌ గదిలో కుప్పకూలి మరణించినట్లు సమాచారం. కేకే తన ఆఖరి ప్రోగ్రాంకు సంబంధించిన ఫొటోల‌ను సోష‌ల్ మీడియాలో పోస్ట్ చేశారు. 53 ఏళ్ల కేకే గత మూడు దశాబ్దాల్లో హిందీ, తమిళ, తెలుగు, కన్నడ, బెంగాలీ భాషల్లో అనేక హిట్‌ గీతాలను ఆలపించారు. కేకే హఠాన్మరణం మరణం పట్ల ప్రధాని మోదీ సహా బాలీవుడ్‌ ప్రముఖులు దిగ్భ్రాంతి వ్యక్తం చేశారు. View this post on Instagram A post shared by KK (@kk_live_now) Saddened by the untimely demise of noted singer Krishnakumar Kunnath popularly known as KK. His songs reflected a wide range of emotions as struck a chord with people of all age groups. We will always remember him through his songs. Condolences to his family and fans. Om Shanti. — Narendra Modi (@narendramodi) May 31, 2022 #WATCH | Singer KK died hours after a concert in Kolkata on May 31st. The auditorium shares visuals of the event held some hours ago. KK was known for songs like 'Pal' and 'Yaaron'. He was brought dead to the CMRI, the hospital told. Video source: Najrul Manch FB page pic.twitter.com/YiG64Cs9nP — ANI (@ANI) May 31, 2022

సాక్షి, ఢిల్లీ: టీఆర్‌ఎస్‌ ఎంపీ కే. కేశవరావు(కేకే)ను తీవ్ర పదజాలంతో దూషించారు టీడీపీ ఎంపీ టీజీ వెంకటేశ్‌. శుక్రవారం ఢిల్లీలో మీడియాతో మాట్లాడిన ఆయన తెలంగాణ ఉద్యమం, టీఆర్‌ఎస్‌ నాయకత్వంలపైనా సంచలన వ్యాఖ్యలు చేశారు. రాత్రైతే మీరు చేసేపనేంది?: ‘‘ఉద్యమం పేరుతో వేలమంది పిల్లల్ని బలి చేశారు. ఇప్పుడు అధికారం అనుభవిస్తోన్న కేకే లాంటి చాలా మంది నాయకులు అసలు ఉద్యమంలోనే పాల్గొనలేదు. కనీసం కాలిగోటికైనా బుల్లెట్‌ తగిలి ఉండదు. వీళ్లందరికీ ఒకటే పని.. రాత్రైతే కేసీఆర్‌ కాళ్లు పిసకడం, మందుతాగడం తప్ప ఇంకోటి చేయరు’’ అని సంచలన వ్యాఖ్యలు చేశారు టీడీపీ ఎంపీ టీజీ వెంకటేశ్‌. టీఆర్‌ఎస్‌ నాయకులు తనపై చేసిన విమర్శలకు ప్రతిగా ఆయన ఈ విధంగా స్పందించారు. ‘‘ఏపీ ప్రత్యేక హోదా డిమాండ్‌కు కేసీఆర్‌ మద్దతు ఇవ్వకుంటే తెలంగాణలోని సెటిలర్లు టీఆర్‌ఎస్‌కు ఓట్లు వేయరంటూ టీజీ చేసిన వ్యాఖ్యలపై టీఆర్‌ఎస్‌ నేతలు కేకే, నాయిని నర్సింహారెడ్డి, కర్నె ప్రభాకర్‌ తదితరులు ఫైరైన సంగతి తెలిసిందే. నారా లోకేశ్‌ దగ్గరికిరా: ‘‘కేకే ముఖానికి రాజ్యసభ డిప్యూటీ చైర్మన్‌ పదవి అవసరమా? ఆయనకు మెదడు మోకాళ్లలో ఉంటుంది కాబట్టే నా మాటలు పిచ్చివిగా అనిపించాయి. అసలు నేనన్నదాంట్లో తప్పేముంది? విభజనతో తీవ్రంగా నష్టపోయిన ఆంధ్రప్రదేశ్‌ కోసం తెలంగాణ కూడా మాట్లాడాల్సిందే. ఎందుకంటే 60 ఏళ్ల ఉమ్మడిగా ఉన్నాం. ఎవరు అవునన్నా, కాదన్నా హైదరాబాద్‌ నిర్మాణంలో ఆంధ్రులు, రాయలసీమ వాసుల కష్టం కూడా ఉంది. గతంలో కేటీఆర్‌, కవితలు కూడా ఏపీ హక్కుల కోసం మాట్లాడటం మనం చూశాం. ఇప్పుడీ కేకే నన్ను తిట్టడంలో ఏమైనా అర్థం ఉందా? కేకే.. నీకు వ్యవహారం తెలియకుంటే హరీశ్‌, కవిత, కేటీఆర్‌ల్ని చూసి నేర్చుకో, లేదా, మా మంత్రి నారా లోకేశ్‌ దగ్గరికి రా’’ అని టీజీ వ్యాఖ్యానించారు. అంతటితో ఊరుకోకుండా తన ఒంట్లో ప్రవహించేది పౌరుషంతో కూడిన సీమనెత్తురైతే, కేకే ఒంటినిండా సారాయి నిండి ఉంటుందని అన్నారు. కేసీఆర్‌ ఏం మెసేజ్‌ ఇస్తున్నారు?: తెలంగాణ సీఎం కేసీఆర్‌ను ఒకవైపు పొగుడుతూనే చురకలు అంటించారు ఎంపీ టీజీ వెంకటేశ్‌. ‘‘మొన్న ఢిల్లీలో విపక్ష ముఖ్యమంత్రులంతా ఒకచోట ఉంటే, కేసీఆర్‌ మాత్రం ప్రధాని మోదీని కలుస్తారు. అంటే, ఆయన ఏం మెసేజ్‌ ఇవ్వదల్చుకున్నారు? ప్రపంచమంతా పర్యటిస్తోన్న మోదీ నిజాయితీ పరుడే కావచ్చు. కానీ పరిపాలనాదక్షత ఏది? ముందు ఇంటగెలిచి ఆ తర్వాతకదా రచ్చగెలవాలి. ప్రస్తుత పరిస్థితుల్లో బీజేపీ ఓ భస్మాసుర హస్తంలా మారిది. ఇది గుర్తించి తెలంగాణ నాయకులంతా ఆంధప్రప్రదేశ్‌ గురించి పోరాడాలి. అలా చేస్తేనే ఇరు రాష్ట్రాలకు మంచిది’’ అని టీజీ అన్నారు. టీజీ కావరం: టీడీపీలో నోటుకు సీటు వ్యవహారంపై ఓ విలేకరి అడిగిన ప్రశ్నకు బదులిస్తూ ఎంపీ టీజీ అసభ్య, అభ్యంతరకర వ్యాఖ్యలు చేశారు. ‘టీజీ డబ్బులిచ్చి ఎంపీ సీటు కొనుక్కున్నారని మోత్కుపల్లి వ్యాఖ్యలపై ఏమంటార’న్న ప్రశకు... ‘‘ఏ వెధవ లం..కొడుకు అన్నాడామాట?’’ అని విరుచుకుపడ్డారు. ఆ తర్వాత వెంటనే గొంతు సవరించుకుని ‘‘నా మాటలు మోత్కుపల్లిని ఉద్దేశించికాదు, ఆయనకు సమాచారం ఇచ్చినవారిని అంటున్నా..’’ అని వివరించారు.


 హైదరాబాద్‌: ఇబ్రహీపట్నం మండలం దండుమైలారంలో భూముల రిజిస్ట్రేషన్‌ వ్యవహారంలో టీఆర్‌ఎస్‌ రాజ్యసభ సభ్యుడు కే కేశవరావు కీలక నిర్ణయం తీసుకున్నారు. ఇక్కడ తమ కుటుంబం గోల్డ్‌స్టోన్‌ ప్రసాద్‌ నుంచి కొనుగోలు చేసిన 36 ఎకరాల సేల్‌ డీడ్‌ను  రద్దు చేసుకున్నారు. ఇందుకు ప్రతిగా తాము భూములు కొనుగోలుకు చెల్లించిన డబ్బును వడ్డీతో సహా చెల్లించాలని ఆయన కోరుతున్నారు. అవసరమైతే ఈ వ్యవహారంలో కోర్టును ఆశ్రయించి.. తమకు భూమిని అమ్మినవారికి నోటీసులసు ఇస్తామని కేకే చెప్తున్నారు. సొంత టీఆర్‌ఎస్‌ ప్రభుత్వంతో ఘర్షణ వైఖరితో పోదల్చుకోలేదని, రాష్ట్ర ప్రభుత్వానికి మచ్చ రాకూడదనే ఈ నిర్ణయం తీసుకున్నట్టు తెలిపారు.
 ఇక్కడ 36 ఎకరాల భూముల రిజిస్ట్రేషన్‌ను రద్దు చేయాలని స్థానిక రెవెన్యూ శాఖ అధికారులు నిర్ణయిం‍చారు. ఈ మేరకు ప్రభుత్వానికి నివేదిక కూడా పంపారు. ఈ నేపథ్యంలో సేల్‌ డీడ్‌ రద్దుచేసుకోవాలని కేకే నిర్ణయించారు.
  


 హైదరాబాద్‌ : ఇబ్రహీంపట్నం  భూముల అక్రమ రిజిస్ట్రేషన్‌ వ్యవహారంలో తన కుటుంబంపై వచ్చిన ఆరోపణలపై టీఆర్‌ఎస్‌ రాజ్యసభ సభ్యుడు కేశవరావు ఖండించారు.  రంగారెడ్డి జిల్లా ఇబ్రహీంపట్నంలో 38 ఎకరాల భూమి విషయంలో తన కూతురు, కోడలుపై వచ్చిన ఆరోపణలపై ఆయన శనివారం తన నివాసంలో మీడియా సమావేశంలో మాట్లాడారు. తమ భూముల వ్యవహారంపై ఏ అధికారిని  సస్పెండ్‌ చేయలేదని అన్నారు.
 2013లో అగ్రిమెంట్‌ చేసుకుని 2015లో రిజిస్ట్రేషన్‌ చేసుకుని దండు మైలారంలో భూములు కొన్నామని, అయితే తాము వివాదంలో ఉన్న భూములు కొనలేదని తెలిపారు. భూముల కొనుగోలు పూర్తిగా చట్టప్రకారమే జరిగిందన్నారు. తమ కుటుంబం 50 ఎకరాలు కొన్న మాట వాస్తవమేనని, రెవెన్యూ పత్రాలు కూడా పూర్తిగా పరిశీలించిన తర్వాతే ఆ భూములు కొన్నట్లు కేకే తెలిపారు. చట్టప్రకారమే భూములు కొన్నానని, తాను దొంగను కాదని అన్నారు.
 
 ఆ భూములు ప్రభుత్వ భూములు కావని హైకోర్టు ఆర్డర్‌ కూడా ఉందన్నారు. హైకోర్టు ఆదేశాలను తప్పుబట్టడం సరికాదని అన్నారు. ఎవరి దగ్గర భూములు కొన్నానో తనకు తెలుసునని కేకే తెలిపారు.  తాను పార్లమెంట్‌ సభ్యుడినని, చట్టాలు చేసేది తామేనని, వాటిపై గౌరవం ఉందని అన్నారు. కాగా సర్వే నెంబర్‌ 36లో కేకే కుమార్తె గద్వాల విజయలక్ష్మి పేరు మీద కొన్న 50 ఎకరాల్లో 38 ఎకరాలు ప్రభుత్వ భూమి ఉన్నట్లు ప్రచారం జరగుతోంది.  గోల్డ్‌ స్టోన్‌ కంపెనీ ఈ భూములను కేకే కుమార్తెకు అమ్మినట్లు సమాచారం. ఈ భూముల రిజిస్ట్రేషన్‌కు సంబంధించి అధికారి సస్పెండ్‌ అయిన విషయం తెలిసిందే.


 • మూడో రోజూ హైపవర్ కమిటీతో పలువురు నేతల భేటీ
 • గద్వాల, సిరిసిల్ల, జనగామ, ఆసిఫాబాద్ జిల్లాల
 • ప్రతిపాదనలే పరిశీలించాం: కేకే
 • ముగిసిన కమిటీ గడువు...నేడు సీఎంకు నివేదిక
  సాక్షి, హైదరాబాద్: ‘‘అనవసర అపోహలు వద్దు. కేవలం గద్వాల, సిరిసిల్ల, జనగామ, ఆసిఫాబాద్ నాలుగు జిల్లాల ప్రతిపాదలను పరిశీలించడం వరకే మేము పరిమితం. మండలాలపై వినతులు తీసుకున్నాం. కొత్త జిల్లాలు కావాలని వస్తున్నారు. వాటిని వినడమే కానీ చేసేదేమీ లేదు. మరికొన్ని కొత్త జిల్లాల ఏర్పాటుపై ప్రభుత్వానికి ఎలాంటి ప్రతిపాదనా చేయడం లేదు. కమిటీ గడువు గురువారంతో ముగిసింది. నివేదికను ముఖ్యమంత్రికి అందజేస్తాం ’’ అని కొత్త జిల్లాలపై ఏర్పాటైన హైపవర్ కమిటీ చైర్మన్, రాజ్యసభ సభ్యుడు కే.కేశవరావు (కేకే) తెలిపారు. మూడో రోజైన గురువారం కూడా కొత్త జిల్లాల కోసం హైపవర్ కమిటీకి వినతులు అందాయి.
 కేవలం నాలుగు జిల్లాలనే కమిటీ సభ్యులు పరిశీలిస్తున్నారని తెలిసినా ఇబ్రహీంపట్నం, సత్తుపల్లి, సమ్మక్క-సారలమ్మ (ములుగు), పీవీ (హుజూరాబాద్) జిల్లాలు కావాలని విజ్ఞప్తులు అందాయి. ఖమ్మం పరిధిలోని సత్తుపల్లిని ప్రత్యేక జిల్లాగా చేయాలని ఎస్సీ కార్పొరేషన్ చైర్మన్ పిడమర్తి రవి వినతి పత్రం అందజేయగా ఇబ్రహీంపట్నం, మహేశ్వరం, ఎల్బీ నగర్ నియోజకవర్గాలను కలిపి ఇబ్రహీంపట్నం చేయాలని మాజీ ఎమ్మెల్యే మల్‌రెడ్డి రంగారెడ్డి కోరారు. మరోవైపు మంత్రి చందూలాల్ కూడా కమిటీని కలిశారు.
 గతంలో ములుగు ప్రాంతాన్ని సమ్మక్క -సారలమ్మ జిల్లా చేస్తామని సీఎం కేసీఆర్ హామీ ఇచ్చారని గుర్తుచే శారు. మలుగును జిల్లా చేయాలని కమిటీని కోరారు. దీనిపై సీఎం కేసీఆర్‌ను కలిసి మరోసారి విన్నవించనున్నట్లు చెప్పారు. హుజూరాబాద్, హుస్నాబాద్ నియోజకవర్గాలను కలిపి 14 మండలాలతో కొత్తగా పీవీ జిల్లా ఏర్పాటు చేయాలని హుజూరాబాద్ నియోజకవర్గ నేతలు హైపవర్ కమిటీని కోరారు. అనంతరం వారు తెలంగాణ భవన్‌లో ప్రత్యేకంగా సమావేశమవగా వారికి మద్దతుగా మంత్రి ఈటల రాజేందర్, ఎంపీ బి.వినోద్ ఈ భేటీకి హాజరయ్యారు. పీవీ జిల్లా ఏర్పాటు విజ్ఞప్తిని సీఎం దృష్టికి తీసుకువెళ్తామని హామీ ఇచ్చారు.
 ఒకవైపు గద్వాల జిల్లాకు జోగులాంబ పేరు పెడతామని చెబుతూ.. జోగులాంబ ఉన్న ఆలంపూర్‌ను వనపర్తిలో కలపడం ఏమిటని కమిటీని కలిసిన ఎమ్మెల్యే సంపత్ కుమార్ నిరసన తెలిపారు. ఆలంపూర్, ఉండవెల్లిని వనపర్తిలో కలపొద్దని కమిటీకి విన్నవించారు. కాగా, మూడు రోజుల్లో హైపవర్ కమిటీకి ప్రధానంగా దేవరకొండ, మిర్యాలగూడెం, ఉట్నూరు, భద్రాచలం, ఏటూరునాగారం/ములుగు, సమ్మక్క- సారలమ్మ, ఇబ్రహీంపట్నం, సత్తుపల్లి జిల్లాలు కావాలంటూ విజ్ఞప్తులు అందాయి. గడువు ముగియడంతో కమిటీ తన నివేదికను గురువారం రాత్రి లేదా శుక్రవారం సీఎం కేసీఆర్‌కు సమర్పించనుంది.
 జ్యుడీషియల్ కమిటీ వేయాలి: పొన్నాల
 జనగామను జిల్లా చేయాలని పీసీసీ మాజీ చీఫ్ పొన్నాల లక్ష్మయ్య కమిటీని కలసి వినతిపత్రం ఇచ్చారు. జిల్లాల ఏర్పాటులో న్యాయపరమైన చిక్కులు ఎదురుకాకుండా జ్యుడీషియల్ కమిటీని నియమించాలని కోరారు. ఒకవిధంగా సర్కారు ఏకపక్షంగానే జిల్లాలను విభజిస్తోందని ఆరోపించారు. చివరి నోటిఫికేషన్‌లో జనగామ కొత్త జిల్లాగా ఉంటుందని ఆశిస్తున్నట్లు మీడియాకు వివరించారు.


 * ఎంపీ కేకే నేతృత్వంలో హైపవర్ కమిటీ భేటీ
 * వివిధ జిల్లాల నేతలతో సుదీర్ఘ చర్చలు
 * రేపటి వరకు వినతులు, అభ్యంతరాల స్వీకరణ
 సాక్షి, హైదరాబాద్: కొత్తగా ప్రతిపాదించిన నాలుగు జిల్లాలపై అధ్యయనం చేసేందుకు ప్రభుత్వం ఏర్పాటు చేసిన హైపవర్ కమిటీ తొలిసారి భేటీ అయింది. ఎంపీ కేశవరావు నేతృత్వంలో మంగళవారం మధ్యాహ్నం నుంచి రాత్రి వరకు ఆయన నివాసంలో సుదీర్ఘంగా చర్చలు జరిపింది. కమిటీ సభ్యులు ఉప ముఖ్యమంత్రి మహమూద్ అలీ, మంత్రులు జగదీశ్‌రెడ్డి, పోచారం శ్రీనివాస్‌రెడ్డి, జోగు రామన్న ఇందులో పాల్గొన్నారు.
 
 ముఖ్యమంత్రి కె.చంద్రశేఖర్‌రావు సూచనల మేరకు జనగామ, గద్వాల, సిరిసిల్ల, ఆసిఫాబాద్ జిల్లాల ఏర్పాటుపై, వివిధ జిల్లాల నుంచి వచ్చిన నేతలతో సుదీర్ఘంగా చర్చించారు. వారు ఇచ్చిన వినతులు, నివేదికలను స్వీకరించారు. భేటీ అనంతరం మంత్రి జగదీశ్‌రెడ్డి మీడియాతో మాట్లాడుతూ.. 6వ తేదీ వరకు ఈ నాలుగు జిల్లాలపై వినతులు, అభ్యంతరాలు, సలహాలు స్వీకరిస్తామన్నారు. వీటన్నింటిని పరిశీలించి 7వ తేదీన ప్రభుత్వానికి నివేదిక అందిస్తామని చెప్పారు.
 
 డ్రాఫ్ట్ నోటిఫికేషన్‌లో ప్రకటించిన 17 జిల్లాలు కాకుండా మరో నాలుగు జిల్లాలకు వచ్చిన డిమాండ్లను పరిశీలించేందుకు సీఎం హైపవర్ కమిటీని నియమించిన సంగతి తెలిసిందే. ఈ నాలుగు జిల్లాల ఏర్పాటు అంశాన్ని అధ్యయనం చేసి 7వ తేదీ మధ్యాహ్నం వరకు నివేదిక ఇవ్వాలని సూచించారు. కమిటీ ఇచ్చే నివేదిక ఆధారంగా ప్రభుత్వం నిర్ణయం తీసుకుంటుంది. కొత్త జిల్లాల డిమాండ్ల పరిశీలనపై అత్యవసర సమావేశాలు నిర్వహించుకుని వేగంగా ప్రక్రియను ముగించాలని హైపవర్ కమిటీని సీఎం కోరారు.
  
 హైదరాబాద్‌ను అలాగే ఉంచండి: నాయిని
 హైదరాబాద్‌ను ఒకే జిల్లాగా ఉంచాలని హోంమంత్రి నాయిని నర్సింహారెడ్డి హైపవర్ కమిటీకి విజ్ఞప్తి చేశారు. చారిత్రక ప్రాధాన్యమున్న దృష్ట్యా ఒకే జిల్లాగా కొనసాగించాలని కోరారు. నల్లగొండ జెడ్పీ చైర్మన్ బాలూనాయక్ దేవరకొండను జిల్లాగా చేయాలని కమిటీని కోరగా.. ఇందుకు నాయిని మద్దతు తెలిపారు.
  
 సీఎంకు కృతజ్ఞతలు: డీకే అరుణ
 గద్వాల ప్రాంత ప్రజల ఆకాంక్షను నెరవేర్చినందుకు మాజీ మంత్రి డీకే అరుణ సీఎంకు కృతజ్ఞతలు తెలిపారు. గద్వాల నియోజకవర్గానికి చెందిన కాంగ్రెస్ నేతలతో కలసి హైపవర్ కమిటీతో ఆమె భేటీ అయ్యారు. ఈ సందర్భంగా దాదాపు అరగంటపాటు కమిటీ సభ్యులతో చర్చించారు. గద్వాలకు ఉన్న చారిత్రక ప్రాధాన్యంతో పాటు భౌగోళికంగా జిల్లాకు ఉండాల్సిన స్వరూపానికి సంబంధించిన వివరాలను కమిటీ సభ్యులతో పంచుకున్నారు.
 
 అనంతరం మంత్రి జూపల్లి కృష్ణారావు, ఎంపీ జితేందర్‌రెడ్డి, ఎమ్మెల్యే గువ్వల బాలరాజు, మహబూబ్‌నగర్ జెడ్పీ చైర్మన్ కమిటీ సభ్యులతో భేటీ అయ్యారు. గద్వాల జిల్లా ఏర్పాటుపై చర్చించారు. ఏయే మండలాలతో జిల్లా ఏర్పాటుకు మార్గం సుగమమవుతుందో వివరిస్తూ నివేదికను సమర్పించారు.
 
 కల్వకుర్తిని డివిజన్ చేయండి
 కల్వకుర్తి ఎమ్మెల్యే, కాంగ్రెస్ నేత వంశీచంద్‌రెడ్డి కమిటీ సభ్యులను కలసి కల్వకుర్తిని రెవెన్యూ డివిజన్ చేయాలని విజ్ఞప్తి చేశారు. ఈ మేరకు ఒక నివేదికను సమర్పించారు. కల్వకుర్తి మాజీ ఎమ్మెల్యే జైపాల్ యాదవ్ కూడా కమిటీకి ఇదే విన్నవించారు. మరోవైపు రంగారెడ్డి జిల్లా బారువత్ గ్రామస్తులు ఎంపీ కేకే నివాసం ఎదుట ఆందోళన చేశారు. తమ గ్రామాన్ని మండలంగా మార్చాలని డిమాండ్ చేశారు.


 హైదరాబాద్ : తెలంగాణలో కొత్త జిల్లాల ఏర్పాటుపై ముఖ్యమంత్రి కేసీఆర్ మంగళవారం హైపవర్ కమిటీని ఏర్పాటు చేశారు. రాజ్యసభ సభ్యుడు కె.కేశవరావు ఈ కమిటీకి అధ్యక్షుడిగా ఉంటారు. అలాగే సభ్యులుగా డిప్యూటీ సీఎం మహమూద్ అలీ, మంత్రులు జగదీష్రెడ్డి, పోచారం శ్రీనివాసరెడ్డి, జోగు రామన్న ఉన్నారు. కొత్తగా తెరపైకి వచ్చిన నాలుగు జిల్లాలు... గద్వాల్, సిరిసిల్ల, జనగామ, ఆసిఫాబాద్ డిమాండ్లపై ఈ కమిటీ పరిశీలించి.. చర్చించనుంది. అక్టోబర్ 7వ తేదీ మధ్యాహ్నానాని కల్లా నివేదిక ఇవ్వాలని ఈ కమిటీని సీఎం కేసీఆర్ ఆదేశించారు. 


 డాక్టర్ ని కాబోయి యాక్టర్ నయ్యానని కొందరు సినీ తారలు చెబుతుంటారు. ఇక్కడ మాత్రం రిపోర్టర్ ను అవుదామనుకుని రాజకీయాల్లోకి వచ్చానని చెబుతున్నారు.. బంజారాహిల్స్ డివిజన్ టీఆర్ ఎస్ అభ్యర్థి గద్వాల్ విజయలక్ష్మి. ఆమెకు జర్నలిజం అంటే మక్కువ. అందుకే ఎల్ఎల్బీ పూర్తి చేసిన అనంతరం జర్నలిజంలో డిప్లొమా కూడా చేశారు. రిపోర్టర్ గా ప్రజా సమస్యలు వెలికితీసి వాటిని వెలుగులోకి తెచ్చి పరిష్కరించవచ్చని భావించి పాతికేళ్ళ క్రితం ఓ పత్రికలో చేరారు.
  
 సరిగ్గా జర్నలిస్ట్ గా రాణిస్తున్న సమయంలో పెళ్లి కావడంతో ఈ వృత్తికి దూరమైనట్టు ఆమె తెలిపారు. పత్రికల్లో కాలమ్స్ రాయడం ఇష్టమన్నారు. ఇప్పటికీ రిపోర్టర్ గా ఉంటే బాగుండేదని అనుకుంటానని చెప్పారు. సమాజంలో కుళ్లును బయటకు తీయాలన్నా, ప్రజలను చెతన్యవంతులను చేయాలన్నా జర్నలిజమే చక్కని వేదికని అభిప్రాయపడ్డారు. తన తండ్రి కేకే జర్నలిస్ట్ కావడంతో ఆ ప్రభావం తనపై పడిందన్నారు. అయితే ప్రజాసేవకు రిపోర్టర్ గా బాధ్యత ఎలా ఉంటుంది.. రాజకీయ నేతగా కూడా ఆ బాధ్యతను నెరవేర్చవచ్చని తెలిపారు. 
 - బంజారాహిల్స్


 సాక్షి, హైదరాబాద్: పీసీసీ అధ్యక్షులుగా పనిచేసి ఆపై పార్టీని వీడిన డి.శ్రీనివాస్, కె.కేశవరావు, బొత్స సత్యనారాయణల ఫొటోలను గాంధీభవన్ నుంచి తొలగించాలని టీపీసీసీ నిర్ణయించింది. పదవులు, స్వార్థ ప్రయోజనాల కోసం పార్టీ నుంచి వెళ్లిపోయిన ద్రోహుల ఫొటోలను గాంధీభవన్‌లో ఉంచాల్సిన అవసరం లేదని టీపీపీసీ నేతలు గురువారం ప్రతిపాదించారు. మరోసారి ముఖ్యులతో మాట్లాడి ఈ ప్రతిపాదనను అమలు చేయనున్నారు.
 
  తెలంగాణలో పార్టీ పరిస్థితిపై ఆలోచించండి
 తెలంగాణలో కాంగ్రెస్ పార్టీ పరిస్థితులపై దృష్టి సారించాలని ఎంపీ వి.హనుమంతరావు రాష్ట్ర కాంగ్రెస్ వ్యవహారాల ఇన్‌చార్జి దిగ్విజయ్ సింగ్‌కు విజ్ఞప్తి చేశారు. క్షేత్రస్థాయిలో ఏం జరుగుతోందనే దానిపై పరిశీలించాలని కోరారు. దిగ్విజయ్‌తో గురువారం ఇక్కడ వీహెచ్ భేటీ అయ్యారు. రాష్ట్రంలో పర్యటన ఒకట్రెండు రోజులకు పరిమితం చేయకుండా, వారం రోజులు ఉండి పరిస్థితులపై సమీక్షించాలని దిగ్విజయ్‌ను కోరారు. అనంతరం వీహెచ్ విలేకరులతో మాట్లాడుతూ బంగారు తెలంగాణ కోసం టీఆర్‌ఎస్‌లోకి వెళ్లినట్టు చెబుతున్న పీసీసీ మాజీ అధ్యక్షుడు డీఎస్ నాడు శ్రీశైలం జలాశయం నుంచి కృష్ణాజలాలు పోతిరెడ్డిపాడుకు తరలిపోతే ఎందుకు మాట్లాడలేదని ప్రశ్నించారు.  
  ‘లాబీయిస్టులను నమ్మితే ఇదే సమస్య’
 పార్టీకి నమ్మకస్తులుగా పనిచేసే వారిని కాకుండా డీఎస్ లాంటి లాబీయిస్టులను నమ్మితే వ్యక్తిగత స్వార్థంకోసం పార్టీని కష్టకాలంలో విడిచిపెట్టి పోతారని శాసనమండలిలో కాంగ్రెస్ ఉపనాయకుడు పొంగులేటి సుధాకర్‌రెడ్డి అన్నారు. అసెంబ్లీ ఆవరణలో గురువారం ఆయన విలేకరులతో మాట్లాడుతూ డీఎస్‌కు అర్హత కంటే ఎక్కువగా పదవులు వచ్చాయని, పార్టీ కోసం పని చేయకుండా ఇలాంటి సంక్షోభ సమయంలో పార్టీని వీడాలని తీసుకున్న నిర్ణయం సమంజసం కాదన్నారు.


 హైదరాబాద్ : తెలంగాణ ఎమ్మెల్సీ ఎన్నికలు రసవత్తరంగా సాగుతున్నాయి.  అయిదో సీటుపై కన్నేసిన టీఆర్ఎస్ అభ్యర్థిని నిలబెట్టేందుకు నిర్ణయించింది. బుధవారం రాత్రికి అభ్యర్థులను టీఆర్ఎస్ ప్రకటించనుంది. కాగా తెలంగాణ ఎమ్మెల్సీ ఎన్నికల నామినేషన్ల పర్వం రేపటితో ముగియనున్న విషయం తెలిసిందే. అయితే ప్రధాన పార్టీలు ఇంకా తమ అభ్యర్థులను ప్రకటించలేదు. ఈ రాత్రికల్లా టీఆర్ఎస్, కాంగ్రెస్, టీడీపీలు ప్రకటించనున్నాయి. మరోవైపు కాంగ్రెస్ నేత జానారెడ్డి ఈ రోజు ఉదయం టీఆర్ఎస్ సీనియర్ నేత కేశవరావుతో భేటీ అయిన విషయం తెలిసిందే.
 
 
  


 హైదరాబాద్ : మాజీ మంత్రి, కాంగ్రెస్ పార్టీ సీనియర్ నేత జానారెడ్డి బుధవారం ఉదయం టీఆర్ఎస్ సీనియర్ నేత కేకేతో భేటీ అయ్యారు. కాగా తెలంగాణ ఎమ్మెల్సీ ఎన్నికలు రసవత్తరంగా సాగుతున్నాయి. ఐదో సీటుపై టీఆర్‌ఎస్‌ కన్నేసిన విషయం తెలిసిందే. ఈ నేపథ్యంలో టీఆర్‌ఎస్‌ సీనియర్‌ నేత కేకే ఇంటికి కాంగ్రెస్‌ శాసనసభాపక్ష నేత జానారెడ్డి వెళ్లడం చర్చనీయాంశమయ్యింది. కాగా భేటీ అనంతరం కేకే మాట్లాడుతూ తమ సమావేశానికి ఎలాంటి రాజకీయ ప్రాధాన్యత లేదన్నారు.
 దాంతో తెలంగాణ కాంగ్రెస్‌ ఎమ్మెల్సీ అభ్యర్ధిపై ఉత్కంఠ నెలకొంది. క్యాండిడేట్‌ ఎవరనేది అధిష్టానం బుధవారం సాయంత్రానికి ప్రకటించనుంది.  పార్టీ గెలిచే ఒకే ఒక్క సీటు కోసం 40 మంది నేతలు పోటీ పడుతున్నారు. టి కాంగ్రెస్‌ సీనియర్లు, జూనియర్లు ఎమ్మెల్సీ టికెట్ కోసం నెలల తరబడిగా పార్టీ హై కమాండ్‌తో లాబీయింగ్‌ చేసుకుంటున్నారు. అభ్యర్ధి ఎంపిక అధికారం సోనియాదైతే సీనియర్లకు... రాహుల్‌ సిఫారసే కీలకమైతే జూనియర్లకు కూడా ఎమ్మెల్సీ ఛాన్స్‌ రావచ్చనేది టి కాంగ్రెస్‌ నేతల అంచనా. క్యాండిడేట్‌ సెలక్షన్‌పై  హై కమాండ్‌ నేతలు బుధవారం ఉత్తమ్‌ కుమార్ రెడ్డి, జానారెడ్డిలతో ఫోన్‌లో మాట్లాడుతారని సమాచారం.
 
 
  


 హైదరాబాద్ : తెలంగాణ ప్రభుత్వం అత్యంత ప్రతిష్టాత్మకంగా చేపట్టిన స్వచ్ఛ హైదరాబాద్ కార్యక్రమంలో రాష్ట్ర భారీ నీటిపారుదల శాఖ మంత్రి టి. హరీష్‌రావు,  టీఆర్‌ఎస్ సీనియర్ నేత కే. కేశవరావులు పాల్గొన్నారు. వారు ఆదివారం ఉదయం హైదరాబాద్ బంజారాహిల్స్ రోడ్డు నంబరు.12లో ఉన్న ఎన్బీటీ నగర్‌లో నిర్వహిస్తున్న స్వచ్ఛ హైదరాబాద్ కార్యక్రమంలో పాల్గొన్నారు. ఈ సందర్భంగా మంత్రి కాలనీవాసులతో మాట్లాడి వారి సమస్యలను అడిగి తెలుసుకున్నారు.


 హైదరాబాద్: తెలంగాణ రాష్ట్రంలో నిర్వహిస్తున్న సమగ్ర సర్వేపై నెలకొన్న అపోహాలపై టీఆర్ఎస్ నేత కే.కేశవరావు స్పందించారు. 
  
 సమగ్ర సర్వే ఎవ్వరినీ ఇబ్బంది పెట్టడానికి కాదని కేకే తెలిపారు. తెలంగాణ ప్రభుత్వ ఇచ్చిన పిలుపుకు సానుకూలంగా స్పందించి ప్రజలు స్వచ్ఛందంగా సర్వేలో పాల్గొన్నారని కేకే అన్నారు. 
  
 సమగ్ర సర్వేను గ్రామ సభల రూపంలో మరోసారి నిర్వహిస్తామని కేకే వెల్లడించారు. తెలంగాణ ప్రభుత్వం అనుకున్న విధంగా సర్వే లక్ష్యం పూర్తయిందని కేకే అన్నారు. 
  


 ఢిల్లీ: ఎప్పుడూ ఎడ్డెం అంటే తెడ్డె అంటూ భిన్నాభిప్రాయాలు వ్యక్తం చేసే  టిడిపి, టిఆర్ఎస్, కాంగ్రెస్ సభ్యులందరూ ఈ రోజు రాజ్యసభలో ఒకే కోరిక కోరారు. ఆంధ్రప్రదేశ్ ఉమ్మడి రాష్ట్ర  ఉద్యోగుల విభజన త్వరగా పూర్తి చేయాలని టిఆర్ఎస్ సభ్యుడు కె.కేశవరావు, టీడీపీ పార్లమెంటరీ పార్టీ నేత  సుజనాచౌదరి, కాంగ్రెస్ సభ్యుడు రాపోలు ఆనందభాస్కర్‌లు  కేంద్రాన్ని కోరారు. ఉద్యోగుల విభజన చేయకుంటే పాలనకు అనేక సమస్యలు వస్తున్నాయని వారు తెలిపారు. ఈ అంశంపై  కేంద్రమంత్రి జితేందర్ సింగ్ స్పందించారు. కొద్ది వారాల్లోనే ఉద్యోగ విభజన ప్రక్రియ పూర్తి చేస్తామని హామీ ఇచ్చారు.
 
 తెలంగాణ సర్వేపై తాము ఎవరికీ ఫిర్యాదు చేయలేదని  సుజనాచౌదరి చెప్పారు. సర్వేపై వివరణ మాత్రమే కోరినట్లు తెలిపారు. సర్వే వల్ల తెలంగాణ ప్రజలకు కూడా ఇబ్బందులేనన్నారు. 


 హైదరాబాద్: తెలంగాణ రాష్ట్రంలో పలు తెలుగు ఛానళ్ల నిలిపివేతపై శుక్రవారం రాజ్యసభలో జరిగిన చర్చ సందర్బంగా ఎంపీలు సుజనా చౌదరి, కేకేలు ఒకరితోఒకరు వాగ్వివాదానికి దిగారు. తెలంగాణలోని ఛానళ్ల నిలిపివేతపై ఎంఎస్వోల అనుసరిస్తున్న వైఖరిపై టీడీపీ రాజ్యసభ సభ్యుడు సుజనా చౌదరి తీవ్రంగా నిరసన తెలిపారు. ఎంఎస్వోలను తెలంగాణ ప్రభుత్వం నియంత్రిస్తోందని ఆయన ఆరోపించారు. దాంతో టీఆర్ఎస్ సెక్రటరీ జనరల్, రాజ్యసభ సభ్యుడు కేకే జోక్యం చేసుకు... సుజనా చౌదరి ఆరోపణలు అర్థరహితమంటు వ్యాఖ్యానించారు.
 సుజన ఆరోపణలను ఖండిస్తున్నట్లు కేకే ప్రకటించారు. మధ్యలో కాంగ్రెస్ పార్టీ రాజ్యసభ సభ్యుడు రాపోలు ఆనంద భాస్కర్ జోక్యం చేసుకుని... పరిస్థితిని మొత్తం సమీక్షించాలని ప్రభుత్వానికి సూచించారు. మీడియా స్వేచ్ఛ, నియంత్రణ అంశాలను అధ్యయనం చేయాలని డిమాండ్ చేశారు. ఈ అంశాన్ని అడ్వాంటేజ్గా తీసుకోరాదని పలు రాజకీయ పక్షాలకు హితవు పలికారు. అమెరికా, బ్రిటన్‌ దేశాలలో ఉన్న మీడియా రెగ్యులేషన్ సంస్థలను పరిగణనలోకి తీసుకోవాలి  రాపోలు సూచించారు.


 హైదరాబాద్:అమెరికా నుంచి చికెన్ దిగుమతిని వ్యతిరేకిస్తున్నట్లు టీఆర్ఎస్ పార్లమెంటరీ నేత కే.కేశవరావు స్పష్టం చేశారు. ఈ అంశాన్ని పార్లమెంట్ లో లేవనెత్తుతామని ఆయన తెలిపారు. ఆదివారం కేకే నివాసంలో టీఆర్ఎస్ విస్తృతస్థాయి సమావేశం జరిగింది. ఈ సమావేశానికి సీఎం కేసీఆర్ తో పాటు, పలువురు మంత్రులు, ఎంపీలు హాజరైయ్యారు. అనంతరం మీడియాతో మాట్లాడిన కేకే.. అమెరికా నుంచి చికెన్ దిగుమతికి తమ ప్రభుత్వం వ్యతిరేకమని తెలిపారు. గ్రేటర్ హైదరాబాద్ పార్టీ కార్యాచరణను ప్రకటిస్తామన్నారు.
  
 మేనిఫెస్టోలో పేర్కొన్న హామీలన్నీ టీఆర్ఎస్ నెరవేర్చడానికి సిద్ధంగా ఉందన్ని కేకే తెలిపారు. హైకోర్టు అంశాన్ని కూడా విభజన చేయాలంటూ పార్లమెంట్ లో టీఆర్ఎస్ తరుపున ఒత్తిడి తెస్తామన్నారు.


 న్యూఢిల్లీ: రాష్ట్ర విభజన సవరణలలో భాగంగా పోలవరం ప్రాజెక్టు బిల్లును వ్యతిరేకిస్తూ ఈ రోజు రాజ్యసభలో టిఆర్ఎస్ సభ్యుడు కె.కేశవరావు తీర్మానాన్ని ప్రవేశపెట్టారు. పోలవరం బిల్లుకు తాము వ్యతిరేకం అని ఆయన తెలిపారు. ఖమ్మం జిల్లాలోని పోలవరం ప్రాజెక్టు వల్ల ముంపునకు గురైయ్యే ఏడు మండలాలలను ఆంధ్రప్రదేశ్లో కలపడాన్ని టిఆర్ఎస్ మొదటి నుంచి వ్యతిరేకిస్తోంది.
 
 ఇదిలా ఉండగా, నోటీసు ఇచ్చినప్పటికీ తీర్మానాన్ని ప్రవేశపెట్టేందుకు కాంగ్రెస్ సభ్యుడు పాల్వాయి గోవర్ధన రెడ్డి  నిరాకరించారు. అయితే పోలవరం బిల్లుకు కాంగ్రెస్ పార్టీ పూర్తి మద్దతు తెలిపింది. కాంగ్రెస్ సభ్యుడు జైరామ్ రమేష్ సంపూర్ణ మద్దతు తెలుపుతూ మాట్లాడారు.
  


 
 లోక్‌సభాపక్ష నాయకుడిగా పాలమూరు ఎంపీ జితేందర్‌రెడ్డి
 
  సాక్షి, హైదరాబాద్: టీఆర్‌ఎస్ పార్లమెంటరీ పార్టీ నేతగా రాజ్యసభలో పార్టీకి చెందిన ఏకైక సభ్యుడు కె.కేశవరావును నియుమించారు. లోక్‌సభాపక్ష నాయుకుడుగా వుహబూబ్‌నగర్ ఎంపీ ఎ.పి. జితేందర్‌రెడ్డిని నియుమిస్తున్నట్లు పార్టీ అధ్యక్షుడు, తెలంగాణ వుుఖ్యవుంత్రి కె.చంద్రశేఖర్‌రావు ప్రకటించారు. ఉపనేతగా బి.వినోద్‌కువూర్, విప్‌గా కడియుం శ్రీహరి వ్యవహరిస్తారు. టీఆర్‌ఎస్ ఎంపీలుగా గెలిచిన వారిలో జితేందర్‌రెడ్డి, వినోద్ తప్ప మిగిలిన వారంతా కొత్తవారే. రాష్ట్ర రాజకీయూల్లో సీనియుర్ అరుునా కడియుం శ్రీహరి మొదటిసారి లోక్‌సభకు ఎన్నికయ్యూరు.
  
 జితేందర్‌రెడ్డి వుహబూబ్‌నగర్ నుంచి రెండోసారి గెలుపొందగా, వినోద్‌కువూర్ గతంలో హన్మకొండ నుంచి, ఈసారి కరీంనగర్ నుంచి ఎన్నికయ్యూరు. టీఆర్‌ఎస్ లోక్‌సభాపక్ష నాయుకుడి పదవి కోసం వీరిద్దరూ పోటీపడ్డారు. అరుుతే, కేసీఆర్ సావూజికవర్గానికే చెందినవారు కావడం, రాష్ట్రంలో హరీశ్‌రావు, కేటీఆర్‌లకు అదే వర్గం నుంచి వుంత్రి పదవులు దక్కడం వినోద్‌కువూర్‌కు మైనస్‌గా వూరింది.
  
 గతంలో బీజేపీలో క్రియూశీలంగా వ్యవహరించడం, జాతీయుస్థారుులో వుంచి సంబంధాలు ఉండడం జితేందర్‌రెడ్డికి కలిసివచ్చిన అంశవుని పార్టీ నాయుకులు పేర్కొంటున్నారు. పార్టీనేతగా తనను నియుమించినందుకు కేసీఆర్‌కు కేకే కృతజ్ఞతలు తెలిపారు. తెలంగాణ పునర్నిర్మాణంలో జాతీయు స్థారుులో అవసరమెప్పుడు వచ్చినా శాయుశక్తులా కృషిచేస్తానన్నారు.
  


 హైదరాబాద్ : టీఆర్ఎస్ పార్లమెంటరీ పార్టీ నేతగా కేశవరావు ఎంపిక అయ్యారు. లోక్సభలో టీఆర్ఎస్ ఫ్లోర్ లీడర్గా జితేందర్ రెడ్డి, ఉప నాయకుడిగా వినోద్, విప్గా కడియం శ్రీహరిని  టీఆర్ఎస్ అధ్యక్షుడు కేసీఆర్ మంగళవారం  నియమించారు.  ప్రస్తుతం రాజ్యసభ సభ్యుడిగా ఉన్న కేశవరావు టీఆర్ఎస్ పార్లమెంటరీ పార్టీ నేతగా బాధ్యతలు చేపట్టనున్నారు.
 ఇక మహబూబ్‌నగర్ నుంచి గెలిచిన జితేందర్‌రెడ్డి లోక్‌సభలో టిఆర్ఎస్ నాయకుడిగాగా, కరీంనగర్ లోక్‌సభ స్థానం నుంచి విజయం సాధించిన వినోద్కు ఉప నాయకుడిగా, వరంగల్ ఎంపీగా గెలుపొందిన కడియం శ్రీహరికి విప్ పదవి లభించింది.  ముఖ్యమంత్రిగా బాధ్యతలు చేపట్టిన కెసిఆర్.. అటు కాంగ్రెస్, ఇటు బిజెపితో సయోధ్యకు చొరవ చూపుతున్నారు. అందుకే రెండు పార్టీలతో మంచి సంబంధాలు ఉన్న నాయకులకు ఈ బాధ్యతలు అప్పగించారు.
 
 
 
  


 సాక్షి, న్యూఢిల్లీ: తెలంగాణలో టీఆర్‌ఎస్ స్పష్టమైన మెజారిటీ సాధిస్తుందని ఆ పార్టీ సెక్రెటరీ జనరల్, రాజ్యసభ సభ్యుడు కె.కేశవరావు ధీమా వ్యక్తం చేశారు. పార్టీ అధ్యక్షుడు కేసీఆర్ తెలంగాణకు తొలి ముఖ్యమంత్రి అవుతారని జోస్యం చెప్పారు. పార్టీలో మెజారిటీ నేతలు ఆయనే సీఎం కావాలని కోరుకుంటున్నారన్నారు. ఇక పార్లమెంట్ సీట్లలోనూ అత్యధిక స్థానాలు గెలుస్తామని, కేంద్రంలో కీలక పాత్ర వహిస్తామని ఆయన పేర్కొన్నారు. మూడు రోజుల కిందటే ఢిల్లీ వచ్చిన కేకే.. సోమవారం ఏపీ భవన్‌లో విలేకరులతో మాట్లాడారు. ఎన్నికల సందర్భంగా ప్రజలకిచ్చిన హామీలను నెరవేర్చడం కేసీఆర్ వల్లే సాధ్యమవుతుందన్నారు. పార్టీ మెనిఫెస్టోలో పేర్కొన్నట్లు విద్య, ఉద్యోగ, ఉపాధి అంశాలతో పాటు నీళ్లు, నిధులు, నియామకాల విషయాల్లో రాజీ పడకుండా అభివృధ్ధి ఫలాలు అందరికీ అందేలా చూస్తామన్నారు.
  
 అన్నింటికన్నా ముఖ్యంగా పోలవరం డిజైన్ మార్చాలని కేంద్రంపై గట్టిగా ఒత్తిడి తెస్తామన్నారు. డిజైన్ మార్చని పక్షంలో ఉద్యమించేందుకు తాము సిద్ధంగా ఉన్నామన్నారు. ఇక కేంద్రంలో లౌకికవాద కూటమికే తమ మద్దతు ఉంటుందని, వారితోనే తమ పార్టీ కలిసి నడుస్తుందని చెప్పుకొచ్చారు. అయితే మతతత్వ ముద్ర పడిన పార్టీలకు మాత్రం తాము దూరంగా ఉంటామని స్పష్టం చేశారు. కాగా, థర్డ్‌ఫ్రంట్‌లోని కీలక నేతలతో కేకే చర్చలు జరిపినట్టు తెలిసింది. పశ్చిమబెంగాల్‌కూ వెళ్లి తృణమూల్ అధినేత్రి మమతా బెనర్జీతో పాటు పలువురు కమ్యూనిస్టు నేతలతోనూ చర్చలు జరిపినట్లు సమాచారం. దీనిపై కేకేను ప్రశ్నించగా ‘థర్డ్ ఫ్రంట్‌తో చర్చలు జరిపి ఉండొచ్చు.. ఉండకపోవచ్చు’ అంటూ నవ్వుతూ సమాధానమిచ్చారు.
 
  


 తెలంగాణ రాష్ట్ర సమితి అధినేత కే చంద్రశేఖరరావుకు చంద్రబాబు ఎలా గురువవుతారు అని టీఆర్ఎస్ నేత హరీష్ రావు ప్రశ్నించారు. పార్టీ ఆవిర్భావ సమయంలో కేసీఆర్‌ టీడీపీలో ఉండగా, ఆ సమయంలో చంద్రబాబు కాంగ్రెస్ వ్యక్తిగా ఉన్న విషయాన్ని హరీష్ రావు మీడియాకు వివరించారు. ఆ సమయంలో కాంగ్రెస్ పార్టీలో ఉన్న చంద్రబాబు  వ్యక్తి కేసీఆర్‌కు ఎలా గురువవుతారని హరీష్ అన్నారు. 
  
 వెన్నుపోటు చరిత్ర చంద్రబాబుదని, ఖాళీలేక టీడీపీ వారిని చేర్చుకోవడం లేదని, ఒకవేళ తాము చేర్చుకోవాలని భావిస్తే తెలంగాణలో టీడీపీ ఖాళీ అవుతుందని హరీష్‌రావు అన్నారు.  తెలంగాణలో బీసీని సీఎంను చేస్తానన్న చంద్రబాబు.. అదే విషయాన్ని సీమాంధ్రలో ఎందుకు చెప్పడం లేదని హరీష్ నిలదీశారు. పొత్తుల విషయం కేకే కమిటీ చూసుకుంటుందని,  మున్సిపల్‌ ఎన్నికల్లో అన్ని స్థానాల్లో పోటీ చేస్తామని ఓ ప్రశ్నకు టీఆర్ఎస్ సీనియర్ నేత హరీష్‌రావు సమాధానమిచ్చారు.